يالربع الحقوا السلقة تسممت بالغلط وش الحل

[اقحطاني%]

يالربع امس عطيت الهندي عندي في المزرعة براويز الابر وقلت له يعبيها من دوا حق الجرب والحساسية المخصص
وراح الهندي وعباها من السم الجرة الي يخلط بالما ويستخدم للاستعمال الخارجي فقط لدهن الحيوانات الكبيرة الابل وغيرها
وراح هو وحطه في الابر وعطاها السلقة تحت الجلد وانا ماجيت المزرعة الا اليوم بعد صلاة الظهر وليتني ما جيت لقيت السلقة تعبانة ومنتفخة رقبتها من تحت الفك ومكان الحنجرة وتعبانة وقال الهندي انها ما كلت اليوم ووديتها عند البيطري قبل شوي وعطاها ابر ضد التسمم وابرة ثانية وجبتها الحين في البيت ورشيتها بالما البارد ولكن ما كلت الى الحين ولا شربت
وش الحل يالربع
ارجو من الاخوان التعاون باسرع وقت
وقد ارسلت رسائل خاصة لبعض الاخوان وهم شعوان القحطاني وطلو وقناص الرملة و حرف العين
ارجو من الجميع التجاوب

[يازين البر]

أول شي تسويه امسك الهندي حقكم ذا واطعزه مع رقبته بإبرة جارة :mad: :mad:

صراحة شي يقهر إلى هالدرجة رفالة:mad: :mad:

وش ذنب هالمسكينة:mad:

[راعي الهـــدد]

انا مالي خبره بالسلق

بس باقول لك اذا كانت ابرة الجاره بين الجلد واللحم فلا عليها بس بتاخذ كم يوم تعبانه الين تروح الأبره ومفعولها ثم بأذن الله تسلم

اصلاً الأبل اذا جاها جرب تضربها بالجاره ابره بين الجلد واللحم وتعافى من الجرب بعد امر الله

فكون الجاره جت بين الجلد واللحم ماعليها بس ممكن انه كثر الجرعه واتعبتها زود

بس عن ان السلقه بتموت فلا اظن

ويبي لك تتابعها يومياً وتحاول تأكلها وتحاول تخليها تمشي كثير وتطردها لعشان تحرك وتخف اثر الأبره منها بالممشى والحركه

هذا مالدي والله اعلم

[قناص الرمله]

يالربع امس عطيت الهندي عندي في المزرعة براويز الابر وقلت له يعبيها من دوا حق الجرب والحساسية المخصص
وراح الهندي وعباها من السم الجرة الي يخلط بالما ويستخدم للاستعمال الخارجي فقط لدهن الحيوانات الكبيرة الابل وغيرها
وراح هو وحطه في الابر وعطاها السلقة تحت الجلد وانا ماجيت المزرعة الا اليوم بعد صلاة الظهر وليتني ما جيت لقيت السلقة تعبانة ومنتفخة رقبتها من تحت الفك ومكان الحنجرة وتعبانة وقال الهندي انها ما كلت اليوم ووديتها عند البيطري قبل شوي وعطاها ابر ضد التسمم وابرة ثانية وجبتها الحين في البيت ورشيتها بالما البارد ولكن ما كلت الى الحين ولا شربت
وش الحل يالربع
ارجو من الاخوان التعاون باسرع وقت
وقد ارسلت رسائل خاصة لبعض الاخوان وهم شعوان القحطاني وطلو وقناص الرملة و حرف العين
ارجو من الجميع التجاوب


مرحبا اخوي /اقحطاني%

حياك الله .
1- زين اللي عطيتها ابر ضد التسمم من عند البيطري.
2- عليك با لتمر ان كانك معودها عليه فلا يوجد شي افضل منه للتسمم.(مجرب).
3- اذاكان ماتاكل التمر عليك بالتمر وهو انك تحطها في ماء فاتر (وسط) ثم انك تمرسه ثم تخليها تشربه .
وان ماشربته غرها به في ثمها شوي .
وكلش تحت الله.
وان شاء الله تفرح بصيدها .
(متابعين للموضوع عطنا علومك اول باول).

(ترى ماجاني شي من الرسائل الخاصه).

[الروقي..2]

سو مريس تمر ثم شربها غصب افتح اثمها وصبه بثمها

[طلو]

اخوي انشالله انها تبي تحييا لاكن رح للبيطري وخله يقيس حراره السلقه اول شي لان احيان يكون بها حراره وهي اكثر شي يؤثر علا السلق ويزيد المرض ويعطيها lanks bektein السعودي

[حرف العين]

ماتستاهل اللي صار ياخوي

وبلنسبه لرائي دام انه في انتفاخ في الارقبه معناته يوجد دم فاسد متجمع وفي هاذه الحالة تقوم بغرز ابره وتستخرج هاذه الدم .

طبعا ماقام به البيطري بحقنها بلمضاد ضد التسمم شي ممتاز.

بلنسبه للاكل طبعا التمر والحليب قوي على معدتها ولانه سيسبب لها الاذى مع احترامي للأراء والحل بانك يوميا تذهب بها للبيطري ويعطيها الجلكوز المغذي عن طريق الوريد وبمقدار كيس كامل اول يوم وثاني يوم
وبعدها تشوف هل تحسنت وبدات بلاكل ام لا لانه كيس الجلكوز في اليوم الواحد عباره عن وجبة 3ايام وبامكانك ان تسال الطبيب عن هاذه المعلومه.

وبأذن الله انها راح ترجع نفس الاول واحسن.

للعلم يجب رشها بلماء البارد في الصباح والمساء لانك ستجد فيها نسبه حراره عالية.

[everyshark]

ابشر عسا السلقة زينة

[عنـاد]

رح للبيطري وجب من عنده كيس مغذي دكستروز 10 %
وعلق لها كل يوم كيس في اول نهار وكيس في اخر النهار عند طريق الوريد وخل التنقيط يكون بشكل بسيط غير سريع
عشان يقدر الجسم يتخلص من الزايد

واذا حصلت عند الطبيب دفلايت او رينقر لاكتيت ممكن انك تجيب وتضيفه للمغذي بكمية بسيطة واستشر البيطري اول لانها تصنع في عدة دول وبتركيبات مختلفة خله يتاكد من التركيب اللي عنده وان شاء الله ما تشوف خلاف . كلامي هذا من واقع تخصص ودراسه مهوب من واقع تجربة

تحياتي عناد

[ال معلى]

الله يعينك وان شاء الله تاكل من صيدهاااااااااااا

[صقر آجا]

الله يعينك ويفكهىربك

[اقحطاني%]

يالربع ابشركم السلقة صارت احسن اليوم وابشركم الانتفاخ 80% راح منها وصارت تاكل وتشرب

الله يبيض وجيهكم ولا يهينكم واعذروني اذا اربشتكم شوي
يازين البر
اشكرك على المرور بس انا كنت اسئل وش اسوي بالسلقة مش الهندي (اما من ناحية الهندي ازهله)
راع الهدد
شكرا على المرور والابرة الي اعطيت للسلقة مش ابرة جرب ولكن سم جرب والمفروض يعطيها ابرة جرب وترا السلقة ماتت والله الي احياها
قناص الرملة
بيض الله وجهك ولايهنيك على المتابعة
وابشرك انها طيبة اليوم والحمدلله
وبقي لها اليوم ابرة ثانية
اخوي قناص اعذرني ترا البارحة ارسلت رسايل لك انت والشباب ولكن كان يكتب لي (لم يتم العثور على الاعضاءالتالية.....) وسويت كم مرة ارسال بس الظاهر انه ما ارسل
الروقي
لاهنت وجزاك الله خير واشكرك على الاهتمام
طلو
لاهنت والله يجزام الف خير وابشرك تراها طيبة الحين
حرف العين
اشكرك والله لا يهينك وعزا الله ما قصرت يالنشمي والسلقة الحين طيبة بالنسبة للطبيب عطاها ابرة للتسمم وابرة ثانية مادري وشهي وشربها 40 مللي املاح وقالي اشربها اليوم عن طريق برواز كبير واعطيها ابرة اليوم بس انا ياخوك اشوفها اليوم طيبة واظني ماتحتاج ولا وش رايك
evry shark
ابشرك كل شي زين واشكرك على السوال ولاقصرت
عناد
لاهنت وبيض الله وجهك وابشرك انها طيبة الحين
بس بالنسبة لكلامك اخوي عناد هل لازم اسويه اذا السلقة طيبة وتمشي ولا فيها شي والانتفاخ راح منها تقريبا واشكرك على الاهتمام ولاقصرت انت والشباب وجزاكم الله الف خير
ال معلى
لاهنت يابن عمي وجزاك الله خير على المشاركة والاهتمام
صقر اجا
تسلم ولاهنت وجزاك الله خير


