لورن
10/02/2014, 09:06 AM
السلام عليكم ورحمة الله وبركاته
اخواني واخواتي
سبحان الله العظيم على هذه الدنيا العجيبة
بداية هالقصه حصلت لي وانا بخامس ابتدائي كان الوالد رحمة الله عليه على قد حاله وكان يكد ويتعب علشاننا انا وخواتي واخواني على وقت اول ظهور البيوت الشعبيه التي كانت تعتبر قصر
لاكنه ربانا وعلمنا كيف نكون رجال ونعتمد بعدالله على انفسنا حاولت اني ادور شغل مالقيت وكان مثل ماذكرت بداية البيوت الشعبيه وكانت بيوت الطين تقض ويبنا بداله الشعبي
دخلنا انا واربعه من ربعي او خمسه مع الستوديه ( يعني المعلم ) ورونا وشلون الشغل كيف يفصل الجدار عن الايحه وتطليع الخشب وشغل كرف الى مسيان الضعيف والله ان الواحد اذا خلص شغله انه تافلن العافيه وغادين تقل خشاشة قضيض اشهب الهب من الغبار والطين ونه لو يكح طاحت جمشه من اثمه
وكان واحد من الحاره شايفن نفسه ولد نعمه اشغلنا كل مامر يضحك علينا ويستهتر وينقص منا ويقول كلام شين والله بلحيل ومن عرض كلامه ان ابوه لو يبي شغلنا حنا واهلنا
استمرينا على هالحال الى اولى متوسط
وقمت انا وربعي نشتغل لحسابنا ونوفر اللى يكفينا وزياده ونشري اللي نبي ونجيب خبز لبيوتنا وكان هاك الوقت الخبز ثمان بريال واذا دخلت للبيت وشاف الوالد الله يرحمه والمسلمين اجمعين
قام يمدحن ويقول هذا رجل البيت
وتعرفون عاد ثم انتفخ من الفرحه
مشت الايام وصرنا بالجامعه وتعرفون الجامعه وبالرياض تبي مصاريف ولابد من شي يرفد بديت اشتغل الحمد لله والشغل ماهوب عيب مادام حلال
مشيورات احد يبي الديره احد يبي الخرج وابن هالحلال وراي وراي يوم والله ضيق علي وفشلن بين الله وخلقه وانا صابر واقول لنفسي ان ماجيت اتهاوش مع الناس ان جاي علشان ادرس واتعلم وانفع نفسي بهالدنيا
يوم من الايام كان له رفيق من؟؟؟؟؟؟؟؟؟؟؟ودايم هو وياه رايحين جايين
طلب مني اني أوديه لوسط الرياض وانتظره لين يخلص مقاضيه وفيه واحد من جماعته يبي يجي معه واردهم مره ثانيه للجامعه اتفقنا على السعر
وديته
جاب اغراضه وحطهن بالسياره يوم ناظرت يمين والى الشخص اللي مشغلن هو رفيقه اللي يبي يجي معه
فهمت انا القصه طابخينه مع بعض
اسكت انا
ونا بالطريق اسمعه يقول لرفيقه ترى انا عندي السياره واقفه عند الجامعه بس قلت انا تعبان وقلت ادور سواق لي يودين ويجين وكل الدعوى فلوس نحلته بوجهه وهذا حقه
وقفت انا بوسط الخط والتفت عليه قلت الله لايشتكر لك ماجينا نشحذك الحمد لله نشتغل ونكافي امورنا علشان مانحتاج واحدن مثلك
يوم والله قام يضحك هو ورفيقه قال روح ياشيخ الفلوس اللي اصرفه بيوم تسدك سنه
المراد ماطول عليكم بعد فتره توفى ابوه رحمة الله عليه
وورث اموال لاتعد ولاتحصى وعقارات ومزارع وشي ماينحكي
ترك الجامعه وانقطعت اخباره والله ما أدري وين الارض اللي شالته
وكانت امه بالديره ولو ماكانت موجود ماطب الديره
ونسمع عنه انه صار غني مره
مره بأحد زياراته لامه وهو جاي للديره مرض مرض شديد دخل على اثره المستشفى ورقد
دريت انا من الناس ورحت لربعي الاولين قلت لهم يالله نبي نروح نزور ابو فلان
اللأغلب قال تبي تزوره رح لحالك نسيت وش يقول عنا من اول
قلت ياجماعه اللي فات مات وزيارة المريض واجب من هالحكي اللين
ونا والله ماكان قصدي اني اتشفى والقصد كل القصد زيارة رفيق لعله انه تغير
المراد رحنا للمستشفى وسألنا عن غرفته ولقيناه على السرير وقمت اهلي ورحب وقوله
ماشاء الله طهور الله يجمعلك بين الاجر والعافيه ومن هالهرج الزين
