نقاش بحذف الطير مع الدريشه وعلى سرعه ..

[خالد العطااوي]

سلام عليكم ورحمة الله وبركاته
شلونكم عساكم بخير

لاحظت ان مافيه موضوع عن حذف الطير مع الدريشه وعلى سرعه
وكتبت الموضوع ونبي نتناقش فيها ..
و نستفيد منها طريقة الحذف على سرعه وتعليم الطير عليها ..
وقت ماتكون الصيده بأرتفاع
تساعد الطير في نفس الوقت .. وهل الخبره يفيدوننا فيها ..
وأنا أأيدها .. بصراحه نسمع منكم ..

[أملج سيتي]

اهلا وسهلا بك الخي العزيز خالد ، وعليكم السلام ورحمة الله وبركاته

بالنسبه لفك الطير وطريقة هداده من الدريشه
ترجع لأسباب كثيرة ومنها
طبيعة المكان الذي تقنص فيه وطبيعة ارضه
وبالفعل كل ما كان الطير شديد في لمحّه ومشاهدته للفريسه كان عليه الاستسهال في الوصول اليها ، افضل مما ان تكون بعيدة عنه
ويجب ان لا يُروع الطير في طريقة سحبه من شبّته بالسيارة لفكه وهداده ،، بالراحة بالراحة وبلج البرقع وان شاء الله يطلبها لو انها سما
نترك مجال للاخوان الاحباب

[أملج سيتي]

من خلال تفاعل احد الاصدقاء بالقروبات بالنسبه لنقاشك اخ خالد

يقول الاستاذ علي العوفي ابو صالح واحب امسي عليه من هذ المنبر ، بأن هذه الطريقه حذف الطير مع الدريشه ( بأنها احسن شيئ للتلحيق )

وأفاد مؤخرا الاستاذ ابو صالح
حذف الطير ترجع لهقوه الصقار بطيره

1/ يكون تعويد الطير من سرعه 30 كم/بالساعه حتى 90 كم/بالساعه بالتدريج للحرار اما الشياهين تصل الى120كم/بالساعه.
2/ تعود الطير على انك تناديه باسمه خاصه لا صار له الهدد عشان يستعد الطير لانك راح تطرد اكثر من مره باليوم وراح يكفاخ الطير معاك اذا ماعوته على هذه الطريقه.
3/ البدايه تكون الحمامه قريبه من السياره تقريباً20م وارتفاع قليل ثم تاخذ بزياده المسافه مع الارتفاع حتى يتعود الطير اول ماتحدفه يقلب فوق.
4/يكون اريل الكنود يمين او بوسط السياره اهم شي مايكون يسار لانه احتمال يكسر جناح الطير لاسمح الله.
5/ عدم الاستعجال بالحذف بسرعه عاليه لان الطير يحتمل يصطفق بالهواء ويوثر على توازنه ومن ثم يتعرض لاصابه لا قدرالله.
6/هذا مجهود شخصي قابل لزياده النقاط من الصقاقير وقد يحتمل الصواب للمتتقن او الخطاء للناقد والشكر لله الذي امدنا بهذا لينتفع بها غيرنا.

[خالد العطااوي]

اهلا وسهلا بك الخي العزيز خالد ، وعليكم السلام ورحمة الله وبركاته



بالنسبه لفك الطير وطريقة هداده من الدريشه
ترجع لأسباب كثيرة ومنها
طبيعة المكان الذي تقنص فيه وطبيعة ارضه
وبالفعل كل ما كان الطير شديد في لمحّه ومشاهدته للفريسه كان عليه الاستسهال في الوصول اليها ، افضل مما ان تكون بعيدة عنه
ويجب ان لا يُروع الطير في طريقة سحبه من شبّته بالسيارة لفكه وهداده ،، بالراحة بالراحة وبلج البرقع وان شاء الله يطلبها لو انها سما

نترك مجال للاخوان الاحباب


ياهلا وغلا مرحبا ينايف
الله يجزاك خير واتمنى من الاخوان المشاركة ..

