عاجل من الامارات - الفزعة

[اماراتي 11]

السلام عليكم ورحمة الله وبركاته
شباب ابي اسوي جولة سريعة في شمال الرياض ( روضة خريم ، تنهات .....) او اي امكان فيها عشب اخضر وربيع طيب ابا جولة ليومين او ثلاثة ايام دولني وهل هو الوقت المناسب الان خلال اخر الاسبوع الحالي .
ولكم جزيل الشكر

[سامي 995]

عليكم السلام ورحمة الله وبركاته ..

أولاً حياك الله بين أهلك وأحبابك

ثانياً هالسنه اللهم لك الحمد الخير واجد والفياض المربعه كلها ما يمل منها ،

عندك فيضة خريم والتنهات حلوات وأنا ما مريت عليهن

وعندك فيضة نوره والخفس الجنوبيه والخفس الشمالية وأم شقوق

كلهن حول الرياض وربيعهن طيب بالحيل .

أتمنى أني أكون أفدتك ..

[عبار درب]

حياك الله بين ربعك و اهلك
الفياض الي ذكرها سامي ممتازات انا مارهن كلهن ربيعهن ناهي ( ممتاز ) و متقاربات بين الوحدة و الثانية 50-60 كيلو ام شقوق تبعد عنهن بحدود 100 كيلو
اتمنى لك رحلة ممتعة و تعود لديارك بالسلامة
للأحاطة تجد عند بعض هالفياض سودانيين يأجرون خيام و افضل لك تجيب خيمك معك

[اماراتي 11]

جزاكم الله خير على الردود ...

هل الوقت مناسب على يوم الاربعاء ان شاء الله ؟
هل توجد خدمات قريب من الاماكن سوبر ماكت ملاحم ذبايح ؟
وين احسن وارخص مكان لأغراض الرحلات ؟
وهل توجد مياه جارية او راكة في الامكان المذكورة ؟
اخذ اي طريق واناجاي من الامارات خريص الرياض .
وكم من الرياض بالضبط .
تستهال الرحلة كم يوم .
وشكرااااااااااااااااااااااا

[الدبل الرابع]

اماراتي انصحك ماتجي اخر الاسبوع حاول تكون رحلتك بداية الاسبوع اهل الرياض نهاية الاسبوع كلهم يطلعون حول الفياض والرياض المذكوره بمعنى زحام ماله اول ولاتالي خذها بالتسلسل خريم- التنهات - الخفس - نوره - الشوكي وترجع بالسلامه.
الطريق مع الاحساء على خريص وثم خريم رماح
بالنسبه للاحتيجات ننصحك بالتزود بلوازم الرحله من الاحساء الا اذا كنت بتمر المدينه الرياض بتحصل كل طلباتك كذلك برماح

[اماراتي 11]

اخوي الدبل الرابع يعني ما بحصل بمكان فل الاماكن ؟
هل كافية يومين ؟

[فتى شنه]

مرحبابك بين ربعك واهلك تواصل معي بالخاص

[اماراتي 11]

مافي ملا حم او ذبايح قريب من الاماكن هذه ؟

[اماراتي 11]

مرحبابك بين ربعك واهلك تواصل معي بالخاص
مااقدر على الخاص لأني عضو جديد
هت مفيدك وجزاكم الله خير اشهد انكم ما تقصرون

[شقران نجد]

اماراتي انصحك ماتجي اخر الاسبوع حاول تكون رحلتك بداية الاسبوع اهل الرياض نهاية الاسبوع كلهم يطلعون حول الفياض والرياض المذكوره بمعنى زحام ماله اول ولاتالي خذها بالتسلسل خريم- التنهات - الخفس - نوره - الشوكي وترجع بالسلامه.
الطريق مع الاحساء على خريص وثم خريم رماح
بالنسبه للاحتيجات ننصحك بالتزود بلوازم الرحله من الاحساء الا اذا كنت بتمر المدينه الرياض بتحصل كل طلباتك كذلك برماح

احسنت ارد اخوي الدبل الرابع ...ونظيف اخي اماراتي لو اخرت رحلتك الى الاسبوع القادم يكون افضل بأذن الله والسبب رياح بارده هذه الايام وتستمر لمدة اسبوعين تقريباّ بداية من 6 فبراير ويومين من وجهة نظري ما تكفي اذا بتمر جميع ما ذكر وجب اللحم معاك من ملاحم الأحساء تراها طيبه خصوصاً الحاشي واهلا وسهلا بك اخوي اماراتي بين هلك وربعك

[اماراتي 11]

أخواني الله يعطيكم العافية ماقلتولي في ملاحم ولا ذبايح قريب من الاماكن المذكورة
هل تكفي يومين ؟ ولا كثير بعد
وهل الصور تحكي عن الطبيعة في هالاماكن ولا الصورة تحلي المكان بزيادة ؟

[اماراتي 11]

والله انكم ماقصرتوا وانا بتسمر في هالصفحة لأجل اخذ معلومات كافية وأكبر ؟
ومنتداكم طيب وفيه روح التعاون والاثارة .

