صوت طقطقه بالمكينه يوكون 2011

[خالد الحفر]

السلام عليكم ورحمة الله وبركاته

عوده من جديد بعد انقطاع لضروف خاصه

شباب طلع عندي صوت بالمكينه
تكتكتكتك الصوت من جوانب المكينه واضح يعني بعض المرات وهي بارده بالصباح وبعض المرات وهي حاره يجي يعني بكل الحالتين يجي الصوت

اليوم الصباح غيرت جلدة طرمبة الزيت طبعا ع كلام الورشه قال افضل لك الجلده تغير انا ماعندي اي مشكله اغير لك اللي تبي بس الافضل تغير الجلده وغيرها وغير واجد قطع معاها المهم كلها كلها كلفت 1049 ريال مع الزيت حق المكينه مع السيفون مع الغراء

وش رايكم وش الحل الكمبيوتر يكشف الاعطال بالكهرب فقط مايكشف وش الطقطقه يقولون
وانا محتار بين وبين

اليوكون مديله 2011
النوع : العادي بدون دبل ولا هو فل
ساعدوني وش اسوي وش ادبر بها قالو الصبابات وتكلف القطع لحالها 5400 ريال من الوكاله على كلام الورشه
وشغل اليد ب 3000 ريال

[خالد الحفر]

عسى الله يحلها بس وعلى اعصابي لهلحين
وبانتظار الرد من اللي صار معاه هالشي وصلحه او يدلونا ع الطريق الصحيح

[وين الصيد]

يالغالي هذا الصوت عادي عند اشتغال السيارة في الثواني الاولى

وهو صوت صرقعة البلوف قبل لايصعد عليها الزيت

[hightech]

وش نوع الزيت اللي تستخدمه للمكينه ودرجة اللزوجة؟

[خالد الحفر]

وين الصيد
نقول ان شاء الله



hightech
الزيت كاسترول GTX
الدرجه ١٠ - ٣٠

[Tool_crib]

الزيت مايصلح غيره حط 5w30 عندي يوكن 2012 وكاله والزيت نفس اللي ذكرته توكل على الله وحط هذا الزيت
لان الصوت صوت الطرمبه واضح ماتتحمل 10w30 ثقيل شوي والله اعلم

[خالد الحفر]

5w30 يعني هذا احسن

[hightech]

30w5 أكيد احسن وهو المخصص له ومكتوب الرقم هذا على غطى الزيت توكل على الله وغيره

وشف عند الوكالة زيت اسي ديلكو 5w30 تخليقي وخذ بعد سيفون وان شاء الله يروح الصوت

وتنحل المشكلة

الزيت اعتقد حول 22 ريال رخيص وممتاز على المكينة وعلمنا وش صار معك وبالتوفيق

[GMC 111]

يالغالي ضغط الزيت يوصل معك للربع وتحت ولا لا

[خالد الحفر]

30w5 أكيد احسن وهو المخصص له ومكتوب الرقم هذا على غطى الزيت توكل على الله وغيره

وشف عند الوكالة زيت اسي ديلكو 5w30 تخليقي وخذ بعد سيفون وان شاء الله يروح الصوت

وتنحل المشكلة

الزيت اعتقد حول 22 ريال رخيص وممتاز على المكينة وعلمنا وش صار معك وبالتوفيق
شكرا اخوي الطقطقه راحت الحمد لله بدون مااغير الزيت نفسه الاول 10W30 بس غيرت شداد سير المكينه كان منه الصوت يطلع



يالغالي ضغط الزيت يوصل معك للربع وتحت ولا لا

ضغط الزيت فوق الربع بعد المشاوير يرجع على الربع مع دعس البنزين يرتفع لفوق النص شوي

[القشيعين]

انا رحت للجميح
ونصحني بالزيت 10w30
مع ان غطى المكينة مكتوب عليه5w30

وراحت الطقطقة ولله الحمد بس
باقي انبير ضغط الزيت ينزل تحت الربع

[hightech]

شكرا اخوي الطقطقه راحت الحمد لله بدون مااغير الزيت نفسه الاول 10W30 بس غيرت شداد سير المكينه كان منه الصوت يطلع



ضغط الزيت فوق الربع بعد المشاوير يرجع على الربع مع دعس البنزين يرتفع لفوق النص شوي
الحمد الله انك لقيت المشكلة وصلحتها

[ابونايف77]

اذا الصوت موجود وضغط الزيت منخفض طرمبة الزيت غيرها ولا تتاخر ابدا

[الودعاني711]

شباب عندي جمس 2006 مكينه 8100 حوض فيه صوت طقطقه وظغط الزيت منخفض على الربع واذا دعست يروح الصوت وضغط الزيت اذا وصل النص راح الصوت مع اني اغير كاسترول سوبر جيتكس cosrol10-30
مع العلم انه مكتوب على غطاء المكينه a5-30

وش رايكم اغير الزيت ولا الطرمبه الزيت ياهل الخبره وش احسن زيت تنصحون فيه

[GMC 111]

شباب عندي جمس 2006 مكينه 8100 حوض فيه صوت طقطقه وظغط الزيت منخفض على الربع واذا دعست يروح الصوت وضغط الزيت اذا وصل النص راح الصوت مع اني اغير كاسترول سوبر جيتكس cosrol10-30

مع العلم انه مكتوب على غطاء المكينه a5-30


وش رايكم اغير الزيت ولا الطرمبه الزيت ياهل الخبره وش احسن زيت تنصحون فيه



ارسلت لك رقمي على الخاص واي خدمه انا حاضر

[ابوعزآم]

يالغالي هذي صارت معي قبل فتره كان فيه صوت طقطه اول ماتشغل الموتر وهو بارد اذا حمى الموتر راح الصوت ..

ومع الوقت زاد الصوت صارح حتى مع الدعسه يطلع الصوت ..

بالبدايه كنت احسبه بالمكينه .. ومع الوقت زاد الصوت وصار يطلع مع الدعسه .. وقلت شكله القير ..

واروح لبعض الورش وقالوا لي قير نبي نفكه ونشوف وش فيه .. قلت لا مهب على كيفكم فك القير وشف وش فيه .. مهب هايلكس هو ..

المهم واروح لواحد بالصناعيه عنده سماعات دكتور وحطها على القير مافيه شي .. وحطها على دبة الشكمان اللي جنب القير طلعت الشخالات متكسره ..

الحل في هذي الحاله تفرغ الشخالات بـ 150 ريال .. او تشتري الدبه من الوكاله بحدود 2500 ريال ..
بالنسبه لي انا طلعت التشليح وفكيتها من تاهو بـ 800 ريال وركبتها بـ 200 ريال ..


الدبه اللي اقصدها هي اللي طالعه من القزوز وفيها دبتين وحده يمين القير ووحده يسار القير ..

اتمنى اني افدتك ..

[طويق222]

الله يوفقك وانا عندي نفس المشكله