[يوسف الطيف]

من المهم تعويد الطير علئ الحذف ولها ايجابيات منها
1-انه اذا تم حذفه يقوم بالبحث عن طريده امامه
2-سرعة الارتفاع
3- تخدم الطير الغير راكد
ومن المهم في حذف الطير اغلاق النوافذ الاخرى الا نافذة الحذف

[خالد العطااوي]

من خلال تفاعل احد الاصدقاء بالقروبات بالنسبه لنقاشك اخ خالد




يقول الاستاذ علي العوفي ابو صالح واحب امسي عليه من هذ المنبر ، بأن هذه الطريقه حذف الطير مع الدريشه ( بأنها احسن شيئ للتلحيق )


لاهنت يانايف ماقصرت ..
عزالله صدق ..
نعم للتلحيق والصيده اللي تكون بأرتفاااع ..
ونسمع من الاخوان واللي متقنها وكيف طريقة تعليم الطير ..

[خالد العطااوي]

من المهم تعويد الطير علئ الحذف ولها ايجابيات منها
1-انه اذا تم حذفه يقوم بالبحث عن طريده امامه
2-سرعة الارتفاع
3- تخدم الطير الغير راكد
ومن المهم في حذف الطير اغلاق النوافذ الاخرى الا نافذة الحذف

:good::good::good:

[القطافي]

على حسب الطير ويمكن تعليمه بالتدرج سرعه منخفضه ثم أعلى وهكذا وشوف هذا المقطع وكيف ارتفع الطير

https://www.youtube.com/watch?v=kJ4HuaB1Mnk

[خالد العطااوي]

على حسب الطير ويمكن تعليمه بالتدرج سرعه منخفضه ثم أعلى وهكذا وشوف هذا المقطع وكيف ارتفع الطير




https://www.youtube.com/watch?v=kJ4HuaB1Mnk


مشاءالله تبارك الله ..

[أملج سيتي]

افادنا اخونا الغالي ابو محمد الحربي من احدى القروبات
من خلال متابعته للنقاش في هذا الموضوع ، واحب امسي عليه وعلى الجميع

حذف الطير من الموتر له إجابياااات على الطير المتعود على الحذف ومنهااا اللحق
مع مراعااات الأسباااب التاليه :
منهااا التيااار الهواي اتجهاااات الرياااح والسرعه وهذي كلهاااا لابد معرفتهااا من قبل راعي الطير
لكي يتمتع الحاذف والمحذوف والمشاااهد
ومن أكبر عيوبهااااا ملوووع الطير .

وتقبل مروري

[راع الطيب]

السلام عليكم ورحمه الله وبركاته

يسعدلي مسائكم بكل خير وود والله يجعل الجميع دوم مرتاحين ومستانسين بالصيد هالسنه وكل سنه


انا من رايي ان التلحيق بحذف الطيرر يعطيه مجال للارتفاع بس اناا شوف انها تملع الطير اكثر من انها تفيده

ولاكن بالنسبه لي قبل حذف الطير ودك انك توريه صيدته من القزاز لين يشوفها ثم تحذفه وباذن الله مايفلس

وضروري يكون الطير متعود ع الحذف ع سرعه

وانا ما ايدها لان الركاده طيبه والطير اللي يبي يلحق يبيي لحقها واقف والا ماشي بس ماشي يساعد بالارتفاع

تقبلو تحياتي

[النداوي HZ2AF]

شكرا أخي خالد العطاوي
على هذا الموضوع المثري للنقاش والمفيد للأخوة الصقارة
موضوع رائع ويستحق التقييم




http://www.mekshat.com/pix/upload03/images124/mk17809_12222bg2.gif http://www.mekshat.com/pix/upload03/images124/mk17809_12222bg2.gif http://www.mekshat.com/pix/upload03/images124/mk17809_12222bg2.gif http://www.mekshat.com/pix/upload03/images124/mk17809_12222bg2.gifhttp://www.mekshat.com/pix/upload03/images124/mk17809_12222bg2.gif

[وزاري]

وعليكم السلام ورحمة الله وبركاته






ياهلا بخالد العطاااوي







حياك الله وعلى ذكر هالموضوع اللى كثيرين يفعلونها حتي مع الحمام:eek:









