مشكلة حرارة الددسن

[K 7 E L A N]

السلام عليكم
ياشباب انا عندي ددسن ماشي 85الف مديل 2011ياباني
اليوم جلدته بالنفود ثم طفيته دقيقتين ورحت شغلته وصلت الحراره لأكثر من النص ثم رجعت لوضعها الطبيعي
هل هذا طبيعي؟؟
افيدونا ياخوان

[بدوي جنوبي]

عليكم السلام
طبيعي يا كحيلان

أجلده جلد
بس لا تبخل عليه بالصيانه

بالتوفيق

[K 7 E L A N]

بيض الله وجهك
لامعليك زيت المكينه اشيك عليه كل ماجلدته
فيه شي يبيله تشيك غير زيت المكينه؟

[الشرقيه 03]

نصيحه ياخوي اذا جلدت موترك خط ولا نفود
لاتطفيه مره وحده
خل الموتر شغال 5 دقايق بالكثير وطفه
__
صارت معي من اول على الددسن جلست موسوس يومين هههههه

[K 7 E L A N]

بيض الله وجيهكم وصادق ياخوي لازم قبل لاطفيه اخلي الزيت يبرد شوي
لا انا وسوست ساعة وحلوها لي الشباب الله يوفقنا واياهم

[الحيسوني-]

هذي هي الددسن
حتى لو جلدتها خط ولا نفود ووقفت على طول بدون تطفي بترتفع شوي وبتاخذ وقت وتنزل
واذا جلتها وطفيت على طول ورجعت شغلت بعده بشوي تبلقى الحراره مرتفعه بعض الاحيان فوق النص بس اول ماتمشي تنزل على طول
وتراء بالصيف اذا مسكت خط وانت مسرع حول ١٧٠ بترتفع الحراه شي بسيط
هذا كله طبيعي بالددسن

[K 7 E L A N]

طيب هل له خطر على الموتر؟

[الشرقيه 03]

لا ماعليها ريح بالك

انت سو مثل ماقلتلك وابشر بالخير