مشاهدة النسخة كاملة : دركسون الفتك فجأه يثقل
راعي النياسين
10/02/2014, 10:35 AM
ياخوان عندي مشكله بالفتك موديل 2006
وتكررت معي اكثر من مره وهي فجأه وانا امشي يثقل الدركسون
اطفي الموتر وارجع اشغله ترجع الامور تمام
علما ان الموتر ياخوان نظيف جدا ومحافظ عليه الحمد لله
والشي الثاني من الي يخبر ورشه فاهمه في الفتك بالرياض تعبنا من اليمنيه والهنود الي يتعلمون في مواترنا
طبعا غير التركي لان اسعار التركي مقاربه لاسعار الصيانه في الوكاله وشغله مهوب ذاك الزود مع احترامي له خصوصا في مكينة ال4800
abarre3an
10/02/2014, 12:35 PM
شكله زين ناقص...شيك على العلبة...
المهم...
هالورشة البعد عنه غنيمة...ورشة غير محترمة هي وكل الشغيلة من سعوديين وعربان وعجمان...مجرمين نصابين. اذا تبي تخرب سيارتك ودها للورشة سيئة الذكر والسمعة فاشلين ونصابين يحوسون السيارة حوس ويخربونها عاد ماادري عمد او لا؟؟؟بس المهم اللي يجيهم يربطونه بسلسلة خرابات مستقبلية...
فكيت عندهم رأس المكينة قبل شهرين...وطلع بها انواع الخرابات والاصوات والمشاكل...وماصلحتها عندهم مع انها تحت ضمانهم...والسبب...مثل ماذكرت فوق...
صلحت جميع الاصوات والمشاكل والاعطال من دينمو وحساسات شكمان وشكمان وسرقة بلوف وانكروا انه كان بها؟؟ كلفت علي كثير... تخيل ينفك راس مكينة...ويصير بها صوت بعد التطبيق وبلف قافل وصوت زنجير وتكايات واضح؟؟؟!!!
الله المستعان...
راعي النياسين
10/02/2014, 12:51 PM
شكله زين ناقص...شيك على العلبة...
المهم...
هالورشة البعد عنه غنيمة...ورشة غير محترمة هي وكل الشغيلة من سعوديين وعربان وعجمان...مجرمين نصابين. اذا تبي تخرب سيارتك ودها للورشة سيئة الذكر والسمعة فاشلين ونصابين يحوسون السيارة حوس ويخربونها عاد ماادري عمد او لا؟؟؟بس المهم اللي يجيهم يربطونه بسلسلة خرابات مستقبلية...
فكيت عندهم رأس المكينة قبل شهرين...وطلع بها انواع الخرابات والاصوات والمشاكل...وماصلحتها عندهم مع انها تحت ضمانهم...والسبب...مثل ماذكرت فوق...
صلحت جميع الاصوات والمشاكل والاعطال من دينمو وحساسات شكمان وشكمان وسرقة بلوف وانكروا انه كان بها؟؟ كلفت علي كثير... تخيل ينفك راس مكينة...ويصير بها صوت بعد التطبيق وبلف قافل وصوت زنجير وتكايات واضح؟؟؟!!!
الله المستعان...
الشكوى لله وانا اخوك ماعرفت احد دخل ذيك الورشه ومدحها
لكن مانقول الا حسبي الله ونعم الوكيل
ريثان القصيم
10/02/2014, 01:45 PM
ياخوان عندي مشكله بالفتك موديل 2006
وتكررت معي اكثر من مره وهي فجأه وانا امشي يثقل الدركسون
اطفي الموتر وارجع اشغله ترجع الامور تمام
علما ان الموتر ياخوان نظيف جدا ومحافظ عليه الحمد لله
افحص يمكن
نوع زيت تجاري اذا اصلي يمكن
ناقص الزيت اذا مليان يمكن
تحتاج تنسيم اذا مضبوط يمكن
برمجه اذا نفس المشكله يمكن
الدينمو ضعيف اذا نفس المشكله يمكن
تشحيم الاذرعه وركب الدفرنس اذا نفس المشكله
اخوك
ريثان القصيم
أبوأسامه...
10/02/2014, 03:37 PM
الطاره تثقل فجئه هو ان الطرنبه تقفل او تصخن لدرجة عاليه جدا وهوناك سببان
الزيت قديم جدا وقالب لونه اشود وداخلة غبار وأوصاخ والفلتر الي بالعلبة شبه مسكر
الزيت الي معبا فيه تجاري او خمسه الي علبته حمراء او زايده زيت رخيص وممكن مو انت الي زايده امل البنشري احيانا يتفلسف يعبي المساحات والفرامل والدركسون وان سألته قالك اصلي
___ الـــحـــل ____
غيرالزيت حق الدركسون فيه طريقه انك تجيب برواز اكبر مقاس وتحط به لي حق المكيف الصحراوي وتشفط والسياره طافية لينتفضي العلبه وعب العلبه زيت اصلي والسياره طافيه وكررها كل يومين مره لين تغيره ثلاث مرات او لين يصير الزيت احمر صافي ولاتشغل السياره والزيت فاضي راح تخرب الطرنبة دايركت
وممكن تكون الطرنبة تفوت
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir