أخبار الأمطار من الرياض إلى حائل مبالغ فيها بنسبة 80% .

[متفائل جداً]

السلام عليكم
وردتني رسالة هذا نصها :

( إن أخبار الخير التي من شمال الرياض إلى حائل قد جاءت مبالغ فيها بنسبة 80% . وهذا الكلام شاهدته أنا خلال رحلتي من الرياض إلى حائل ، وقد شاهدت خلالها دهر ، الله يغيرة ، ويغيثنا ، ويخرج في أرضنا زينتها .) .

فما هو رأيكم ، بارك الله فيكم .

[المطارد]

نعم هذا الكلام صحيح

[أبــوريـــان]

اخي متفائل جداً امطار الاسبوع الماضي لم تكن عامه حيث تمطر اسحابة هنا وتخلب هناك

الامطار في القصيم كانت غرب وشمال غرب وجرت منها بعض الشعاب

امطار حائل تركزت على غرب حائل وشمالها

المنطقة الواقعة بين القصيم وحائل لم يكن لها نصيب جيد من الامطار ...


والاخوان ماقصرو نزلو تقارير مدعمة بصور ..



تحية وتقدير لك اخي متفائل

[عاشق البران99]

حدد بارك الله فيك بالمقصود بشمال الرياض ؟؟؟

على العموم ترا السحاب الي جا على المناطق الي ذكرت أقرب ماله سحاب الصيف تمر من عند المحل السايل مابينك وبينه شي ولاتدري من سخف السحاب ،،،

أمر ثاني الارض عطشانة والشمس حارة والهوا صلف ودافي عشان كذا مايقعد أثر المطر ليلة ،،،

[ربيع نجد2]

لا اخوي فيها مواقع شهدت سيول غزيره ولله الحمد في حائل وابشرك طلعت يوم الخميس للنفود وشفت العشب بدأ يظهر الله يرزقه بالغيث .

[عاشق البران99]

لا اخوي فيها مواقع شهدت سيول غزيره ولله الحمد في حائل وابشرك طلعت يوم الخميس للنفود وشفت العشب بدأ يظهر الله يرزقه بالغيث .

http://www.mekshat.com/vb/showthread.php?p=549185#post549185

[الخادم]

اخوي و عزيز

بالنسبة لي فاعتقد مايلي :
جانا ايام حر و ذلك بعد المطر و من حرها تفوح الارض الله يكفينا جهنم الاخرة لكن اكثر من صورة لما هو حاصل و اعتقد ان المبالغة حاصلة و تتدخل الفرحة في قلب اخاننا المسلمين اعضا و زوار المنتدى و الله يوفق الجميع لنقل حاضر الواقع 0

[أبورهف]

أبسألك سؤال تسأله صاحبك مع أي طريق ذهب إلى حائل إذا كان من طريق حائل القصيم الجديد فهذا نصيبه من الأمطار قليل ولله الحمد



والمنة



أما من طريق سميراء حائل فهذا له نصيب كبير من الأمطار والخبر من ثقات والتقارير خير دليل



وأما إن كان من طريق الغزالة الروضة حائل كذلك هذا له النصيب الأكبر من الأمطار ، أيضاً الخبر من ثقات والتقارير خير دليل

والحمد لله على هذه الخيرات ونسأل الله أن يغيث البلاد والعباد عاجلاً غير آجل



ومن أراد التحقق ، الذهاب مع تلك الطرق أو الاتصال على ناقلي الأخبار وأصحاب التقارير



تقبل تحياتي

أبو رهف

[عاشق الضلعان]

السلام عليكم

بالنسبه للامطار أخوي كانت متفاوته

يعني هنا سيل وهناك رش

وفيه بعض الشعبان مشت

[المستبرق]

كلامك صحيح وانا قلت هذا الكلام ولكن بعض الأخون كنهم زعلو

الخير نزل ولله الحمد بس مهوب سيل واغلبه تكثيرماء وممكن في بعض الأماكن يكون شاهد وهذا يرجع الى نوع الأرض والخير اللي نزل ينبت الباذر

[رعدان]

مثل ما قال أخونا أبو رهف غربيات الطريق ممطورة أكثر من شرقياته ، ولا يفوتك موضوع أخونا راعي الحزم اطلع عليه بارك الله

فيك


http://www.mekshat.com/vb/showthread.php?t=61894

[جلوبلستار]

يحدث أن يسيل شعيب ................ والشعيب الي جنبه >>ولا قطره .

[راعي الحزم]

للمعلومية يوجد خمس طرق تربط القصيم بحائل مع ايها ذهب صاحبك

1- الطريق السريع الجديد
2- طريق بريدة -حائل طريق الصوامع
3- طريق الفويلق العظيم حائل
4- طريق البتراء -سميراء حائل
5 - طريق البتراء الروضة حائل

[راعي الحزم]

للمعلومية يوجد خمس طرق تربط القصيم بحائل مع ايها ذهب صاحبك

1- الطريق السريع الجديد
2- طريق بريدة -حائل طريق الصوامع
3- طريق الفويلق العظيم حائل
4- طريق البتراء -سميراء حائل
5 - طريق البتراء الروضة حائل

اذا كان ذاهب مع رقم 1--- 2---3 اقولك من الآن لم يكذب صاحبك

[الشقردي]

ولا يفوتك موضوع المتوكل
http://www.mekshat.com/vb/showthread.php?t=61754

والاخبار عن حايل ما فيها شك ولكن شمال الرياض مثل ماقالوا الاخوان

[جمل المحامل]

حدد بارك الله فيك بالمقصود بشمال الرياض ؟؟؟

على العموم ترا السحاب الي جا على المناطق الي ذكرت أقرب ماله سحاب الصيف تمر من عند المحل السايل مابينك وبينه شي ولاتدري من سخف السحاب ،،،

أمر ثاني الارض عطشانة والشمس حارة والهوا صلف ودافي عشان كذا مايقعد أثر المطر ليلة ،،،


صدقت اخي وكلامك منطقي جداً

[أبـوالبـــراء]

أبشركم إن حنوب حائل العشب بدا يشق ويطلع

[ثعل البرد]

لا حول ولا قوة إلا بالله



الحمدلله على نعمك التي لا تعد ولا تحصى

[الكونترولCONTROL]

لم يذكر أمطار في القصيم أبدا ....... إلا رشة خفيفة ليلة أول الدوام على بريدة و شمال القصيم ...... أما الرياض فلم ينزل عليها مطر إلا قطرات قليلة
لم تبين في الأرض و على أحياء قليلة جدا
============
الأمطار التي أسالت بعض الشعبان الصغيرة هي شمل غرب القصيم و جنوب شرق حائل - بالتحديد من العظيم و شمال و شمال غرب و شمال سميرا الى حائل نفسها -
أمطار كانت متوسطة و طيبة ....
=========================================
و صح لسانك يا " متفائل جدا " .. الأخبار مبالغ فيها
بل تحس أن بعض الإخوان يعتمد على صور الأقمار الصناعية
و لا يدري عن شيء على أرض الواقع !!!!!!
===============================================