كيف طريقة كشف مشاكل السفاري بالكمبيوتر

[abo-sdeem]

السلام عليكم ورحمة الله وبركاته


إخواني لدي بترول سفاري موديل 94 ( بخاخ ) ابغى اسوي له كشف بالكمبيوتر .

لكشف مشاكل البخاخات ومنظم الهواء والأشياء الميكانيكية الأخرى .

السؤال هنا هل له قطعة توصيل بالكمبيوتر وأين موقعها .

أم أنه لا يوجد به كمبيوتر .

في هذه الحالة وشلون الكشف عليه كشف كامل ودقيق ...

وشكراً جزيلاًً لكم

[almo3jl]

اخوي لازم تكون لمبه التشيك الصفراء او لمبه علامه المكينه شغاله وأتمنى ماتخلي احد يضحك عليك ويسوي أنا بتاع كله ويقولون لك نفحص ومانفحص لازم يكون فيه لمبه تحذير على شان يعلمك الكمبيوتر انه هالقطعه خربانه وبدون علامه التحذير الصفراء مايقدر يحدد لك الخراب وبالنسبة لفتحت فحص الكمبيوتر دايم تحصلها فوق دعسه البانزين

[abo-sdeem]

لاهنت اخوي ولكن مافهمت سؤالي بالتحديد أو إني أخطأت في التعبير


سؤالي طال عمرك موتري فيه وصله ولا فيش يشبك في جهاز الكمبيوتر الخاص بالفحص ؟

يعني اقدر افحصه كمبيوتر ؟

لأن تخبر الموتر قديم ولا أدري فيه كمبيوتر ولا لا ..

وسلامتك ..

[almo3jl]

لا سؤالك واضح وانا فاهم عليك بس انت ماكملت ردي للآخر ولا كان لقيت الجواب انت تسال عن الوصله حقت الفحص وانا اقولك تحصلها من تحت جهت دعست البانزين لما تحط رجلك على دعسه البانزين شوفها فوق رجلك مادري وضحت الوصف ولا ضيعتك ههههههه

[abo-sdeem]

غريبه جيت كم محل بالمعارض بغيت افحصه كمبيوتر كامل قال مافيه فيش للكمبيوتر !!

ولا شفته انا إلا إذا مكانه عسر

يبي لي ارجع للفلبيني أخذه بإذنه يطلعه بالقوة

[almo3jl]

اخوي اذا كبريتر وغير عادي أتوقع موديل٩٤مافيه فيش لأكن تأكد

[abo-sdeem]

الموتر شاريه لي شهرين ولا عليه خلاف مكيفين ثلاجتين درايش كهرباء .

وهذا هو السفاري والسفاري يجي بخاخ مايجي كلبليتر ولا انا غلطان ؟!

[الحميضاني]

السلام عليكم ورحمه الله وبركاته
اخوي السفاري يجي بخاخ وكبريتر من 94 وفوق تاكد من سيارتك البخاخ يجي طبلونه 200 والكبريتر 180 افتح الكبوت وشوف المكينه هي كبريتر او بخاخ اغلب السيارات يجي الفيش عند الدواسات دور يمين يسار اضن انك تحصله حول مفتاح البانزين والكبوت وشكراااا