[البدراني11]

جزاكم الله خير على الردود ...

هل الوقت مناسب على يوم الاربعاء ان شاء الله ؟
هل توجد خدمات قريب من الاماكن سوبر ماكت ملاحم ذبايح ؟
وين احسن وارخص مكان لأغراض الرحلات ؟
وهل توجد مياه جارية او راكة في الامكان المذكورة ؟
اخذ اي طريق واناجاي من الامارات خريص الرياض .
وكم من الرياض بالضبط .
تستهال الرحلة كم يوم .
وشكرااااااااااااااااااااااا


يوجد مدن وقرى او محطات عند كل روضة

اقترح عليك خطة سيرك كالتالي (الرياض- خريم - الخفس - التنهات - نورة - ام الشقوق )

كل روضة اجلس فيها يوم وامرح واذا اصبحت وصلحت قهوتك وافطرت .. قفض عفشك (احمل اغراضك )الى الروضة التالية ولا تتاخر لأجل تلقا المكان قبل الزحمة

[اماراتي 11]

جزاكم الله خير
الذبااااااااااااااااااااااااايح وين احصلها

[الدبل الرابع]

مافيه شي بالبر اسمه فل لكن فيه زحمه!! بعض الناس مايحب الزحمه يبي هدوء وهذي ميزة البر طبيعته وهدوءه.
بالنسبه للحم انصحك تشري خروف هرفي او تيس تحصل يبيعون حي بعدين باسالك انت من وين بالامارات تحديدا من اي مدينه؟
بصراحه على اسئلتك شكلك اول مره تطلع بر مع احترامي للجميع.

[اماراتي 11]

انا من أبوظبي والبر نطلعه دايم لكن عندكم اول مرة وماعرف وين الاماكن الزينة وين يبيعون الذبائح

[محمدالعريني1]

هلا خوي في بلدك الثاني,,
ابد وشوله ذبيحه مر اقرب محل سبر ماركة كبير وخذ لحم بالكيلو الي يكفيك وريح راسك لازم ذبيحه . وشوله تشغل نفسك بذبح وصلخ والحوسه وخصوصن وقت ضيق .
اهم شي الامكان والاكل مو شرط تتحمس فيه ,,
سلالالام

[أبو راشد 33]

الذبيحة تقدر تاخذها من محافظة رماح تبعد عن روضة خريم 15 كيلو تقريبًا و فيها مسلخ و تحصل فيها كل احتياجاتك

[ريف النشاما]

وعليكم السلام ورحمة الله وبركاته


حياك الله في بلدك الثاني والساعة المباركة




المناطق التي ترغب في زيارتها معروفة ومدهولة // وطول الرحلة يحتم عليك الاستعداد جيدا بالمعلومات والمؤن والترتيب


---

1- الوقت والاحوال الجوية // تحتاج متابعة وهذا الاسبوع شكله برد وهواء // إن جيت احسب حسابك بالخيمة أو الذرى

الوقت / حسب وقتك كل موقع يحتاج يوم كامل


2- لابد أن يكون معك جهاز قارمن وجميع معلومات الاماكن المذكور متوفرة على الخرائط
3- الذبيحة
= كان تبيها من قريب فعندك // سوق الغنم بالرياض شرق الرياض وبالقرب جدا من مفرق رماح
وأنت جاي من الدمام المفرق يمينك وسوق الغنم يسارك
= مدينة رماح يتفور بها كل شي وهي قريبة من روضة خريم
=هناك مواقع لبيع الأغنام متوفرة على الطريق بين رماح وروضة التنهات وأيضا بين روضة نورة وحفر العتش

= كان تبي نوفرها لك على المفرق (مفرق رماح) ما عليك سوى أشعارنا:D

4- الوقت
- اجازة الاسبوع زحام جدا من الكشاته ولكن سوف تجد مايسرك وبالإمكان التخييم بالقرب من الروضات والتمتع بالتمشية فيها وقت الضحى والعصر مع القهوة والشاهي فقط