واشكركم جميعا وعزاالله ماقصرتوا ولاهيب غريبة عليكم الفزعة وانتو اهلها

[طلو]

الحمد لله والله يبشرك بالخير

[القـــناص]

انت سويت اللي عليك والباقي على الله

[هاوي سلق]

الحمد لله على سلامتها وقل لهنديكم يحرص عليها اكثر

[اقحطاني%]

طلو ,القناص ,هاوي سلق
اشكركم على الاهتمام

[القـــناص]

العفو اخوي اقحطاني

[يازين البر]

الحمدلله على السلامة



بس أهم شي علمنا وش سويت بالهندي:D :D أمزح معك



(فاعف عنهم واصفح إن الله يحب المحسنين)

[اقحطاني%]

يازين البر
ههههه
تراني صدقتك والهندي ذنبه على جنبك
اللهم اني بلغت اللهم فاشهد
والدية عندنا في الامارات 200 الف
جهز فلوسك

[شعوان السعدي]

السلام عليكم ورحمة الله ,
لاحول ولا قوة الا بالله
اخوي القحطاني اعذرني والله العظيم اني مادريت الا الحين وانت الله يهديك ما زهمت علي التلفون ولادقيت
متى ذاالكلام
وترا والله اني زعلت وتضايقت يوم قريته الحين
وابشر بالعوض والله ان تجيك سلقة اطيب من سلقتك ولا لك الا طيبة الخاطر
وترا الله عطاك اياها طب واختار في السلق كبارها وصغارها
والعذر منك والله اني مقصر من راسي الى ساسي
واتصلبي اليوم لان رقمك ما خزنته عندي
اتصلبي ضروري وطمني على السلقة
والعذرمنكم يا شباب لاني رحت انا وخوي بومبارك المنصوري مقناص في جنوب الحساء وهذا الي اخرنا عليكم

[ال معلى]

شعوان


كفوو قوول وفعل

واقحطاني يستاهل

[عاشق السلقان]

مبرروك والحمدلله

[اقحطاني%]

بوعقاب ارحب مليون وكفو وراسك العوض يابن عمي وترا بنزعل تقنصون ولا تخبرونا انت وبومبارك
والله لايهينك وباقي علومنا على التلفون ....هههه
ال معلى
تستاهل كل خير وعزاالله انك كفو يابن عمي
عاشق السلقان
تسلم ولك معزة في القلب يا عاشق

[البرويه]

الحمدلله عاى سلامتها

[اقحطاني%]

الله يسلملي عيونك يالبروية

[شعوان السعدي]

شكرا وحياك الله وتر سلقك تنتظرك
تعالنا بس وابشر بعزك

[ر ب ع 111]

الله يبشرك بالخير

[اقحطاني%]

شعوان الغالي
تقول وتطول
والله يبقيك يا كحيلان

ربع 111
تسلم على الاهتمام
ماشاء الله سلقان حلوة
نزل صورها خلنا نشوفها

[قناص الضباء]

الحمد الله على السلامه بس لزم تمشيه في المزرعه شوي شوي كذا لين تصير اصيله ودربه في المزرعه

وانشاء الله تاكل من صيده

تحياتي