المساعد الشخصي الرقمي

مشاهدة النسخة كاملة : مساعدات جبريل البيض للgx


الا سير
03/02/2014, 08:36 PM
السلام عليكم ورحمة الله وبركاته
مثل ما في العنوان عندي جيب جي اكس عليه مساعدات
مرسيدس قدام وزينات بس لابغيت اركب مثلهن لحام وقص ودوشه
فمريت محلات القطع ولقيت مساعدات جبريل الي لونهن ابيض
بصراحه ماعمري جربتهن بس راعي المحل يمدحن
ويقول افضل من الوكاله
ايش رايكم اتوكل على الله واركبهن ولا فيه مساعدات ازين منهن
آلِ تميمي
03/02/2014, 08:59 PM
والله جربتها على سوزو وممتازة واسمع الشباب يقولون الجديد منها قبل لاتركبة له ثلاث وضعيات قاسي ، وسط ،ومريح
Vortech
03/02/2014, 09:45 PM
ركبتهم ولا يستاهلون ....

مضيعة وقت وفلوس... مع اني طالبهم من امريكا... من موقع امازون ...

وما منهم فايده ...

بالعكس مساعدات الوكاله احسن عنهم...

الموتر جمس سييرا
الا سير
04/02/2014, 12:47 AM
انا اتكلم عن جي اكس 2001
مساعدات الوكاله ما تنفع بريال
مظلووم
04/02/2014, 05:46 AM
خويي مركبها على فكسار 99 يمدحها
كان يركب حقت الوكاله وتتفقع كل 3 الى4 شهور
الفريح1
04/02/2014, 11:25 AM
الوكالة خايسة انا شكلي بركب جبريال يمدحها لي واحد بس مدري عنها قاسية في المطبات
الا سير
04/02/2014, 12:46 PM
هذي المشكله انا اليوم رحت لصناعيه
ويقول راعي الورشه مطبها قوي
هذا الي خوفني
ابي واحد يكون مجربها ويفيدنا
رفيع المقام
04/02/2014, 01:08 PM
مساعدات جبرايل يوجد منها كذا نوع اللي لونها ابيض الترا (غاز + زيت ) هذي قاسيه ..

وفيه نوع ثاني زيت فقط هذي لينه .

ايضاً في انواع اخرى ما تحضرني ..

إذا بتشتريها خذها من الوكيل بالصناعيه القديمه ..
ابوراكان تبوك
04/02/2014, 02:16 PM
مساعدات جبرايل يوجد منها كذا نوع اللي لونها ابيض الترا (غاز + زيت ) هذي قاسيه ..

وفيه نوع ثاني زيت فقط هذي لينه .

ايضاً في انواع اخرى ما تحضرني ..

إذا بتشتريها خذها من الوكيل بالصناعيه القديمه ..
وفيه نوع ثاني زيت فقط هذي لينه .:good2::good2:
فعلا عندي مجربها من ثلاث سنوات ولا احلى منها مطبها لين مع اني اجور على الموتر كثير في الصحراء لو نوع آخر غيرها ما اظنه يكمل سنتين على استخدامي
الا سير
04/02/2014, 04:15 PM
الله يعطيكم العافية يا شباب
راح اشتريها واركبها
واعلمكم وش يصيرمعي
باذن الله