الطير لما يشوف الدس يصيح ؟

[أبو نورة-]

السلام عليكم ورحمة الله وبركاته

يااخوان العنوان واضح بخصوص الطير لما يشوف الدس يصيح مثل وقت العلف ولكن هالمرة حتى وهو يعلف يصيح .... علماً انه صار له شهرين وهو بالبر من زمان عن الديرة ولكن هاليومين طبعه ماهو طيري اللي خابره ... علماً نوع الطير وكري شمالي .

[THE SNIPER H]

هل الطير وزنه نازل جدا ؟؟
لو كان وزنه نازل لازم ترفع وزنه
لو وزنه طبيعي غير الدس وجيب دس لونه مختلف تماما وجرب

[أبو نورة-]

وزنه ماتغير مثل ماهو عادي .... هو فقط لما البس الدس ولما انزل الدس يرجع طبعه طبيعي .... طيب اذا كان على الدس دم لاني عزلت عنه العلف قبل يومين ونثر دم على الدس شي بسيط وانا مشكك انه يصيح على الدم مو الدس ولكن اللي استغربت منه وهو يعلف من الحمامة يصيح وأيضا توقعت انه فترة هالشهرين أثرت على طبعه ...

[وزاري]

وعليكم السلام ورحمة الله



حياك الله أبونورة ............الله يعينك على هالطيـــر





وأخونا the sniper



عطاكم العلم الزين





الطــيـــر أبو طبيــعه مايخلي طبعه ......حنا نبى نركد الطيور ونخليها تركد



وبالأخير طلعنا حنا مجانين وحالة نفسية





الله يوفقك

[jali]

ما شاء الله

[أبو العنود1]

يمكن يكون مضروب بالدس هذا يخلي الطير ييكره الدس برقعه كم يوم واعلفه وهو مبرقع يمكن اللع يهداه وتخف وغير الدس

[ابوخالد--]

الله يهداه عن هالطبع الافضل تغيير الدس مثل ما قال الاخ سنيبر وعلفه على الدس الجديد كم يوم و ان شاء الله يزين اهم شي لا تستعجل عليه بالعزل وخل الدس قدام الطير وهو يعلف قبل العزل