مشكله في دعسه البنزين

[المنطلدز]

السلام عليكم

السياره فتك 2006 تماتيك

اليوم وانا جاي من الدوام اسرعت شوي يوم وصلت 160 ومير يكتم الموتر والدعسه صار به ثقل يعني ادعس لأخر البنص يالله يستجيب الموتر وياصل 100 واشتغلت لمبة المكينه


وقفت على يمين وطفيته وصبرت 5 دقايق وشغلته وزان الحمد لله لكن قبل اسبوعين حدثت معي نفس المشكله وطفيته لكن لم يشتغل مره ثانيه وسحبناه للصناعيه وقال الكربائي الدنمو ممتاز المشكله يقول من البطاريه وغيرته جديده ولكن اللي اثار خوفي رجعت المشكله اليوم وانا رجال اتردد يوميا بطريق بعيد عن الديره اخاف يطفابي بمقطعه وانا ما افهم في الميكانيكا واخاف ينهبونن الصناعيه

فا تكفون شوركم وش المشكله والحل الله لايهينكم يا الربع .

[1824]

افحص كمبيوتر وعطنى الارقام الي تطلعلك وابشر بالحل بالتوفيق اخي الكريم

[ابن طاحوس]

صارت معي بفتك ٢٠٠٢
ورحت لمكانيكي فاهم وقالي برمجه
وارسلني لكهرباءي
وضبطها بجهاز كمبيوتر وضبطت

[almo3jl]

اول شي ياليت تذكر بهاليومين الي فان اذا مغير اي قطعه كهربائية اي كانت وإذا على الطفيه اتوقع صفايه بانزين

[المنطلدز]

ماقصرتو

رحت لكهربائي اليوم وفصل حساس القربه وشبكه وقال ان شاء الله انه زان يقول اذا رجعت المشكله مره ثانيه ارجع لي

عاد انا ابصبر ان رجعت المشكله ابفصحه كمبيوتر وان مارجعت الحمد لله

واكرر شكري لكم والله يجزاكم خير

[Meshal_66]

اخوي تكفى عندي نفس مشكلتك بالظبط وموتري فتك ٢٠٠٤ تكفى علمنا الحل ولا الورشه اللي صلحه لك ارجوووووك والله عقدني

[Meshal_66]

او ارسلي رساله على الخاص والله انك مسوي معروف في