أبي توقعاتكم ، واللي عنده خبرة في التاهو لايبخل علينا

[باسل نجد]

السلام عليكم ورحمة الله وبركاته ،،،،
أخواني ، وحبايبي لا أطيل عليكم :
معي تاهو 2009 نظيف ومحافظ عليه ، ولكن قدر الله أنني ضربت به مطب صناعي وانا على سرعة 80 ، طبعا السيارة ضرب وجهها وبعدين مؤخرة السيارة ضربت وبشكل متساوي ، يعني دون ميلان في السيارة وحصل الاتي :
بعدما مسكت الطريق السريع لاحظت أن السيارة فيها هزه خفيفة طبعاً ليست في الدركسون إنما تحس بها في أرضية السيارة يعني عند دعاسة البانزين والفرامل .
هذه الهزة تزيد وتتضح في السرعات العالية وتبان في الطبلون ، رغم أنها ماكانت موجوده وأنا متأكد من ذلك .

السؤال هنا : ماهو توقعكم لسبب هذه الرجة ، يعني أين حصل الخلل .

ملحوظة : الترصيص لصق وما أتوقع أنه يطيح مع المطب ، والجنوط والكفرات لم تتأثر بالمطب إلا إذا كان تحبيل حصل لأحد الكفرات نتيجة المطب ، علماً أن المطب ليس حاد.

عطوني توقعاتكم لأن الموتر شبه جديد ولا أبي أغير أذرعة ومقصات شد بلادة إلا للضرورة .

[ابن روزه]

اقترح عليك سوي فحص للسيارة عند احدى الورش المعتربه ولا تعلمه بشئ قل ابغى فحص فقط واذا فيها شئ بيعلمك

[مخ سعودي]

غير الكفر المحبل وتزين امورك باذن الله وتاكد من الاذرعه لايكون بينها فراغ ودرب السلامه

[عبقري91]

الله يعطيك خيره وكفيك شره

اذا الهزه بدركسون ترصيص
اذا الهزه بالبدي تحبيل كفر
وهذي بتعرفها عن اقرب ميزان يرصص ترصيص ارضي يرفع الكفر ويخليه يدور. بالمكينه عنده ووقتها يحدد اي كفر
وشكل الكفرات قديمه شوي عشان كذا. حبلت
وبالله التوفيق

[التمسساح]

اذا كان جنط عشرين اكيد ان الكفر تأثر من المطب لان جنط ٢٠ يجي كفره ساق قصير اي ظربه ممكن تأثر عليه

[فرار]

من العمود او الصلبان والله اعلم

[باسل نجد]

اقترح عليك سوي فحص للسيارة عند احدى الورش المعتربه ولا تعلمه بشئ قل ابغى فحص فقط واذا فيها شئ بيعلمك

كلامك منطقي ولكن وانا اخوك معظم المراكز شغلتهم غير كل شي مشكوك فيه وهذا بحد ذاته خسارة ،
أنا أقدر أخمن واغير حتى أوصل للخلل ، لكن ما أبي هالطريقة ، ومع الأسف معظم المهندسين يستخدم هالطريقة

[باسل نجد]

غير الكفر المحبل وتزين امورك باذن الله وتاكد من الاذرعه لايكون بينها فراغ ودرب السلامه

هذه إحتمالية ولكن اللي أنا مستغربه أن الكفر جديد والمطب ماهو حاد ،
وكلامك يحتمل نسبه كبيره ، وعساه يكون كفر محبل ونسلم من الفك والربط اللي على غير سنع

[باسل نجد]

الله يعطيك خيره وكفيك شره

اذا الهزه بدركسون ترصيص
اذا الهزه بالبدي تحبيل كفر
وهذي بتعرفها عن اقرب ميزان يرصص ترصيص ارضي يرفع الكفر ويخليه يدور. بالمكينه عنده ووقتها يحدد اي كفر
وشكل الكفرات قديمه شوي عشان كذا. حبلت
وبالله التوفيق

الدركسون مافيه شي ، والهزة بالبدي ، ولكن هل الاذرعة أو المقصات لهادور في الهزة ؟
اشكرك

[باسل نجد]

اذا كان جنط عشرين اكيد ان الكفر تأثر من المطب لان جنط 20 يجي كفره ساق قصير اي ظربه ممكن تأثر عليه

أخوي فعلاً الجنط عشرين ، ولكن وانا اخوك المطب ماكان حاد بس عالي شوي ، يعني شال الموتر وخبط بالارض.

[باسل نجد]

من العمود او الصلبان والله اعلم

كلامك صحيح ، ولكن اللي أعرفه أن هزة العمود والصلبان تكون مستمرة .
والرجة اللي بسيارتي في البداية تكون خفيفة ولاتجي الامع السرعات العالية .

ولكن السؤال هنا : هل العمود والصلبان تتأثر بالمطب .؟

[abo yusef]

1- ابدا بالكفرات عند البنشري وشف ترصيصها ماتكلفك وتاكد من محيط الجنط لا يكون ىفيه طعج طبعا
البناشر ماعنده الاجهزه الدقيقه الا ان كان مركز متخصص لكن للتاكد
2- ان تاكدت من الكفرات انها تمام ابدا الله يعينك تاكد من مجموعة الدركسون الامامي والخلفي
ان كان السياره دبل فما عليك الا انك ترفعها وتتاكد من العكوس الاماميه مع صلبان العمود سواء الرئيسي او عمود الدبل ابدا بالاسهل الكفرات والجنوط

[باسل نجد]

1- ابدا بالكفرات عند البنشري وشف ترصيصها ماتكلفك وتاكد من محيط الجنط لا يكون ىفيه طعج طبعا
البناشر ماعنده الاجهزه الدقيقه الا ان كان مركز متخصص لكن للتاكد
2- ان تاكدت من الكفرات انها تمام ابدا الله يعينك تاكد من مجموعة الدركسون الامامي والخلفي
ان كان السياره دبل فما عليك الا انك ترفعها وتتاكد من العكوس الاماميه مع صلبان العمود سواء الرئيسي او عمود الدبل ابدا بالاسهل الكفرات والجنوط

أشكرك أخوي abo yusef على هالتوجيه
فعلاً راح أبدأ بالكفرات والجنوط ، والسيارة ماهي دبل
أبي أسأل : هل هناك مراكز متخصص بالرياض للكشف على الجنوط ، إذا تعرف وصف لي الله يجزاك الجنة .