الاخ اصيل وبدوي جنوبي

[متقاعد مبكر]

السلام عليكم ورحمة الله وبركاته
موتري فكس ار 98 8 سلندر الي حصل ان احد الاخوان شاله مشوار وسخن عليه بسبب عدم وجود مويه حتى انطفا وجيت وخذه وغيرت لديتر علشان ماعاد تكرر المشكله ولكن الي حصل ان الموتر ضغط الهواء كل ما اشغل الموتر يعبي هواء غير طبيعي وضغط لي الخرطوش مو طبيعي واخاف انه الراس وحبيت الفزعه هل هناك حل والا اخذها براسي وفك الراس

[متقاعد مبكر]

وهل لبلف الحراره دور في قوة ضغط الهواء للديتر لاني شلته فزاد الضغط وشفت الجلد (الربلات) التي بنفس البلف تالفه هل يمكن ان تكون السبب

[ls1.5700]

احتمال بتكون الروس فيها شعر من شدة الحراره
وغطاء الاديتر له دور بحشر الهوى شيك عليه اخاف ماهو اصلي
او الاديتر تاكد منه اخاف انه مو اصلي
ابدا بفك غطاء الزيت وشوف فيه بخار ماء او قطرات ماء هذا معناته الروس فيها شعر
او الوجيه القاز قيت متهريه من الحراره
وتسبب تسرب الماء والهوى
البلف استبعده تماما لانك فكيته ولا انتهت المشكله بل زادت
لو مافكيته كان يكون سبب محتمل كثير لانه في بعض الاحيان يسكر ويحشر
وان شاءالله يفيدونك اهل اخبره اكثر مني
اتمنى لك التوفيق والله يعوض عليك خير

[متقاعد مبكر]

احتمال بتكون الروس فيها شعر من شدة الحراره
وغطاء الاديتر له دور بحشر الهوى شيك عليه اخاف ماهو اصلي
او الاديتر تاكد منه اخاف انه مو اصلي
ابدا بفك غطاء الزيت وشوف فيه بخار ماء او قطرات ماء هذا معناته الروس فيها شعر
او الوجيه القاز قيت متهريه من الحراره
وتسبب تسرب الماء والهوى
البلف استبعده تماما لانك فكيته ولا انتهت المشكله بل زادت
لو مافكيته كان يكون سبب محتمل كثير لانه في بعض الاحيان يسكر ويحشر
وان شاءالله يفيدونك اهل اخبره اكثر مني
اتمنى لك التوفيق والله يعوض عليك خير

تسلم اخوي والله يبارك فيك اما من ناحية الخلط الحمد لله شيكت عليه قبل ان اسوي فيه اي شي و الغطا حق الديتر الاول اصلي وضغط السبنرنق حقه جيد ولكن البلف قلت قد يكون زي المرسيدس بنز لانه يلعب دور كبير فيها ولا بد من وجوده في المرسيدس اكرر شكري لتفاعلك

[عبقري91]

يمكن يكون عندك هواى في المكينه مابعد طلع
حاول تحصل مسمار تنسيم هواى الرديتر
وان ما انحلت

كان عندي سياره انشق راس الرديتر من حشر الهواى فيه وخفت يكون راس وغيرته ولا فيه فايده
قلت يمن غطا طبعن غيرته ولا فيه فايده
رحت وقطعت قطعه خفيفه في ربلت الغطا وزانت اموري. معاد فيه تحجير خرطوش
وفيه سياره ثانيه غيرت ثلاث غطيان. فيه واحد منهن نصحوني فيه يفتح على درجة حراره اقل. زبط معي. وراح التحجير
هذي بعض المواقف الي مرت علي يمكن تفيدك بشي
وانشالله امورك تمام. والبلف. ضروري ترجعه. لانه يتحكم في دورت الما داخل المكينه. ويتحكم في استهلاك البنزين
وصفاوت المكينه. وتغيير لون الزيت. هذا من واقع تجربه. لازم المكينه تكون محتره حرارتها الطبيعيه عشان يتم احراق البنزين صح. لانه لو مااحترق بالكامل الكربون بينزل مع الزيت والسرندل بيتسخ. ويجي عليه كربون حتى بعد فتره تشم ريحت البنزين مع الزيت
ان اصبت فمن الله وان اخطئت من نفسي والشيطان

[ابوراكان تبوك]

شوف الموضوع هذا تقريباً نفس مشكلتك وحلها بسيط
http://www.mekshat.com/vb/showthread.php?t=617959

وانتظر الاخوان المهندسين أصيل الحجازي وبدوي جنوبي يمكن يفيدوك اكثر

[متقاعد مبكر]

الله يجزاكم خير وشكرا لكم على مشاركاتكم وابشركم انحلت المشكله بعد تغيير غطا لديتر جديد وكاله والغاء البلف والحراره ولا احلى يادوب الامبير يتحرك ولكن صوت طقه مستمره وللعلم قريبه من صوت البلوف ممكن طرمبه الله اعلم وسير التيمن ما عندي خلفيه عن مشاكله قد تكون منه بسبب ارتخائه من الحراره انتظر مشاراتكم بخصوص الطقطقه المستمره واكرر شكري لكل من شارك وحيشارك

[متقاعد مبكر]

انتظر مشاركاتكم لاني رحت للميكانيكي قال الثمانيه سلندر اذا فيه كويل خربان يطلق صوت طقطقه وشرح لي شرح طويل ما دخل راسي حسسني انه فاهم وهو من جنبها والي يقل لي القزوز والصوت جهة الراس واضح كلش تمام عزم وحراره ولا احلى بس الصوت هذا احس انه بيجيب العيد لانه في الراس وانا متاكد انه يا في عمود الكردان او البلوف والعصافير وشكلي بفك اذا ما لقيت مساعده من مشرفينا الغالين ولا تهونون

[ريثان القصيم]

انتظر مشاركاتكم لاني رحت للميكانيكي قال الثمانيه سلندر اذا فيه كويل خربان يطلق صوت طقطقه وشرح لي شرح طويل ما دخل راسي حسسني انه فاهم وهو من جنبها والي يقل لي القزوز والصوت جهة الراس واضح كلش تمام عزم وحراره ولا احلى بس الصوت هذا احس انه بيجيب العيد لانه في الراس وانا متاكد انه يا في عمود الكردان او البلوف والعصافير وشكلي بفك اذا ما لقيت مساعده من مشرفينا الغالين ولا تهونون
اخوي
1-رجع البلف افضل للمكينه واذا ارتفعت الحراره عند النص ركب بلف بارد مع مراوح تبريد
2-لاتفك المكينه دام ما فيه دخان ابيض او نقص زيت
والصوت يروح اذا استعملت زيت نوعيه ممتازه مثل لزوجة 0w40 مع معالج

اخوك
ريثان القصيم

[متقاعد مبكر]

هلا اخوي ريثان القصيم منكم نستفيد شكرا لك ع النصيحه

[راعي المجهم]

اخوي الصوت بسبب الغاء بلف الحرارة

وانصحك تركب بلف جيب تويوتا ديزل باااارد

على المكينة مجربينه على جي اكس 96 هدد

[متقاعد مبكر]

تسلم لي اخوي راعي المجهم