من نايحتي أصيح بالجهاز : ياعيال مسكتوا طيوركم






قالوا : مسكنا طيورنا







وقفت السيارة وربطت الجلنط وسميت بالواحد الأحد وفرعت للطير







ويازين الركادة ....حذف الطير من ورا الدريشة ماوراها الا ملووع الطير






والرجال اللى يحذف طيره مع الدريشة أبصم لك انه طيره مايغليه








قصة







واحد من العيال حذف طيره مع الدريشة ...لعل الطير ضرب الأرض وأنكسر بوزه ومات

[نجم404]

فعلاً موضوع مهـم اضم صوتي لوزاررري والاخوان انها سبب كبير لملع الطير لاهـنت ياخالد

[عابر الموج]

لا اؤيد ذلك اطلاقا لان الطير يحصل له ملع يطول مايشفي منه الى ماشاءالله
الطير الي يلحق يلحق يهد من يد راعيه
هذا رايي واحترم ارا الاخرين شكرا لك ياراع الموضوع

[محمد الجميليي]

من وجهه نظري ان افضل شي انك توقف وتفرع طيرك وتهده
لئن طريقه الحذف مشاكلها اكثر من مميزاتها
وبعض الطيور واغلبها تندعس بهالطريقه
تطلعها على سرعه ويضربها الهوا وتطيح عند الكفر
واذا انت واثق من طيرك مايحتاج بتوقف وتهد

[البازيار]

مافية شك ان طريقة حذف الطير من السيارة وهي مسرعة مجازفة لها ضرر علي الطير تصيبة بالملوع والتمزق في عضلاته او خلع او حتي كسور .. انا لا احبذ هذي الطريقة بتاتا
..

[راعي كريم]

موضوع شيق الحذف مهم بالنسبه لي طيري لحاق وامشي علي سرعه مهنا كانت مرتفعه ولا احذفه الا اذا تنظحت الهوا تنطحت الهوا بطيري وحذفته بس الحذفه ماتكون اخذفه علي جنب الحذفه تكون علي فووووقعلمته علي شوي شوي حمامه ارتفاع دور اجي تحتها واخذفه ذكذا بالتدريج ودمتم واهم شي لا يكون انتل الكنود حول الحذفه مثلا تحذفه من دريشة ابسواق انتبه للانتل لا بد يكون يمين عشان عند الحذ الطير يرجع وراا وكل مازادت السرعه في النوتر كل ماراخ الطير فالنجوم

[خالد العطااوي]

ماقصرتو ولاهنتو
امتعتونا بردودكم واسعدتونا بمشاركتككم ..
وانا اشوف ان اذا بيلحق والصيده ففي ارتفاع صحيح بس ماهو دايم
علشان مايملع الطير ..
تحياتي لكم

[الطاجيكي]

السلام عليكم التلقيف او هد الطير بسرعه طريقه جيده لتلحيق المرتفع ويلزم شروط
1تدريب الطير علي التلقيف بسرعه بسيطه ثم نزود السرعه حتي تصل الي سرعه عاليه
2اغلاق جميع النوافذماعدا النافذه التي يخرج منها الطير
3تثبيت مكان معين للصيده يعنيعي تكون علي اليمين او اليسار
4 السرعه تكون حسب الارتفاع الطريده كل مازاد الارنفاع تزيد السرعه
5التركد عند سحب الطير من التكايه او الشبه وفتح البرقع داخل السياره ومن ثم التلقيفه
تتيح هذه الطريقه ارتفاع الطير الي اعلي بسرعه عاليه
واسف علي الاطاله

[حصريا001]

أشكرك اخوي خالد العطااوي على هذا الموضوع


وحاب أقول أن حذف الطير من الدريشة مثل ما قالو الأخوان قبلي( له و علية)

