صوت طقطقة بمكينة تاهو2009 وش الحل يااخوان..

[القشيعين]

السلام عليكم

مساكم الله بالخير والعافية

طلع عندي صوت له أسبوعين بمكينة سيارتي
يضيق الصدر بصراحة

إذا كنت واقف تبدا الطقطقة والصوت قوي

الصوت يجي ويروح
علما بان الزيت اللي اغيره اساديلكو 30w5
كنت اغير كاسترول 50-20 وتركته
ﻻن الموتر اذا شغلته الصبح يطقطق
ويوم غيرت الى اساديلكو ضبط الحمد لله
بس طلعت لي هالطقطقة

ياليت تفيدني الله يعافيكم

[القشيعين]

ننتظر ردكم يالغالين

[GMC 111]

وعليكم السلام ورحمة الله وبركاته



يالغالي وش وضع ضغط الزيت منخفض معك ولا لا وهل يصل معك للربع وتحت اذا ايه ارسل لي رقمك وبعطيك العلم كامل

انا عانيت بنفس المشكله للتاهو 2009 والورش تعطيني اسعار فلكيه والخراب بسيط


طبعآ امبير الضغط حق الزيت فوق على اليسار للتاهو

[القشيعين]

هﻻ بك اخوي
ضغط الزيت كان ماينزل عن الربع ويرتفع على حسب الدعسه لين يوصل النصف
لكن ﻻحظت انه ينزل تحت الربع ويطلع وينزل

وصوت الطقطقة طلعت من يوم غيرت الزيت الى 30w5
رحت للوكالة وقال لي الميكانيكي غير الجلبه حقت الطرنبه

المهم قال لي عامل المبيعات ﻻ غير الزيت اول وشف اذا راح الصوت استمر على الزيت اساديلكو 30w10
وقلت بغير الزيت واشوفه وان شاءالله يارب يضبط
الغريب ان غطاء المكينه مكتوب عليه 30.w5

ياليت تفيدني
كيف ارسللك الخاص مايشتغل عندي
تحياتي لك

[GMC 111]

اذا الخراب باقي معك ماصلحته عندك رقمي على الخاص واي مساعده انا حاضر

عمومآ اذا ضغط الزيت يوصل للربع حكم ولا تحت شوي فيه مشكله عندك وتغغير الزيت اتوقع مايفيدك ابد ممكن يفيدك في ذهاب الصوت فقط ويرجع بعد وقت

ونصيحتي لك الزيت المناسب للتاهو نفس مديلك هو سوبر بترومين تجي علبته بيضاء مكتوب عليها بالاحمر ولازرق بلاستيكه بيضاء

عيار 10w_30

[بوعيسئ]

الله يعينك ياخوي

[سوبرمان]

أخي الكريم القشيعين
السلام عليكم ورحمة الله وبركاته
الظاهر أنه عندك مشكلة ضعف في طرمبة البنزين ، حصلت معاي قبل فترة أكثر من 6 شهور لسيارتي التاهو 2007 وبفضل الله عز وجل غيرت طرمبة البنزين والأمور طيبة بفضل الله عز وجل .
( ملاحظة هامة جداً )
لاتشتري إلا طرمبة زيت أصلية من الوكالة أم ممن تثق بهم من المحلات الخاصة بقطع الغيار .
ولكم تحياتنا ،،،

[ابونايف77]

فعلا طرمبة الزيت غيرها وترتاح صارت معي والحمد لله

[سوبرمان]

أخي الكريم القشيعين
السلام عليكم ورحمة الله وبركاته
الظاهر أنه عندك مشكلة ضعف في طرمبة الزيت ، حصلت معاي قبل فترة أكثر من 6 شهور لسيارتي التاهو 2007 وبفضل الله عز وجل غيرت طرمبة االزيت والأمور طيبة بفضل الله عز وجل .
( ملاحظة هامة جداً )
لاتشتري إلا طرمبة زيت أصلية من الوكالة أم ممن تثق بهم من المحلات الخاصة بقطع الغيار .
ولكم تحياتنا ،،،


تعديل
المعذرة تمت كتابة طرمبة البنزين بالخطأ والصحيح هو طرمبة الزيت .

