أحتاج ورش لتصنيع أدراج السحب للسيارة المنيوم أو خشب

[أبو ناصر]

السلام عليكم
أحتاج ورش تفصل أدراج للسحب لحوض السيارة ألمنيوم أو خشب قوي مثل الصور في الرياض .
لأنه عندي يوكن وفيه طبق ومتعب تسحب الأغراض اللي تحت مثل الحطب وموية وعدة الطبخ عشان تأخذ اللي تبيه فلقيت هالفكرة لعلها تفي بالغرض .

http://im32.gulfup.com/b4Ziz.jpg (http://www.gulfup.com/?zat5wm)
http://im32.gulfup.com/lmGRa.jpg (http://www.gulfup.com/?Ogzo0h)
http://im32.gulfup.com/5zZFG.jpg (http://www.gulfup.com/?f9q7ic)
http://im32.gulfup.com/eXaTt.jpg (http://www.gulfup.com/?VHOhRN)

[صهيبي]

الصراحة ورشة شمس بالرس متميزة جدا في هالمجال

[web]

السلام عليكم

ابو ناصر رح لمحلات الموبيليا الى على شوارع الثلاثين الصغيره سعرها مناسب وتختار بنفسك نوع الخشب
فصل سحابين جنب بعض
ماتوقع تحتاج خبراء يدبلون عليك السعر لافيها لاكهرب ولا فك مكينه

[أبو هشام راشد]

أدراج السحب مفيدة في ترتيب الأغراض لكن سوف تخسر مساحة تحميل في الجوانب .

ممكن تثبت الطبق في الأعلى ويكون في الأسفل درج يمكن سحبه بدون جوانب عبارة عن لوح فقط

[أبو ناصر]

الله يرفع قدركم على تفاعلكم
طيب حقين الموبيليا يعرفون يضبطون دروج سحب بعجلات تتحمل ثقل ماتحمله .

[أبو هشام راشد]

الله يرفع قدركم على تفاعلكم
طيب حقين الموبيليا يعرفون يضبطون دروج سحب بعجلات تتحمل ثقل ماتحمله .


اكيد يعرفون

واهتم بالوزن وسهولة الفك والتركيب

وقد يناسب وضع تيوب مكبوس على شكل U وتركب عليه اللوح وتكون حركته على كفرات باتجاه واحد لا تكون الكفرات الدوارة