من ايجابيات الحذف من الدريشة :-


- يساعد الطير على انة يرتفع بسرعة ويوصل للصيدة بفترة قصيرة0


- ويساعد الصقار انة يهد طيرة من مكان قريب من صيدتة0


- ويساعد كذالك في الأماكن الوعرة إلي يصعب انك توقف وتناظر بطيرك0



وهذي لها شروط ماتخفى على صقار:-



- لازم الطير يتعلم على أنة يشوف الصيدة من داخل السيارة قبل الحذف0


- الطير يكون متعلم على انة في حالة الحذف يعرف أن صيدتة قدامه في السماء فوق0


- تعود الطير على حذفة في بداية الأيام وتكون الصيدة قريبة من السيارة وفي مجال نظر الطير0


- راعي الطير لازم يحذف الطير من فتحة السقف السيارة ويخف سرعة السيارة مباشرة ليترك للطير المجال0


- راعي الطير يحذفة من الدريشة ويخف السرعة مع نحراف السيارة لعكس جهة الطير ليترك له المجال0


- لازم الصقار يتقي بيدة قدام نحر الطير أول مايطلعه من الدريشة حتى ما يفتر الطير ويطير مخالف0


- يحاول الصقار بيدة يلم جنحان الطير قبل لايطلعة مع الدريشة
ولازم الحذف يكون بتجاه السما فوق وليس للجنب0



ومن مخاطر الحذف:-


- بعض الصقاقير يحذف طيرة وهو مسرع ولا يلف وجهة السيارة و الأريل(الانتل) طويل ويضرب الطير0


- بعض الطيور إلي ما تعلم صح على الحذف أول ما يشله راعية من التكاية يخفق ولا يركد على اليد0


- تملع الطير عند الحذف بسرعة عالية0


- بعض الصقاقير يحذف الطير ويضرب جناح الطير في الدريشة لا صار فال جنحانه0


- بعض الصقاقير يحذف الطير ويرجع الطير عكس السيارة ويمكن يطيح في الارض0

[راكااااان]

الله يعطيك العافيه ياخالد،،بختصر عليكم وعلى نفسي ،،حذف طير على سرعه من الموتر انا عتبره رزقه للمستشفيات وعيادات الصقور ورزقه قيمه بعد،،ماقول اله اللهم أغفر خطايانا وذنوبنا في هذه الحيوانات المصخره للبشر ،،ودمت بخير

[مليار]

حذف الطير بسرعه عايه او بسرعه بسيطه بس اهوا قوي سبب رئيسي لملع الطير وملع قوي يختلف عن ملع الاجهاد وجهة نظري

[خالد العطااوي]

ماقصرتوو بردودكم ..
وٲفدتونا ولاهنتووو ..
وبيض الله وجيهكم

[دولاار]

الاريل وماادراك مالاريل (( الانتل))
الي يحذف طيره ينتبه لنقطه ذي لايكون الانتل بالوسط فوق التنده ولايكون بالجهه اليسرى
حاول انه يكون بالجهه اليمنى ولايكون طويل بالحيل
لاان الطير مجرد ماتحذفه الهواء يدفعه للخلف ويلقى الانتل بستقباله
وهاذي من باب التجربه لاان قد طيور ضربت فيه ومنها الي سلمه ربي ومنها الي عاب


وبيض الله وجهك ياخالد على فتحك هاذا الموضوع للنقاش والاستفاده من خبرات بعض

[jali]

مشكور على الطرح

[Abu Hamad2]

اهم من تعويد الطير علي سرعه السياره
هو طريقه حذف الطير
الطير يحذف بطريقه خاصه ولازم يتدرب عليها قبل فعلها لان الغلط فيها يعني ملع الطير لا محال

[السومر]

موضوع جميل والاغلبيه اتفقوا على الركاده وعدم المجازفه والهدد على سرعه

[طبيب المواتر]

السلام عليكم جميع

بخصوص حذف الطير ( ماله دخل في محبة الطير من عدمه) إذا كان الطير معلم على الحذف يريح الصقار والصقر ,أسرع وقت واقل جهد على الصقر المعتاد لنه يرقا ولو تلاحظ أكثر طيور الحذف إذا نقل على اليد وزادة سرعة السيارة يستعد ويضم نفسه وإذا حذفته يزم فوق ويقطع 15 إلى 20 متر في اقل من 3 ثواني.
وجهة نظري.