الحل مع تبخير من زيت القير

[alrahl]

السلام عليكم عندي لاند كروزر قير عادي كنت قبل 4 شهور مغير صوف اصليه للقير وضبط الوضع وهاليومين كنت اسفل السيارة اشيك الا واشوف زيت خفيف زي التبخير من القير خلف وامام ونظفته وشيكت بعد يومين لقيت نفس الوضع تبخير خفيف يعني مايوصل للارض . وش السبب هل الصوف اختربت او ان الزيت زائد يحتاج اني اخفف منه او اتركه ما منه مضره وشكرا لكم .

[ملك السيييف]

يفيدونك الشباب ما يقصرون .

[زياد علي]

تأكد من مستوى الزيت المناسب
شيك على بلف الزيت يجي فوق المكينة احتمال انه يرشح زيت

[ابوراكان تبوك]

السلام عليكم عندي لاند كروزر قير عادي كنت قبل 4 شهور مغير صوف اصليه للقير وضبط الوضع وهاليومين كنت اسفل السيارة اشيك الا واشوف زيت خفيف زي التبخير من القير خلف وامام ونظفته وشيكت بعد يومين لقيت نفس الوضع تبخير خفيف يعني مايوصل للارض . وش السبب هل الصوف اختربت او ان الزيت زائد يحتاج اني اخفف منه او اتركه ما منه مضره وشكرا لكم .
هذا ترشيح عندي بموتري له سنه في مجموعه الدبل احيان اشد على مسامير الجرم وتخف فتره وترجع لكن الزيت مانقص ولا زدته من شريت السياره له ثلاث سنوات
لكني مراقبه كل شهرين او ثلاثه اقيسه
احيانا اذا شحمت عمود الدوران مع المشي يذوب الشحم وتتوقع انه من الصوفه

انت راقب زيت القير كل فتره وماعليك من الترشيح

[alrahl]

مشكورين اخواني كل واحد باسمه لكن انا رحت للميكانيكي قالي هذا من وجه القير ونظف مكانه وشد على المسامير وقال شوف اذا راح او لا