[ابوعزآم]

يالغالي هذي صارت معي قبل فتره كان فيه صوت طقطه اول ماتشغل الموتر وهو بارد اذا حمى الموتر راح الصوت ..

ومع الوقت زاد الصوت صارح حتى مع الدعسه يطلع الصوت ..

بالبدايه كنت احسبه بالمكينه .. ومع الوقت زاد الصوت وصار يطلع مع الدعسه .. وقلت شكله القير ..

واروح لبعض الورش وقالوا لي قير نبي نفكه ونشوف وش فيه .. قلت لا مهب على كيفكم فك القير وشف وش فيه .. مهب هايلكس هو ..

المهم واروح لواحد بالصناعيه عنده سماعات دكتور وحطها على القير مافيه شي .. وحطها على دبة الشكمان اللي جنب القير طلعت الشخالات متكسره ..

الحل في هذي الحاله تفرغ الشخالات بـ 150 ريال .. او تشتري الدبه من الوكاله بحدود 2500 ريال ..
بالنسبه لي انا طلعت التشليح وفكيتها من تاهو بـ 800 ريال وركبتها بـ 200 ريال ..


الدبه اللي اقصدها هي اللي طالعه من القزوز وفيها دبتين وحده يمين القير ووحده يسار القير ..

اتمنى اني افدتك ..

[طويق222]

ابي احد يرسلي انا عندي نفس المشكلة وأبي اللي يفحص حق سماعات الدكتور انا ما اقدر أرسل مشاركاتي قليله

[طويق222]

مشاركاتي قليله أرجو المراسله

[ابو عزام الشمالي]

هذي سلمك الله عندك الربله اللي تجي في طرمبة الزيت

يفك الكرتير وينزل الطرمبة ويغير الربله

طبعاً الأسعار كالتالي:
شغل يد من 450 إلى 600
قطع غيار تحتاج وجه كرتير140 و ربله طرمبه 25 ومعجون للكرتير 25 وزيت للمكنية
وإن شاء الله تضبط امورك

[فديت سدير]

الله يعينك

[جنراال]

على حسب خبرتي بما اني املك يوكن 2008 وعانيت من هل مشكله اول شي كنت لما اشغل السياره وهي بارده ضغط الزيت يكون تحت الربع ويرتفع اذا سخنت السياره والمفروض يكون فوق النص او تحت النص بشعره
ولما امشي بسياره ووقف عند ايشاره كان الامبير ( عداد ضغط الزيت) ينزل ويرتفع
وطلعت المشكله من طرمبة الزيت طبعا بعد مافحصت السياره وفكيت المكينه غيرت الطرمبه مع الحساس
وللمعلوميه انا غيرت طرمبة زيت اقوى لان الطرمبه الي ركبتها كانت توجد فيها فتحه ونصحني الميكانيكي فيها وكانت القديمه بدون فتحه في الطرمه
اما الحين ولله الحمد سار ضغط الزيت فوق النص على طول والسياره بارده

[جنراال]

الان الطرمبه الي نصحني فيها المكانيكي تضخ زيت اكثر من حقت بلادها وبكذا يوصل الزيت اسرع لجميع انحا المكينه

[الحربي 591]

الطرمبه نادر خرابه
اذا هي ضعيفه غير وجه كرتير الزيت
وصوت الطقطقه من التكايات شكلها ما يجيها زيت..

[Hamelin]

الطرمبه نادر خرابه
اذا هي ضعيفه غير وجه كرتير الزيت
وصوت الطقطقه من التكايات شكلها ما يجيها زيت..

ع حسب علمي ادا زيد لزوجت الزيت تخرب الطرمبه بينما غير ذا صعب انها تخترب