5 الخدمات البترولية متوفرة والمواد الغذائية بالمحطات على الطريق

محطة في غيلانة بالقرب من روضة خريم - رماح - محطة دوار العتش بالقرب من التنهات =
- محطةة حفر العتش على طريق القصيم 30 كيلوا عن روضة نورة


تأجير الخيام - يتوفر في خريم - التنهات - نورة - الظاهر ام الشقوق
=====


- برنامجك الأفضل =====
سوف أضع لك تراكات واحداثيات وجميع التفاصيل .................. تابع :D



إذا ما عندك قوقل ارث حمله على جهازك من هنا
https://www.google.com/intl/ar/earth/download/ge/agree.html


=====

وبعد التشغيل حمل الملف المضغوط هنا ثم افتحه مباشرة على قوقل وتصفح الطريق بسلاسة


http://sub5.rofof.com/02nluob9/Qyas_Al-msar.html


وهذه صورة كبيرة خارطة موضح عليها المواقع والطريق

الخط الازرق فوق بين نورة والتنهات صحراوي لكن ممتع وفيه مواقع يتوفر بها الزبيدي
http://store1.up-00.com/2014-02/1391965466251.jpg






[center]=========





أفضل مكان للتكية والقهوة في خريم الاحداثية في الصورة ورد وحركات وطلح
http://www.mekshat.com/pix/upload01/prof024/mk8178_ttt111.jpg

الثاني فراش خضر وسط السدر
http://www.mekshat.com/pix/upload01/prof024/mk8178_eeee222.jpg


هذا دوار يمين تروح للتنهات وسيدة تروح للحفنة ورويغب ثم الخفس أو نورة
وهناك طريق صحراوي من التهات تروح غرب لنورة وهو الأفضل
http://www.mekshat.com/pix/upload01/prof024/mk8178_ddd4444.jpg

صورة للطريقين والصحراوي بحدود 50 كيلوا
والاسفلت تعود من التنهات حتى تصل دوار الحفنه ثم يمين (غرب)
http://www.mekshat.com/pix/upload01/prof024/mk8178_xxx2222.jpg

---------------------------------


لا تنسى متابعة الأجوال الجوية فالدنيا برد وهواء

ولا تنسى الخوة فهي جمال الرحلة

وقبل كل هذا الدعاء والتوكل على الله





.............

[Fantab]

الان برد وهوا
كثر من البطاطين

[عريدان]

مرحباً اخونا أمارتي 11 وطلبك سهل وأقترح عليك ما يلي:
طبعاً إذا أنتم جايين بسياره أقترح تمشون الثلاثاء الفجر ثم تمرون أقرب سوبر ماركت من الهفوف وتاخذون أغراضكم الأساسية لحم أو ذبيحه قطع وتضعونه بحافظة أو ثلاجه + الخبز والمستلزمات الغذائية لعدد الوجبات, ثم الانطلاق مباشرة لروضة خريم والأفضل تسجل أحداثياتها بجهز القارمن و قبل مخرج سعد وأنت متجه للرياض مع السريع تفرق يمين لتتجه شمالاً بطرق بريه جميله ألى روضة خريم وتمسون وتصبحون الأربعاء وبعد الافطار تكون مسجل أحداثية التنهات لتتجه لها من خريم وتمسون بها وتصبحون الخميس ثم تسجل إحداثيات روضة نوره وتتجهون لها ثم بنفس اليوم تتجهون لروضة الخفس الشمالية والأخيرة هذه أفضل تكونون خارجها من غرب ب 10 كم و تنامون فيها وبعد أن تصبحون الجمعه تتجهون منها للرياض بـمسافة تقدر ب 70 كم تقريبا ثم عل طريق الرجعة بإتجاه الشرقية. والله يحيكم وتستمتعون بما أنعم الله به على المسلمين. أرسلت جوالي عالخاص لأي أستفسار.
الأفضل تكون معكم خيام صغيرة أو شراع لإتقاء الأمطار أو الشمس وكم ربطة حطب جيد والتمون بالوقود من الهفوف - سعد - الحفنه قرب التنهاه - محطة الثمامه - الهفوف.

