اكلينه اكلينه الله لايعوق

[ابو درع]

السلام عليكم ورحمه الله وبركاته

اهلا بكم

انت في البر معك لحمه وطلع فيها ريح خفيف ماهي الطريقه للتخلص من الرأحه

وربع هلسين :D يعني اكلينه اكلينه الله لايعوق .

تحياتي

000

00
0

[بواسامه]

هلا اخوي بو درع
طرحك جدا جميل وتشكر عليه
اتوقع انه بتحوك تسبودهم من تروح
لا مجال للمخاطره ولوعة التسبد وتنغيص الكشته بسبة لحمه
ياخوي اذا شريت سواكني ولا تيس باكستاني وصار لك عليه قطيت اللحمة ونفسك طايبة منها
وش حادك على المر قال اللي امر منه للمظطر فقط الله لا يغير علينا
اللحمة بدالها لحمه والله يعوضك خير منها

[عاشق البران99]

يارجال أطعم له وكان النفس شينة كثر البهار والطماط ( صلصة الحمسة ) وعليك بالعافية وماظرنا ولا ظر الاولين ،،،

الا ماسمعت ( بالمحزرة ) ماجي الاولين أيام الحاجة ( ياخذون المصران والكرشة وشوية شحمة ويملحونهن بزيادة ويلفونهن بالمصران ( نفس طريقة حقين المندي بالكرشة والمصران ) عاد بعد لفها يعلقونهن بالسقف أو أي محل مرتفع عن اللاحس والذر ويتركونها فترة لين تنزل مويتهن بسبب الملح وبعدين يصيرن مثل القفر ( القديد ) لكن مع حزرة وريحة ياربي لك الحمد وياخذون منها شوي شوي يحطونها مع المرق والايدام عشان تطعم فيه المحزرة ،،،

مشكور على الموضوع ،،،

[ابو درع]

محاكيك أمش جاي من الدهنا و مابي الا العافيه .. عملت لها طريقه والحمد لله راحت الريحه


ونا بشووف رأي بعض الشباب للتخلص من الريحه


ولا تنسا اننا في البر ولا حولنا شي


اشكرك على النصيحه


تحياتي لك

[أبو تركي 2009]

توكل على الله وزود البهارات شوي

[المِشْقر]

الثوم يقطع كل حزرة ..

تحيتي لك ... وللحاضرين ...

[abrheem33]

الحمدلله والشكر لاوالله اتركها ان بها ريحه

[خالد777]

يالربع ترا بعض الشباب يوسوس بالريحة
والريحة القوية تفرق عن الخفيفة
مامثل الشوي تراي خابرك راعي مشاوي ياشواي الطماط خخخخخخخ
اعتقد ان غسلها بماء حار اورشها بملح يعالج المشكلة بس لا يصير معك واحدن نقة
واذا جيت تطبخ كثر البصل مع انه غالي هالايام خخخخخ
شكرا ابو درع

[نقى بنبان]

الذبيحة منذ ذبحها تبدأ البكتيريا بالعمل على تحليلها......

ويعطل التحلل: التجميد او نزع الماء (التقفير).

ولذا يفرق طعم الذبيحة الطازجة عند الطبخ عن المبردة او حتى المجمدة.

يتفاوت الناس في استنكار ريحة اللحمة (بعضهم لو يشوف الدود بعينه اكل اللحمة ولا همه, وبعضهم موسوس يجفل من ريحة الدم).

والطريقة التي ذكرها اخي خالد777 جيدة, وهي علمية.

وتتم بأن تشرح اللحمة, ثم توضع مغمورة في قدر يغلي بالماء فقط لمدة دقيقة او دقيقتين حسب حجم اللحمة المهم ان تقلب قلبتين او ثلاث ويبيض لونها, ثم تخرج من القدر وينثر الماء ويغسل القدر ثم تتعامل معها كأي لحمة.

وتنفع هذه الطريقة لحفظ المفطحات التي تتبقى من العزائم والمناسبات.

تحياتي للجميع وخصوصا ابو درع ومواضيعه اللافته.....

[نزيه]

والله إن كان معك سلاح صيد دور على الصيد إن عافت نفسك اللحم اللي معك.

أو أغسل اللحمة بماء حار وملح

وعليك بالعافية


تحياتي

[ابو درع]

اشكر الجميع ومنكم نستفيد

وبلفعل عملت على غشل الحم بماء وملح ثم شويتها ثم طبختها ..

ولا شفنا الا العافيه

[عود رمث]

اشكر الجميع ومنكم نستفيد


وبلفعل عملت على غشل الحم بماء وملح ثم شويتها ثم طبختها ..

ولا شفنا الا العافيه


الصراحة يوم قريت ( غشل ) قمت أفكر بمعناها ؟؟؟ :confused:

وحطيت ببالي عدة احتمالات لها !! # $ & * @
منها مثلا تنقيع .. أو تسحين .. أو رش ...

المهم ما أطول عليك رجعت شوي لرد أخونا ( نزيه ) وأول ما قريته انفكت كل الطلاسم اللي ببالي وعرفت معنى ( غشل ) :p ولله الحمد

وكل هذا بسبب لقافتي رحت أقرى آخر رد وتركت اللي قبله ..

المهم كل هالمقدمة علشان أقول لك جزاك الله خيرا على هالمعلومة

والعذر والسموحة على اللقافة :rolleyes:

أخوك / عود رمث

[مروق]

السلام عليكم ...


اذكر موقف مر علي مشابه بالبر وكان معنا باقي ذبيحه وكأن اللحم صار له ريحه ..

الموفيد قام حدى الشيبان وشرحها شرايح بعدين رشها بالملح ( غطاء كامل اللحم بالملح ) ونشرها بالهواء الطلق تحت الشمس

وصدقني بالليل قامو الشباب يتناهبون اللحم من زين طعمه ..

والسالفه بختصار تحويلها الى قفر مستعجل !!

[الفردوس]

اللي يعاف لا يروح معك
الريحة الخفيفة ما تفرق احمسها شوي ببصل ونقطة ماء وملح

[عجمي]

هلا اخوي بو درع
طرحك جدا جميل وتشكر عليه
اتوقع انه بتحوك تسبودهم من تروح
لا مجال للمخاطره ولوعة التسبد وتنغيص الكشته بسبة لحمه
ياخوي اذا شريت سواكني ولا تيس باكستاني وصار لك عليه قطيت اللحمة ونفسك طايبة منها
وش حادك على المر قال اللي امر منه للمظطر فقط الله لا يغير علينا
اللحمة بدالها لحمه والله يعوضك خير منها


رأيي من رايك يابو اسامة

وصارت لنا مرة بالبر كاشتين وكان معنا ذبيحة بثلاجة السيارة وكانت الثلاجة متعطلة واللحمة بادية الريحة فيها

وجربنا كل الطرق اللي ذكروا الأخوان ومافية فايدة..

وبعض الأخوان يقول انك منتب ميت وهذا صحيح ولاخلاف علية لكن المسألة نفسية ....

واللي جرب ليس كمن يكتب والدنيا تجارب

ومتأكد ان اكثر من كتب وقال اكلة شرط اذا جينا للأمر الواقع يطيح نصهم ؟؟؟؟؟

عجمي