أستفسار : أسعار خزانات الوطني وهل هي تكانه ؟

[بدران الدوسري]

السلام عليكم

يالربع أسعار خزانات الوطني تبدأ من كم تقريبا ؟


115 لتر كم ياصل سعره ؟

وهل تنصحون به من واقع تجربه من ناحيه التحمل وعدم التشلخ ؟

وأيضا فيه فرع غير الي على شارع خالد بن وليد يبيع توانك السيارات ؟


وشكرا للجميع

[ابورايف]

حياك الله بصراحه مجربه لي سنتين ممتاز

الأسعار تتفاوت بحسب الحجم

وتقبل مروري وردي

[مكشاتي نيو]

95 لتر 220 + 120 شراع للخزان
من فرع الراشدية ببريدة
حلوووو وخفيف وعملي
ويؤدي الغرض

تقبل ردي وودي

[ساهر حايل]

اعتقد الفيبر مايصلح عليك بالألومنيوم والستيل اغلى شوي لكن يستاهلن قيمتهن

[ابوهَوس]

انا يخوي معي 80 لتر من الوطني اخذته من فرع حي لبن بالرياض بـ220 وراكب على سييرا والحمدلله والشكر اموره تمام.. كنت ابفصل المنيوم وارخص واحد لقيته بـ1200 والستيل بـ1500 وهذا بـ220 والله يديم الرخص.

[ابوفهد الشريف]

انا استخدم الالمنيوم
خذ هالمقارنه البسيطه بينه وبين الفيبر بكل انواعه

الالمنيوم مايصدي ...................... الفيبر قد يطعم بالماء
الالمنيوم قابل للظربات يتعفط ويتحمل الجور ............. الفيبر غير قابل للظربات اي طقه ينكسر او ينشعر
الالمنيوم قابل للتعديل بالمقاس مستقبلا ..... الفيبر حجم واحد وثابت لو بتغير مقاسه لازم تغير التانكي كامل
الالمنيوم سعره 600 ريال لل 95 لتر وفيها ......... الفبير ارخص 220 تقريبا

اذا كان استخدامك بسيط وبتستخدمه للغسيل فقط خذ الفيبر
اذا كان استخدامك دائم وممكن تشرب منه او تطبخ منه انصحك بالالمنيوم
علما ان الاستيل افضل من الالمنيوم كمعدن لكنه غالي دبل سعر الالمنيوم ويأدي نفس الغرض 100%

افدتك بما يحضرني
والله يدلك على الخير ومافيه

تحياتي

[منصورالشمري]

لك وللزمن فصل استيل واشترط وضع قواطع

[الشلفا]

الستيل مشكلته الغش
فنادر تحصل ستيل صافي زي القديم
الآن يخلط معه برادة حديد على ما أعتقد
بالنسبة للفيبر إذا محفوظ عن الشمس تماما وعن الضربات والتحميل فوقه فأظنه يؤدي الغرض
والألمنيوم ممتاز وإذا انتهت عازتك منه تبيعه بخسارة بسيطة لأنه لا يستهلك ولا يتأثر غالباً .
وانتبه لنصيحة اخونا الشمري
القواطع ثم القواطع ،، ترتاح من الخضيض والازعاج ، وأكثر أمان وتوازن

فصلت المنيوم عند عروق الشمال بمقاسات خاصة يشيل أكثر من 80 لتر بـ 700 ريال مع التلبيس والليات
ولكن للأسف ما حط لي قواطع وأزعجني جداً

والسعر عندهم حسب استهلاكك لألواح الألمنيوم وليس حسب حجم التانكي

هذه تجربتي ولك الاختيار وفقك الله ...

[ابوعدي]

عن تجربه اخذت الوطني تانكي 95 لتر من فرعهم اللي بلبن قبل نادي الرياض
ب220 ريال ومن ابدع مايكون ولايطعم وعليه ضمان
ويكفيك سعره وعملي بنفس الوقت ولاياخذ مكان في السياره (التانكي)الواقف
عيبه الوحيد هو وجميع التوانك اللي داخل السيارة هو مكان التعبئة
فلا بد تكون حريص جدا وقت التعبئة

[صصعفق]

