المساعد الشخصي الرقمي

مشاهدة النسخة كاملة : محاولات


عبار درب
04/11/2006, 11:11 PM
حي الله الجميع كلاً بأسمه

انا و الله ياخوان احب الشعر و نظمه و لي محاولات و لا عمري عرضة شي منه على احد
و اليوم ابعرض عليكم هالحكي و اشوف ان كان يصلح نسميه شعر و هو يحكي قصه واقعيه
و حذفت اجزاء عديده لأنها تشمل اسماء ربعي الصريحة:j

راكب اللي رابحً في مشتراها ## وارد اليـابـان قيره مدبـليـنـه

السفاري و الكروزر من راها ## فز من حنات قيره والمكينه

روحو من نجد واقفو عن قراها ## قصدهم خضر الخباري يم لينه

قبل يوم العيد بليله في حراها ## روحو و العيد بكره محترينه

امرحو في ام الجماجم في ذراها ## و صبحو يوم الخميس معيدينه

صوتو على الخرايط من قراها ## قالو حنا و كل دربً حافظينه

حافظين البحر و الجو و ثراها ## و كل درب بالخريطة راسمينه

اقطعوعرق النفود ومن وراها ## سندو مع خط ساموده و لينه

شغل الكنود و نادى وش نداها ## وكل تنده فوقها اريل راكزينه

قالو جبه ياعرب اخضر ثراها ## ونفد جبه صاير كنه جنينه

ارجعو مع دربكم و اعرف تراها ## غير لينه كل جواً مجنبينه
جرير
06/11/2006, 07:49 AM
الله الله
حلوه اوي اوي
وش فيك مستحي ابيات روعه
دحدر يارجال
عبار درب
06/11/2006, 03:43 PM
اخوي جرير بارك الله فيك يكفي ياخوك انك رديت ماطنشتنا مثل الباقين خاصة المشرفين اللي مفروض يهتمون بالمشاركات في خيامهم و ينصحون و يشجعون
و الدحدرة ماحنا بعجلين نبي نرفق شوي شوي
ابوهديل 8
13/11/2006, 05:19 PM
صح لسانك يا عبار درب والحقيقة قصيده في منتهى الروعه ويزيدها جمالاً الوصف الرائع للرحله بارك الله فيك والى الامام .
سيد النشاما..
16/11/2006, 12:59 AM
شغل الكنود و نادى وش نداها ## وكل تنده فوقها اريل راكزينه


(( نداها )) >>>>>>>>>>احم ياولد ؟؟


صح لسانك ياعبار درب وإلى الأمام الله يوفقك في الدنيا والأخرة
تقبل تحياتي وخالص تقديري أخوك سيد النشاما..
زعيم القناصة
16/11/2006, 08:42 PM
صح السانك يا عبار درب