تدرون ياجماعه وش قال
قال قضيت
فلان
عطه حق الدرب وخله يطلع هو وربعه
الى والله يوم ضاقت بي الوسيعه ومعنا واحد من ربعنا من الحراره ماتمسكه ولى بيز
نط يبي يدبغه وومسكناه وقال لع؟؟؟؟؟؟؟؟؟؟؟ الساعه اللي جيناك فيها
وياله مسكناه
انا مابين اضحك على رفيقنا هالحار اللي لوما مسكناه والله ان يذبحه وناظر هالمسكين اللي مريض ويقول هالحكي التفت عليه كلمة بكبدي
قلتله ابو فلان ترى الدنيا مهب مطاولتن احد والدواير تدور والله يكفيك شره
طلعنا من عنده وراحت هاك السالفه وكلن لهى بعياله ودراسته ورزقه ومرت سنين كثيره ونسيت الموضوع كله ولا جاء بخاطري
الغريبه ياجماعه امس كنت رايح لسوق الخضره موصينن البيت على خضيره وفواكه درت السوق ومعي هاك الولد الحمالي شال اغرضي ونا بطريقي للسياره امزح مع هالولد لانه مثل ولدي وقوله ترى الشغل ماهوب عيب وتراي مثلك من اول ماهنا شغلتن ماشتغلت به
حملنا الاغراض
جيت ابركب السياره واسمع اللي ينادي ابو فلان مرتين
التفت اشوف رجال نحيف مره وشوشه وباينن عليه رهف الحال
قلتله انا ياخوي
قال ايه انت
قلت ياخوي الظاهر انك مشبه والا غلطان
قل مانتب ابو فلان فلان الفلاني
قلت الا
قال ماعرفتن برق زين قبل ثلاثين سنه قلتلي كلمه والى هالحين ترن براسي
ترى الدواير تدور
قلت ياهلا ببو فلان ياهلا والله ومرحبا وينك وين ايامك عساك بخير الحمد لله اللي شفناك وانا حاضنه على صدري والرجال مسكت
قلتله وارى ماترد
والاه يصيح ودموعه غرقت كتفي
قال ماشاء الله عليك يابو فلان ماتغيرت وترى الدواير دارت علي وليتي طايعك
والله ما أملك من الدنيا الا هالثوب اللي علي وخسرت كل شيء
فسبحان مغير الاحوال
الله يقنعنا من هالدنيا ولى يجعله اكبر همنا
والله يحفضكم جميعا
تحياتي
اخواني واخواتي
سبحان الله العظيم على هذه الدنيا العجيبة
بداية هالقصه حصلت لي وانا بخامس ابتدائي كان الوالد رحمة الله عليه على قد حاله وكان يكد ويتعب علشاننا انا وخواتي واخواني على وقت اول ظهور البيوت الشعبيه التي كانت تعتبر قصر
لاكنه ربانا وعلمنا كيف نكون رجال ونعتمد بعدالله على انفسنا حاولت اني ادور شغل مالقيت وكان مثل ماذكرت بداية البيوت الشعبيه وكانت بيوت الطين تقض ويبنا بداله الشعبي
دخلنا انا واربعه من ربعي او خمسه مع الستوديه ( يعني المعلم ) ورونا وشلون الشغل كيف يفصل الجدار عن الايحه وتطليع الخشب وشغل كرف الى مسيان الضعيف والله ان الواحد اذا خلص شغله انه تافلن العافيه وغادين تقل خشاشة قضيض اشهب الهب من الغبار والطين ونه لو يكح طاحت جمشه من اثمه
وكان واحد من الحاره شايفن نفسه ولد نعمه اشغلنا كل مامر يضحك علينا ويستهتر وينقص منا ويقول كلام شين والله بلحيل ومن عرض كلامه ان ابوه لو يبي شغلنا حنا واهلنا
استمرينا على هالحال الى اولى متوسط
وقمت انا وربعي نشتغل لحسابنا ونوفر اللى يكفينا وزياده ونشري اللي نبي ونجيب خبز لبيوتنا وكان هاك الوقت الخبز ثمان بريال واذا دخلت للبيت وشاف الوالد الله يرحمه والمسلمين اجمعين
قام يمدحن ويقول هذا رجل البيت
وتعرفون عاد ثم انتفخ من الفرحه
مشت الايام وصرنا بالجامعه وتعرفون الجامعه وبالرياض تبي مصاريف ولابد من شي يرفد بديت اشتغل الحمد لله والشغل ماهوب عيب مادام حلال
مشيورات احد يبي الديره احد يبي الخرج وابن هالحلال وراي وراي يوم والله ضيق علي وفشلن بين الله وخلقه وانا صابر واقول لنفسي ان ماجيت اتهاوش مع الناس ان جاي علشان ادرس واتعلم وانفع نفسي بهالدنيا