السلام عليكم



وجه نضر شخصيه
البلاسيك ارخص واخف
اذا خلصت منه غسله وخله ينشف ( يعني صله على فوق )
في غالب الطلعات يستخدم للغسيل وليس الشرب
خله سنه وغير جديد 6 سنوات كل سنه واحد جديد ولا بعد وصلت قيمه الاستيل
والخف الخف هو المميزه
والمهم والاهم
كل خزانات بيوتنا بلاستك وراها ما اطعمت
تحيااااااااااتي للجميع

[fhodz]

يا بعدي انا عندي التانكي المربع 120 لتر ب 150 ريال من الوطني
وللعلم يا شباب تراه مو فيبر بولي ايثلين
وجلس معي سنة ﻻ شكيت منه وﻻ شي وﻻ طعم وشاهيي منه وشربي منه
ولعلمك حاطه بالحوض سلفرادو وﻻخته الشمس وﻻ شكى
ويا بﻻش ب150 ريال ومتى مابغيت تنزله نزله ﻻهو ثقيل وﻻ شي

[حجازي20]

انا عندي تانكي الوطني 55 لتر
مرة اخذ الماء فيه اربع شهور ولا تغير طعمه ابد اما بالنسبة لتحمل انا ماحطيت فوقة شي لانه صغير ماعندي شي احطه فوقه
وناوي ان شاء الله اغيرة واخذ واحد اكبر لاني اخذت 55 لتر تجربة ومن احسن مايكون
وبعد مافيه صوت للماء مع البر ماهو مثل الالمنيوم ازعاج
انا والله انصحك فيه

[طارق عمران]

أنصحك بخزان الوطني من أحسن مايكون..
خفيف + رخيص + قوي + جاهز علطول خذه من المحل وحط لي الماء..
أما الألمونيوم والستيل كم يبي لك من يوم عشان يقضي تفصيله وغير ذلك سعر نااااار..

[شنطة عده]

السلام عليكم

يالربع أسعار خزانات الوطني تبدأ من كم تقريبا ؟


115 لتر كم ياصل سعره ؟

وهل تنصحون به من واقع تجربه من ناحيه التحمل وعدم التشلخ ؟

وأيضا فيه فرع غير الي على شارع خالد بن وليد يبيع توانك السيارات ؟


وشكرا للجميع


اذا الاستخدام في سياره حوض ومطاب وتحميل عفش فيه اطراف حاده
فاعتقد انه ما يصلح لك
بالنسبه لتغير طعم الماء فلا يتغير ابداً . من واقع استخدام سنه وزياده

[بدران الدوسري]

الله يبيض وجيهكم جميعا

أنا شار علي واحد يقول فصل عليه قماش تنزاني وخله يدبل سفنج ويخدمك مده طويله


سؤال أخونا الي يقول سعره بـ 150 في أي فرع بالضبط بهالرخص ؟

سألت فرع خالد بن وليد وقالي أنه بـ 250 ريال

[ms662]

المربع 150ريال لان ماعليه طلب وتصنيعه اسهل
ينفع في الحوض الجيوب مايناسبها ابد

[بدران الدوسري]

يمكن على قولك عشانه مربع

لكن أحسن مافي الوطني أنه مفصل صح للحوض

المربع يبي من يربطه ويشغلك بكثر حركته

[الفياض***]

له اربع سنوات معي لا تغير طعم ولا اروح المي ولا فيه احلا منه

ويابلاش ١٨٠ اخذته

[الفياض***]

كل سنه غير الهوز افضل

[مكشاتي ون]

انا معي 80 لتر وممتاز .. لكن انتبه عند شد الحنفيه واللي خل توصيله بﻻستيك ( حقت الليات الزراعيه .. السوداء ) هي داخله في توصيلة التانكي لانه لو تحط حديد ممكن يكسر سنة التانكي من الداخل كما حصل معي ووديته للمصنع قفلوا الفتحه نهائيا وقالوا ﻻ تستخدم حديد مباشره على التانكي

[Anwar abdulla]

خذه ولا تشاور
السعر يشفع له .. واذا فيه طعم ماء الشرب خذ من الدبات البيض وخلاص
انا عندي خزان الوادي 90 لتر .. ممتاز ولا يطلع طعم الا اذا طول الماء فيه

واذا الله رازقك والخير واجد خذ خزان ستيل

[ابوريان 1414]

انا عن تجربه ابداااع
لكن على حسب التعبية اعبيه من البيت مب زين
اعبيه من شيب ممتاز جدا