مشكله بقير التاهو 2007

[عبدالمحسن ال]

السلام عليكم ارجوا من الاخوان واصاحب الخبره المساعده بهذه المشكله معي تاهو 2007 طبعن ولله الحمد محافظ عليه وعلى زيت القير المشكله كنت امشي بسرعه 40 كم ضغطت ع البنص بشكل قوي وحصل طقه بالقير وهو D المهم علق معي القير صار D نفس N مايمشي غير 2 وديته وخبروني انه من الترس وفكه وحصلت الرمان متهشم سعرت القطع تقريبا وصلت 5000 صاحب الورشه نصحني بقير جديد سعره عنده 9000 ومع الرجيع يطلع 7500 هل تنصحوني اركب الجديد او اوضب القير
واسف ع الاطاله

[تنومه1]

حياك الله
مر المهندس علي الحربي ورشته في المحطه المقابله لملاهي الروضه من جهة الغرب
رجال متخصص في القير وخاصة الامريكي .
الناس يثنون عليه ولم يسبق لي ان اشتغلت عنده ولكن استشرته في موضوع قير جمس يوكن وقدم مشوره طيبه.
السعر الي ذكر لك صاحب الورشه سعر خرافي وغير معقول.
لا تستعجل وانا اخوك والله يدلك

http://wikimapia.org/#lang=en&lat=24.740375&lon=46.766884&z=19&m=b

[ابونايف2010]

اخوي عبدالمحسن
قير 2007 من يوم طلع وهو فيه عيب مصنعي وكثير اشتكوا منه وعدلوه في موديل 2008
اذا قدرت تركب قير 2008 او 2009 يكون افضل ومايمنع انك تشاور مهندس مختص
وانصحك اذا عندك وقت وفرصة تحمل الموتر وتنقز للامارات صناعية الشارقة بتلقى قير شد بلد وارخص من نصف سعر اللي هنا
اتمنى لك التوفيق

[عبدالمحسن ال]

اشكركم على تقديم النصائح

[بدوي جنوبي]

الافضل توضيب نفس القير
لا تركب قير ما تدرى عنه
واذا اضطريت تركب ركب من 2009
مثل ما قال ابو نايف

أرسلت من GT-I9082 بإستخدام تاباتلك

[التمسساح]

اذا انه جديد ماستخدم يعني من الشركه لسيارتك اشوف انه اظمن من التوظيب مع ان السعر غالي شوي بس تريح راسك

[ريثان القصيم]

سعرت القطع تقريبا وصلت 5000 صاحب الورشه نصحني بقير جديد سعره عنده 9000 ومع الرجيع يطلع 7500 هل تنصحوني اركب الجديد او اوضب القير


عوقك الضمان حاول معهم انها تكون سنه كامله
ولاتصدق انه جديد يمكن مجدد والجديد يجي به ختم مصنعي وعليه رقم ومع القير فاتوره من الوكيل
اذا غير موجود اغلب اللي قلت لك فوق اسحب موترك ودور الي ان تلقى شغل مجرب وضمان

اخوك

ريثان القصيم

[العابر2222]

اخوي قير ٢٠٠٩ وفوق ما يركب على موترك لان فيه اختلاف كبير

الي يركب على موترك من ٢٠٠٨ وتحت