نداااء لاصيل حجازي وبدوي جنوبي

[الطير 888]

السلام عليكم

موتري جيب لاندكروزر موديل 92 اذا شغلته الصباح او اذا كان واقف اكثر من ساعتين يطلع صوت طقطقه من المكينه واذا احتر الموتر راحت الطقطقه وديته لكذا ميكانيكي الي يقول يبي لك خرط عمود والي يقول السبايك مهيب مضبوط واخرهم قال يبي لك وزن بلوف ، وانا صراحتاً احترت ولا ادري وش اسوي ، ياليت تفيدوننا بخبرتكم ولكم مني جزيل الشكر .

[1824]

نوع الزيت الي تستعمله وكيف يروح مع الدعس قوي الصوت ولا لا الصوت يجي واضح من تحت المكينة ولالا وان شاء الله محلولة

[الطير 888]

الزيت شل سوبر الاحمر ومع الدعس يروح الصوت ، الصوت كنه من فوق

[ابوراكان تبوك]

السلام عليكم

موتري جيب لاندكروزر موديل 92 اذا شغلته الصباح او اذا كان واقف اكثر من ساعتين يطلع صوت طقطقه من المكينه واذا احتر الموتر راحت الطقطقه وديته لكذا ميكانيكي الي يقول يبي لك خرط عمود والي يقول السبايك مهيب مضبوط واخرهم قال يبي لك وزن بلوف ، وانا صراحتاً احترت ولا ادري وش اسوي ، ياليت تفيدوننا بخبرتكم ولكم مني جزيل الشكر .
وزن بلوف :mad:
لو قال لي ميكانيكي كذا صكيت الكبوت فوق راسه لانه سباك
من 92 وفوق ماله وزن بلوف

اذا الصوت من راس المكينه ومع الدعسه حار ولا بارد احتمال كبير تكيات
عموما الاصوات ما احد يقدر يحدد لك مصدرها الا اذا سمعها ومرت عليه


مبدأيا غير نوع الزيت وجرب سوبر سبشل الذهبي 20-50

[حمزةعبدالمطلب]

اخوي تاكد اذا الصوت يجي بعد التشغيل مباشرة ثم يسكت هذا جنزير من صدر المكينة واذا من غطاء المحرك فهذا من البلوف وترى توزن بجهاز خاص في المخرطة
شكرا

[ابوراكان تبوك]

اخوي تاكد اذا الصوت يجي بعد التشغيل مباشرة ثم يسكت هذا جنزير من صدر المكينة واذا من غطاء المحرك فهذا من البلوف وترى توزن بجهاز خاص في المخرطة
شكرا
اخي حمزه بلوف نوع المحركات من 92 الى 2009 لها اقراص بسمك معين لكل بلف فإذا ركب أي قرص خطأ تسمع انواع الصرقعه من البلوف الميكانيكي الصاحي يركبها بنفسه
بعض الميكانيكيين يعتمد على المخرطه حتى مايحوسها
المعلومه اللي اود ان اوضحها ان الاقراص هي المسئوله عن وزن البلوف فلا تحتاج أي تحريك طالما ما انفك الراس والبلوف
انا كان عندي قناعه ان بلوف الجيوب مكاين 24 توزن الحالها تماتيك مثل نظام السيارات الامريكيه وقبل سنه فكيت راس مكينه جيب عند شخص متكمن وهو من افادني بهذه المعلومه وطبق القطع أمامي بدون مخرطه

[بدوي جنوبي]

اذا شغلت الصباح طبيعي تظهر انواع الاصوات
سيارتى 2012 المحرك من كل جهة يظهر منه صوت
لانه بعد ما يطلع الزيت وتحميه حق 3 دقائق كل شي يختفى
ويبقي اصوات بسيطه
مثل صوت تك تك تك من البخاخات
وفوق الكفرات صوت خفيف جدااا من البلوف
وانا مقتنع تمام ان الاصوات طبيعيه جداااا ولانى قلقان

انا (واعوذ بالله من كلمة انا )

متأكد مليون % ان المحرك مافيه شي
دام ما تشتكى من حرارة او صرف وقود

ثانيا معقوله تترك السياره ساعتين واقفه
هذا غلط ،، ويأثر على المحرك

[محمد 2002]

ياخوك لو انه من العمود على قولتهم ما بيروح الصوت بعد ما يحتمي الموتر
غير الزيت مع السيفون أصلي من الوكالة إلى زيت ثقيل مثل سوبر جي تي 20 / 50 لأن بعض زيوت البناشر مغشوشة ان لم يكن أكثرها وبعدها إذا ما راح الصوت تأكد من مصدره وين أكثر مكان تسمعه فيه واضح خذ لك ماصورة أو لي صغير وحط طرفه في إذنك والطرف الثاني في المكان الي بتفحصه شيك على المكينة من فوق ومن تحت ثم انتقل للبكرات وجرب

[الطير 888]

بيض الله وجيهكم وماقصرتوا

[1824]

اذا تبي الصوت يروح استعمل بترومين A1 مع سيفون اصلآ وبيروح وانت وقناعتك وانا اعرف بالاشياء هاذي بالتوفيق اخي الكريم

[بدوي جنوبي]

ياما ناس كثير راحو ورش
واستغلوهم .. ولعبوا في سياراتهم
وهى في الحقيقه ما فيها شي

أرسلت من GT-I9082 بإستخدام تاباتلك

[الطير 888]

رحت لميكانيكي فاهم وقالي هذا الجنزير ميه بالميه وش الراي

[حمزةعبدالمطلب]

السلام عليكم اخوي انت خايف لايكون كذاب حاشاك والمشاهدين
فك الغطاء للبلوف وتشوف الجنزير زي جنزير السيكل اسحبة من الترس حقه وشوف فيه فضاوة واذا غيرته الله يعينك
جنزير وبلف وتكايات وغراء والله يعينك ويسر امرك