الباترول الشكل الجديد - ربع

[التعـ King ـديل]

السلام عليكم ورحمه الله وبركاته

انتشر في الفتره الاخيره مقاطع فديو لباترول LE ثمانيه سلندر ربع وكثر الكلام ،، طبعا موضوعي هنا ليس للمقارنه بالسيارات الاخرى ولكن في حال ان هذه السياره نزلت للاسواق كم تتوقع بيكون سعرها وهل سيكون عليها اقبال كبير اما لا وماهي وجهه نظرك كمشتري للسياره :good2:

صوره للسياره

http://www.mekshat.com/pix/upload01/prof024/mk61060_nissan-rob3-2014.jpg


اتمنى المشاركه من الجميع وعدم الاساءه لاحد سوف احذف اي رد يسيئ الى عضو او ماركه معينه

[محرين باالخير]

هذا كتثرتداول صوره مع الناس وشفت مقطع فديو كان يسوقه الشيخ فزاع .
ويقال انه تم تعديله باحدكراجات دبي .

[التعـ King ـديل]

اذا كان تعديل فهو تعديل بطل خاصه انه بمقطع الفديو شكله روعه من الداخل وعزمه بطل في المقطع الثاني فزته مرعبه

[محرين باالخير]

اكيد وانا اخوك 400 حصان علي ربع قوه جباره
اتمني ينزل من الشركه ربع

[ذيب زلفاوي]

اذا كان تعديل فهو تعديل بطل خاصه انه بمقطع الفديو شكله روعه من الداخل وعزمه بطل في المقطع الثاني فزته مرعبه


نزل المقطع بنكحل لا هنت

[ابومشعل 22]

ماتوقع ان نيسان نزلته

اعتقادي ترهيم كراج مثل سالفت نيسان الحوض الغمارتين
بس لوفيه فديو وتعب عليه اللي طبقه والله

[ابو انس111]

نزل المقطع بنكحل لا هنت

هذا 👇مقطع الفزه
http://cdn.top4top.net/d_9b669960781.mp4

[االرحال]

غريب شكل الموتر والا مرهم

[نواف العميري]

مشاء الله تبارك الله

[غار بن شعلان]

السلام عليكم

الصراحه لو ينزل بالشكل هذا مع اني ما احب الجيوب ولا ادانيها لكن بشتريه لو ينزل عجبني مره فيه فخامه ووقفته تقول رينج ماشاء الله

يعطيك العافيه يابعدي

[محمد الحفراوي]

الله يرزقنا بواحد مثله ^_^

[عبدالله KK]

ماشاءالله تبارك الرحمن تعديل كنه شد بلد ماشاءالله تبارك الله .؟

[الدعجية]

ابداع اتوقع يوصل فوق200 الف سعره لو صدق نزل بالسوق

مكينة 400 حصان وانظمة كثيره فيه ويكفي انه 8 سرندل والفخامه شي ثاني

[ابن عكاش]

ما ادري هل هو تعديل او لا لكن اتوقع لو نزل ماراح يكون سعره اقل من 160الف اذا ماوصل 200الف
السيارة روعه لكن تبي واحد مقرش
بالتوفيق

[نايس × كول]

السياره في الامارات

حصلنا قبل فتره واحد لولوي و الثاني ذهبي و الثالث اسود واتوقع نزل خاااااااص لشيوخ الامارات لان هم من محبي النيسان

وممكن ينزل للخلج

بس الصالون احلا شكل من الربع

وجهت نظري وكل واحد له وجهة نظر

[أنصر نبيك]

كنج ان شاء الله الشيطان مو جالس يوزك وتبيع:D توك بايع هدد وشاري فتك:eek:
الا اذا كنت ناوي تجلس على الحديدة تخسر دراهمك ومدخراتك في هالمواتر :D
وأكيد بعت الهدد بخسارة وقبله بايع فتك ما اذكر وش موديله قصتك قصة الله يعينك
عاد اذا كنت مليونير هذا شيء ثاني والله يهنيك بحلالك الركادة زينة وانا خوك
الدعوة كل ابوها حديد وتؤدي الغرض

[صديق كلم رفيق]

الا ما علمتنا سبب بيعك للهدد ياكنق ؟؟

[التعـ King ـديل]

كنج ان شاء الله الشيطان مو جالس يوزك وتبيع:D توك بايع هدد وشاري فتك:eek:
الا اذا كنت ناوي تجلس على الحديدة تخسر دراهمك ومدخراتك في هالمواتر :D
وأكيد بعت الهدد بخسارة وقبله بايع فتك ما اذكر وش موديله قصتك قصة الله يعينك
عاد اذا كنت مليونير هذا شيء ثاني والله يهنيك بحلالك الركادة زينة وانا خوك
الدعوة كل ابوها حديد وتؤدي الغرض


الله يرزقني واياك والاعضاء جنه عرضها السماوات والارض

انا شريت هدد جديد فعلا ولكن ماكان بالمستوى المطلوب وبعته ماشي 7500 وبما انه جديد مانزل بسعره كثير وبعته بسعر جاب لي بطل الدروب جديد يعني مهنا خساره تسوى

من ناحيه تجاربي الكل يعرفني هنا راعي نيسان وبعض الاحيان اجرب التويوتا فترات وارجع للحب الاول الباترول :good2:

[التعـ King ـديل]

الا ما علمتنا سبب بيعك للهدد ياكنق ؟؟


الموتر شكل فقط وعليه علامه تويوتا

رساوه مافيه عزل مافيه عزم مب حسب السمعه والمحرك الموجود بالعكس اقل من المتوقع

وطبعا كل هالامور وكاله :good2: يمكن الهدد كويس بنظر الاخرين ولكن اللي يجرب النيسان وعزم النيسان يعرف ان لا بديل عن النيسان

[صديق كلم رفيق]

8
8
كنق تقصد محرك السته السرندل والا الثمانيه ؟؟

[التعـ King ـديل]

8
8
كنق تقصد محرك السته السرندل والا الثمانيه ؟؟


ملكت السته وجربت الثمانيه مهنا فرق يسوى نفس المستوى اللهم الثمانيه شوي عزمه افضل

[GMC79]

سبحان الله الموضوع عن الربع باترول .. وبقدرة قادر انقلب الى مساوئ هدد التايوتا ههههههه

ياليل التعصب ليلاه

[ابوصالح .]