يوم من الايام كان له رفيق من؟؟؟؟؟؟؟؟؟؟؟ودايم هو وياه رايحين جايين
طلب مني اني أوديه لوسط الرياض وانتظره لين يخلص مقاضيه وفيه واحد من جماعته يبي يجي معه واردهم مره ثانيه للجامعه اتفقنا على السعر
وديته
جاب اغراضه وحطهن بالسياره يوم ناظرت يمين والى الشخص اللي مشغلن هو رفيقه اللي يبي يجي معه
فهمت انا القصه طابخينه مع بعض
اسكت انا
ونا بالطريق اسمعه يقول لرفيقه ترى انا عندي السياره واقفه عند الجامعه بس قلت انا تعبان وقلت ادور سواق لي يودين ويجين وكل الدعوى فلوس نحلته بوجهه وهذا حقه
وقفت انا بوسط الخط والتفت عليه قلت الله لايشتكر لك ماجينا نشحذك الحمد لله نشتغل ونكافي امورنا علشان مانحتاج واحدن مثلك
يوم والله قام يضحك هو ورفيقه قال روح ياشيخ الفلوس اللي اصرفه بيوم تسدك سنه
المراد ماطول عليكم بعد فتره توفى ابوه رحمة الله عليه
وورث اموال لاتعد ولاتحصى وعقارات ومزارع وشي ماينحكي
ترك الجامعه وانقطعت اخباره والله ما أدري وين الارض اللي شالته
وكانت امه بالديره ولو ماكانت موجود ماطب الديره
ونسمع عنه انه صار غني مره
مره بأحد زياراته لامه وهو جاي للديره مرض مرض شديد دخل على اثره المستشفى ورقد
دريت انا من الناس ورحت لربعي الاولين قلت لهم يالله نبي نروح نزور ابو فلان
اللأغلب قال تبي تزوره رح لحالك نسيت وش يقول عنا من اول
قلت ياجماعه اللي فات مات وزيارة المريض واجب من هالحكي اللين
ونا والله ماكان قصدي اني اتشفى والقصد كل القصد زيارة رفيق لعله انه تغير
المراد رحنا للمستشفى وسألنا عن غرفته ولقيناه على السرير وقمت اهلي ورحب وقوله
ماشاء الله طهور الله يجمعلك بين الاجر والعافيه ومن هالهرج الزين
تدرون ياجماعه وش قال
قال قضيت
فلان
عطه حق الدرب وخله يطلع هو وربعه
الى والله يوم ضاقت بي الوسيعه ومعنا واحد من ربعنا من الحراره ماتمسكه ولى بيز
نط يبي يدبغه وومسكناه وقال لع؟؟؟؟؟؟؟؟؟؟؟ الساعه اللي جيناك فيها
وياله مسكناه
انا مابين اضحك على رفيقنا هالحار اللي لوما مسكناه والله ان يذبحه وناظر هالمسكين اللي مريض ويقول هالحكي التفت عليه كلمة بكبدي
قلتله ابو فلان ترى الدنيا مهب مطاولتن احد والدواير تدور والله يكفيك شره
طلعنا من عنده وراحت هاك السالفه وكلن لهى بعياله ودراسته ورزقه ومرت سنين كثيره ونسيت الموضوع كله ولا جاء بخاطري
الغريبه ياجماعه امس كنت رايح لسوق الخضره موصينن البيت على خضيره وفواكه درت السوق ومعي هاك الولد الحمالي شال اغرضي ونا بطريقي للسياره امزح مع هالولد لانه مثل ولدي وقوله ترى الشغل ماهوب عيب وتراي مثلك من اول ماهنا شغلتن ماشتغلت به
حملنا الاغراض
جيت ابركب السياره واسمع اللي ينادي ابو فلان مرتين
التفت اشوف رجال نحيف مره وشوشه وباينن عليه رهف الحال
قلتله انا ياخوي
قال ايه انت
قلت ياخوي الظاهر انك مشبه والا غلطان
قل مانتب ابو فلان فلان الفلاني
قلت الا
قال ماعرفتن برق زين قبل ثلاثين سنه قلتلي كلمه والى هالحين ترن براسي
ترى الدواير تدور
قلت ياهلا ببو فلان ياهلا والله ومرحبا وينك وين ايامك عساك بخير الحمد لله اللي شفناك وانا حاضنه على صدري والرجال مسكت
قلتله وارى ماترد
والاه يصيح ودموعه غرقت كتفي
قال ماشاء الله عليك يابو فلان ماتغيرت وترى الدواير دارت علي وليتي طايعك
والله ما أملك من الدنيا الا هالثوب اللي علي وخسرت كل شيء
فسبحان مغير الاحوال
الله يقنعنا من هالدنيا ولى يجعله اكبر همنا
والله يحفضكم جميعا
تحياتي