عندي نتعات في الددسن افيدوني يا اخوان [الأرشيف]

مشاهدة النسخة كاملة : عندي نتعات في الددسن افيدوني يا اخوان

بريق اللجين

31/01/2014, 02:17 AM

السلام عليكم يالربع من يفيدني
معي ددسن بخاخ 2003 فيها مثل النتعات الخفيفه اثناء القومه بالاول والثاني والثالث هل هي طبيعيه في الددسن البخاخ
بصراحه مابقى شي ماغيرته بواجي صفايه اسلاك بواجي نظفت البخاخات بالمحلول غيرت الدسك والكلتش والفحمه وخرطت الحذاف ماتغير شي يعني احيان القومه للسياره ميته وزنت الديلكو بالمسدس فحصت كمبيوتر ماطلع شي ولا تغير شي

الشرقيه 03

31/01/2014, 02:28 AM

وعليكم السلام

اخوي انت غيرت فلتر البنزين اللي تحت باب الراكب ؟؟؟؟؟ اذا لا غيرها

واشتر علبتين منظف بخاخات ميتسوبيشي
وعبي التانكي للنصف ثم صب العلبتين في التانكي وامش الين قبل الربع

ورد لنا خبر

بريق اللجين

01/02/2014, 05:41 AM

هلابك اخوي حطيت 3 علب على نصف التانكي ومسكت خط 350 كم ولا تغير شي والصفاي مغيرة

سحايب صيف

01/02/2014, 06:11 AM

هذي من البخاخات يوجد عندك ثلاث روس بخاخات واحد منهم خربان او يمكن كلهم

نفس مشكلتك بالظبط وعقدتني ما يقارب اربع سنوات

ولما وظبت المكينه ووديتها عند فلبينيين وقلت لهم المشكله هذي طلع لي الثلاث بخاخات وقالي اذا مو كلهم واحد منهم وفعلا بعد ما نظفهم طلع واحد فيهم منتهي وقيمته ما يقارب 400 ريال

غيرها وبتلاقي الموتر معاك زي الحلاوه

بريق اللجين

07/02/2014, 02:33 AM

ابوشاهه

07/02/2014, 06:43 AM

رد لنا عشان يستفيد الجميع ..بارك الله فيك
جزاك الله الف خير بنظفهم وبشوف

ls1.5700

07/02/2014, 07:05 PM

شيك على حساس الثروتل TPS
وعلى حساس الماف MAF
اذا مافاد ف المشكله من الديلكو ماضبط

بريق اللجين

20/02/2014, 02:03 AM

هلا بالشباب مانسيتكم ابشركم نظفت البخاخات وركبت بواجي راسين حقت كامري 2002 ولا تغير شي

المشكله لو الحساسات فيها شي طلعت في فحص الكمبيوتر او ولعت لمبه المكينه
جاري البحث عن المشكله 5 شهور

العنبري1

25/02/2014, 07:07 PM

نفس المشكلة اخوي

عندي ددسن 2002 يقطع وعزمه ضعيف والى الان مالقيت له حل

هل الددسن البخاخ له كمبيوتر

لان فيه كهربائي يقول يمكن تكون المشكلة منه

اللي يعرف تكفون لايبخل علينا

بريق اللجين

27/02/2014, 02:57 AM

الددسن فيه كمبيوتر بس التقطيع اللي عندك اوزن الديلكو بمسدس ويضبط وغير بواجي واسلاك

موترى صافي بس نتعات بسيطه في القومه بالثاني والثالث واضحه للي يستخدم السيارة

هايلكس مدبله

28/02/2014, 11:11 AM

مشكلتك ذي مرت علي بسس بالهايلوكس طلعت المشكلة طرمبة البنزيم اكرمك الله (ملياانة تراب واوصاخ) وغيرتها والحين الحمدلله احسن ما يكون

بريق اللجين

01/03/2014, 02:42 AM

هلا بجميع الاخوان نظفت التانكي حق البنزين نظيف نوعا ما من اول عندي عطل في كتاوت الدينمو وصلحته نظفت الثروتل والحساسات الثلاثة ولا زالت النتعات الخفيفه مع القومة عطيت سيارتي احد اخوياي قلت له شكلي موسوس جرب السيارة خلها معك وقالي اليوم الثاني عزم القومه سيئ وينتع وهو يقوم تتوقعون وضع الددسن طبيعي كذا مديلات 2001 الى 2004 بحكم الدفرنس يمد كما نسمع او المشكله في القير كما في عهده بالنسبه لطرمبة البنزين الموتر يشتغل من اول دقه وجربتها يوم فكيت التانكي .
اللي معه من هالمديلات ياليت بفيدنا لكي نحصر المشكله لكم اجمل تحية

patrol48

27/04/2014, 04:18 PM

السلام عليكم
كانت عندي نفس المشكلة :
ونظفت تانكي البنزين وغيرت الطرمبة وكالة و غيرت الصفاية وكالة (فلتر البانزين) ونظفت البخاخات (يقوم المهندس بفك البخاخات كلها وينظفها ) وبعد ذلك صار عزم السيارة قوي مره ما شاء الله لا قوة الا بالله
ويمكن ان المهندس وزن البلوف من ضمن شغله