والله سبق وان كنت بأفتح هالموضوع لكن انشغلت
الخبر اللي جاني انه تم تصنيع 7 جيبوب ربع
وواحد موجود في جدة وهو طلب خاص

والله يرزقنا واياكم

[التعـ King ـديل]

سبحان الله الموضوع عن الربع باترول .. وبقدرة قادر انقلب الى مساوئ هدد التايوتا ههههههه

ياليل التعصب ليلاه



اخوي الغالي الموضوع عن الربع الباترول ولكن كان فيه سؤال موجه لي عن سبب بيعه الهدد وشراء بطل الدروب اتمنى ان السؤال والاجابه ماضايقتك :D

[بدوي جنوبي]

السلام عليكم ورحمه الله وبركاته

انتشر في الفتره الاخيره مقاطع فديو لباترول LE ثمانيه سلندر ربع وكثر الكلام ،، طبعا موضوعي هنا ليس للمقارنه بالسيارات الاخرى ولكن في حال ان هذه السياره نزلت للاسواق كم تتوقع بيكون سعرها وهل سيكون عليها اقبال كبير اما لا وماهي وجهه نظرك كمشتري للسياره :good2:

صوره للسياره

http://www.mekshat.com/pix/upload01/prof024/mk61060_nissan-rob3-2014.jpg


اتمنى المشاركه من الجميع وعدم الاساءه لاحد سوف احذف اي رد يسيئ الى عضو او ماركه معينه






الله يسامحك يا كنق على هذا الموضوع
كرهت سيارتى :D


أعتقد انه صناعته مخصوص وليس ترهيم

[التعـ King ـديل]

الله يسامحك يا كنق على هذا الموضوع
كرهت سيارتى :D


أعتقد انه صناعته مخصوص وليس ترهيم


اعتقد انه راح ينزل مثل الباترول الصالون نسختين

يعني مكينه 8 سلندر الشكل الجديد ربع وصالون والشكل القديم ربع وصالون

انا اوافقك الرأي انه مب تعديل وانه صنع الشركه نفسها :good2:

[سقم المعادي 1]

ياتسبدي تسبداه :D

شفت الفيديو حقه بغى يغزل من النشاط هذا وهو بلد :D

لو ينزل الشكل الجديد ربع بس سلق مانبيه بزود خنبقه و يخلونه استبنه علاقي تسسان بعت أرضي باتسر ونبطل زواج :D

[أطلال نجد]

الصالون في نظري أجمل

القوة الهائلة في محرك النيسان 400 LE لا تتناسب مع حجم و إرتفاع و وزن الربع

لذلك لم نشاهده إلا ترهيم أو طلبيه خاصة

[جمره]

السياره لأحد شيوخ الإمارات
طلبية خاصه

[bbk077]

السلام على الجميع
للاسف موقع معروف مثل مكشات يكتبون فيه كلام غير اهل الخبرة...الباترول LE ثمانيه سلندر ربع موجود من قبل الكامل وما راح ينقطع من السوق الا اذا نزل خطاب رسمي من نيسان الام باليابان..وكونه الوكيل عندك داج و ما يجيبه مو معناه انه الله ما خلقه .والحمد لله انه الشمس تشرق عند غيرك ..بل موجود ....و احيي الاخ الكريم الفهيم. (نايس x كول )على التوضيح..والي يبي السيارة يتقدم عند الوكيل من الفرع الرئيسي ويعبي الطلب ويدفع المطلوب ويختار المواصفات ويجيبونه لك خلال شهر (في غير السعودية) ودام عزك يا الله المعبود..



سبحان الله و بحمده عدد خلقه و رضا نفسه و زنة عرشه و مداد كلماته
اللهم صلّ و سلم على نبينا محمدِ عدد ما ذكره الذاكرون و غفل عن ذكره الغافلون

[bbk077]

السلام على جميع الموجودين
طبعا هذا رديف لتويوتا للاف جي .... فلا احد يقارن بموتر ثاني .
ودمتم

سبحان الله و بحمده عدد خلقه و رضا نفسه و زنة عرشه و مداد كلماته
اللهم صلّ و سلم على نبينا محمدِ عدد ما ذكره الذاكرون و غفل عن ذكره الغافلون

[محسن اليامي]

كنا نتمنى تنزل مكينة الفتك على الشاص والربع ونزلت ، وسبب ضجه

الحين ٤٠٠ حصان والله بيصير مصيبه ، اهم شي الاسعار صار مبالغ فيها حيل

[hail_ksa]

هذا 👇مقطع الفزه
http://cdn.top4top.net/d_9b669960781.mp4


ماشاء الله .. فزة طياره تبارك الله

[sam_cq]

صرااااحة شكلة رايق ومن قوه المكينة الكفرات الامامية بتقلع تقل طيرة اخذت اذ الاقلاع من البرج والكفرات الخلفية شكلها وصلت حدهاااااا فى النزول .
بخصوص السعر اتوقع بيكون حول الباترول T1 ولا يزود عن ال T2

شاريه شااااااااريه
تحياتي