مشكله في دبل الرابتر 2010

[صيهد]

السلام عليكم و رحمة الله و بركاته
اخواني الاعزاء
شريت و الحمد لله رابتر 2010 قطري و تم فحصه قبل الشراء و الاستخارة قبل كل شيء.
الحمد لله السيارة لها معي تقريبا شهر و نقول ان شاء الله انها تمام
لكن الدبل شغال تمام الخفيف و الثقيل بس صار فيه مشكله :

اذا كان معشق خفيف او ثقيل و لفيت يطلع صوت طقات و شوي و تحس انه الكفرات جيمت ما تمشي و خاصة اللي جهت السواق و اذا عدلت الدركسون ما شاء الله حصان.

لا تبخلون علينا بالمشوره و باحسن ورشه متخصصه في الرياض لان الوكاله ماعندهم سالفه.

وشكرا

[ابونايف2010]

الله يعطيك خيره ويكفيك شره
اذا كان على المزفلت هذا شي طبيعي في كل الدفع الرباعي
اما اذا كان في البر والنفوذ لاسمح الله هذي فيها مشاريع ثانية
اتمنى لك التوفيق

[صيهد]

الله يعطيك خيره ويكفيك شره
اذا كان على المزفلت هذا شي طبيعي في كل الدفع الرباعي
اما اذا كان في البر والنفوذ لاسمح الله هذي فيها مشاريع ثانية
اتمنى لك التوفيق

صبحك الله بالخير ابو نايف
في المزفلت اما في النفود سبق و جربته و ما اذكر انه كان فيه مشكله.

ياليت توضح لي الحالتين
جزاك الله خير

[صيهد]

وعليكم السلام ورحمة الله
امرك سهل ارفع الموتر برافعه وشغل الدبل بس انتبه لاتعشق الثقيل باي مكان الا والموتر طافي والقير على الـ N
افحص العكوس جهت السواق يمكن تحتاج تشحيم بس لاتروح لاي ورشه لازم متخصص عكوس

والله يبارك لك

اخوك
ريثان الرياض

جزاك الله خير اخي ريثان الرياض
الله يطمنك
ياليت تدلني على ورشه تنصح فيها
و لك الشكر
بارك الله فيك

[بدوي جنوبي]

سيارتك سليمه ان شاء الله
لا تسوي فيها شي .

والطقه تظهر لان الدبل يعمل في الرمل والطريق الوعر فقط
ولا يوجد تفاضل بين التروس عند عمل الدبل
ودائما لا تلف الطاره كثير حتى في الرمل حفاظا على العكوس

g0yxpgf0a5k

[شاق النفد]

الله يسلمك لاتلمس شي ولاتغير لومسمار موترك مافيه شي
كل الجيوب ومواتر الدبل ع الزفات ومهو مشغل يثقل ويطلع صوت مع اللف
قبل ماتطلع من النفود افصل الدبل

[ls1.5700]

كل المواتر دفع رباعي بالسفلت كذا انواع التحجير والاصوات
لاتخاف موترك مافيه شي طبيعي ميه ميه

[صيهد]

السلام عليكم و رحمة الله و بركاته
مشرفنا العزيز صاحب المواضيع المتميزه بدوي جنوبي
الاخوة الاعزاء شاق النفد ls1.5700
ردكم على مشكلتي شرف لي
الله يطمنكم بالعافيه و يزيد في علمكم
اللي حيرني انه كان معي برادو و كنت احيانا انسى الدبل و ماكنت اسمع اصوات او اواجهه مشكله في لفة الدركسون
و هذي اول مرة اشري امريكي.
بارك الله فيكم و جزاكم الله خير