استفسار عن الصمان

[ابوسعوددد1000]

السلام عليكم ورحمة الله وبركاته
يسعد صباحكم
انا عضو جديد ويشرفني اني اكون بين اخواني في هذا المنتدا الاكثر من رائع
واود ان ابركلكم علي الربيع وخيرات الله سبحانه
ولله الحمد نعمه من الله سبحانه وتحتاج لشكر
كما اود منكم الله لا يهينكم بأن تفيدوني عن
الصمان وربيعه ناوي اروح نهاية الاسبوع هذا
وحبيت اخذ رايكم
ولكم جزيل الشكر

[دكتور زمانه]

سألت بعض الربع ولكن مالقيت علم بين
الربع هنا الله يهديهم تلقى المشاهدات 100
ولاتلقى احد يعبرك . موفق خير

[مناسبات]

اخوي العزيز .
الصمان على ما قالو طويل عريض وله اكثر من طريق مع طريق الشرقية او من بعد رماح او من جهة التنهات ماندري من وين ناوي تروح له انت .
بعدين انصحك ها الأن الربيع بكل مكان عندك روضة الخفس يالله لك الحمد ربيع وارض دكاك ووسيعة وفيها شعبان وطليحات من جهة رويغب .
وعندك روضة خريم مربعة وفيها خير من الله وجلسة على النفود فوقها شي طيب .
وعندك التنهات مربعة وشعبانها اللي تصب فيها في ربيع واشجار على كيف كيفك .
اتمنى لك كشتة رائقة وموفقة ومليئة بالسرور .

[ابوسعوددد1000]

الله يوفقنا وياكم
ولكن المناطق هاذي تزدحم بلعوائل
وكلها مرريت عليها حاب اغير
والي الربيع ولله الحمد في كل مكان
وخاطري بصمان واتمنا منكم الاجابه

[sfr]

حياك اخوي والله ان الصمان مشوار وحنا نحب ذيك اﻻراضي وكل سنه نروح يمها لكن نصيحة ان كانك من سكان الرياض عندك الرياض ورى ضرما مربعة روضة القرعا وام الخفاس وام الشقوق وروضة طريف الحبل والجهه ذيك كلها تشرح الخاطر وعندك شعيب الشمس .
لكن ان كانك معزم على الصمان يمدحون الجهه الشرقية منه يم شويه عندك ام المصران والمعترضه وشقران ويمدحون الرياض الي في تلك الجهه وهذا تقرير ﻻحد اﻻعضاء يتكلم عن تلك الجهه
تجده في الصفحة الرابعة من خيمة الرحﻻت البرية للعضو عادل العميره

[ابوسعوددد1000]

الله لا يهينكم واشكركم ولكم خالص احترامي

[قاف]

ما تسوى مشواره .... الاسبوع الماضي ما خليت مكان بالصمان ولا فيه ربيع