[همس الغدير]

موفق اخوووي

[قاهر الصمان]

أماراتي،، حيّاك الرحمن عند أهلك وربعك
أخي العزيز
إذا كنت تبا تجي مع أهلك، عندك طال عمرك خريم والتنهات وروضة نورة .. أما إذا أنتوا جايين شباب نفس الأماكن المذكورة لكن تجيها في وسط الإسبوع. هناك أماكن زينه بالحيل ربما لا تليق للكثير وأنا حقيقة أعشقها وهي ضلوع طريق الخاتله دون رويغب

الشاهد نتواصل معك يا غالي

البيت بيتك ونعم فيك وأهل الأمارات كلهم

[قاهر الصمان]

وهذي صورة من ربيع وعشب خريم السنة هذي

http://www.burnews.com/sites/default/files/images/12_25.jpg

[ابو بنيدر 2]

لك رسالة على الخاص وحياك الله

[اماراتي 11]

اشهد انكم ماقصرتوا كفيتو ووفيتوا

[ابن عكاش]

السلام عليكم يالغالي عندي استراحة جاهزه تجي تريح فيها بمحافظة حريملاء تبعد عن روضة الخفس 60كم وعن وروضة ام الشقوم 40كم وابرك الساعات وهذا جوالي 0552237788 ابوصقر
وياهلا ويامسهلا

[شيخ العبدان]

ياهلا ومسهلا الديار كلها ربيع ماشاء الله

[سي سي]

اخوي اماراتي ارسلي رقمك على الخاص ومالك الا طيبة الخاطر بعد شتبي
تامر امر

[ناصر الحطابي]

بالنسبة للإخوان اللي في القروب كلهم مايقصرون وهذي عادات اهل السعودية اهل الشيم والكرم
واهل الامارات يستاهلون كل علم طيب
الله يحييك انت واللي معك ان بغيت عند البل وان بغيت في استراحة وان بغيت تمشية في الفياض و ابرك الساعات
ارسل رقمك على الخاص

[محمد ابن عيد]

..
حيـاكم الله جميع في مكانكم الثــاني
و شمال العـاصمه ماشاءالله جاها شي طيب وربيعها مابه كلآم
نق و توكل ع الله

[راعي الدسمه]

هل بك في بلدك الثاني

لاتنشد عن اللحم

انت ضيفنا وذبيحتك ابشر بها

اذا تسمح الاداره احط جوالي حطيته وردو علي

ترى هذا ماهو طبعي تراه طبع كل واحد من اهل هالمنتدى الطيب

[راعي الدسمه]

0551734684

ياهلا ومسهلا

[الدوسري دت كم]

هلابك ياخوي الاماراتي .
ماقصرت ياراعي الدسمه وجهك ابيض تقول وتطول .

الاخوان ماقصروا ودي ادلوبدلوي معهم .
انت تقول بتجي يومين , لوتقدرتخليهاالاحدوالاثنين والثلاثاء احسن ,
وخطة السيرالبطحا سلوى الاحساء طريق الدمام السريع مفرق رماح قبل الرياض تقريبا اربعين كليو
وبعدين على رماح على طول فيه اربع عمايرفيها شقق مفروشه اخترمايناسبك .
رماح فيه كل الي تبي من اغراض الرحلات الضروريه والتموينات .
بعدماتريح وتصبح ترجع للغيلانه ممكن عشركيلو شرق منها روضة خريم افضل مكان من ناحية الخضرة
والربيع وهي فيضه كبيره ممكن انك تقضي وقتك في اطرافها وانت اجازتك قصيره
واسكن برماح اوفيه مخيمات للأيجارحول الروضه .

والي تبي حناحاضرين
0556115530

[sfr]

حياك الله ياخوي الاماراتي بين اهلك واخوانك ولا انصحك بالمجيئ ايام الخميس والجمعة والسبت ان كنت راعي كيف هذه الايام يكثر فيها الزحام وانبغيت اي خدمه حنا حاضرين

[hamo0o0ody]

حياك الله اخوي في بلدك الثاني
ما ازود على الرجاجيل بشي إن شاء الله انهم كفو ووفو
وانت بين اهلك وربعك ومحد مقصر معك بشي
بس ضروري تاخذ معك الجارمن وتحدد الاحداثيات وتتأكد منها
للمعلوميه روضه خريم هي الوحيده اللي ما تقدر تشب حطب بداخل الروضه
لازم يكون معك منقل تشب عليه
إن احتجت شي لا تتردد وانا اخوك رقمي ارسلته لك على الخاص
أخوك / أبو نواف