صناعه تركيه فاشله بكل المقاييس

[حطاب الشمال]

السلام عليكم ورحمة الله وبركاته

اخواني في مكشات هذا ماحصل مع احد الزملاء وحمدلله على سلامته

اللي انصح كل محبي الصيد الابتعاد عن جميع مايتعلق باالصناعه التركيه في مجال اسلحة الصيد

http://www.m5zn.com/newuploads/2014/02/10/jpg//86bba3f545069e8.jpg (http://www.m5zn.com/out.php?code=15186813)
http://www.m5zn.com/newuploads/2014/02/10/jpg//2a65be8352d50a5.jpg (http://www.m5zn.com/out.php?code=15186812)

[كولونيل]

حمد لله على السلامه

طيب وش اسم البندق ووش سبب الانفجار

مقاس كم رامي فيها يوم تنفجر

وشكرا

[ابو فيصل 518]

ياساتر .. الحمد لله عالسلامة ..
الله يكفينا شر هالاسلحة ..
* طيب مثل اسئلة اخوي كولونيل .. وش اسم البندق - ووش الفشق الي رامي بها ؟

[google-999-]

بغض النظر عن اسم البندق ولا الفشق المرمي فيه ,,, اوافق اخوي حطاب الشمال تماما بالبعد عن الصناعة التركيه ,,
لسوء الصناعه وحفاظا على الارواح ,,

[كولونيل]

اضيف سؤال التشوك اللي كان عليها
وضغط الفشق يمكنه مركب شوك واحد وحاط اربعين ...!
اكيد بتنفجر لو.هي ماصورة بيكال

وشكرا

[حطاب الشمال]

بغض النظر عن اسم البندق ولا الفشق المرمي فيه ,,, اوافق اخوي حطاب الشمال تماما بالبعد عن الصناعة التركيه ,,
لسوء الصناعه وحفاظا على الارواح ,,

كلام سليم اخوي قوقل لا ازيد ولا انقص

والاخوان اللي يسئلون الفشق اظنه فام 32

[العاقل الأوحد]

قول الحمدلله على السلامة

الغشامه لها دور

[محمد هاني]

الحمد لله على السلامه

[العبوب]

اولاً: الحمدلله على السلامه

ثانياً: ياليت تفيدنا عن اسم البندق الشوزال التركيه انواع واشكال

[الظافر]

كلامك صحيح لكن الأسعار تفرض علينا نشتري التركي

[bbaass]

حدد اسم الشركه ولا ماكان فيه داعي تنزل الموضوع

[ابن كديميس]

الحمد لله على سلامته ولو قلت وش الحاصل كان ازين لاخذ الحيطه.
وعلى العموم الماصوره تنفجر حتى بغير التركيات اذأ حصل سؤ استخدام
والتركيأت مشكلتهن الجهاز مايعمر معك .

[بروتين]

مع احترامي لكاتب الموضوع
طريقتك في كتابة العنوان دليل واضح انك متعصب
ثم ياعزيزي لايوجد دليل على انها تركية !
ثم إنه لايوجد أي أثر للبارود يدل على الانفجار

[ابوحمد5]

الحمدلله علا سلامه العمووم وانا اقول الشكوا لله السلاح غالي مالك الا التركي ( وهو مخنز )

[هولوكس2005]

السلام عليكم ورحمة الله وبركاته
الحمدلله على السلامه أولاُ

موضوعك ناقص ومبهم وغير واضح فيجب عليك تفصيل الحادثه بالتفصيل


المواضيع والنقاش لايأخذ بهذه الطريقه فالمنطق يقول بأني لا أسلمك عقلي لتقرر ماتشاء

فقول بأنها فاشله فأسمحلي والحق أقول بأنها ليسة فاشله ويوجد منها أنواع تغنيك عن غيرها للأستعمال الخفيف إلى المتوسط

وإذا تكلمت عن الانفجار فأحتمالية ردائة نوع الفشق فهي أكبر بكبير من كون الماصوره ليسة جيدة الصنع
بمعنى أن احتمالية تجمد الحلبي مع بعضه وانعكاسه في الماصوره كبير جدا
واحتماليه ردائه الكأس الي في الفشقه هو الي تسبب بهذا الانفجار

*والحديد بين بانه متين (سميك) من مكان الانفجار
*فشق فام من أسواء أنواع الفشق وأضن والعلم عند الله بأنه لبناني الصنع


كم من شوزن تركية بيعت في السوق كميات بالهبل نادر لم يحدث ما حدث لك

[ابو ناصر77]

الحمد لله على سلامته ومايشوف شر

[حطاب الشمال]

يا اخوان انا نزلت الموضوع ولاني مجبور انزله بس من باب

((((عن تميم بن أوس الداري أن النبي صلى الله عليه وسلم قال ( الدين النصيحة ثلاثا قلنا لمن يا رسول الله قال لله ولكتابه ولرسوله ولأئمة المسلمين وعامتهم ) رواه مسلم.))))

[ابومحمد 2013]

على العموم الحمد لله على سلامتك

[محمد ابن عيد]

..
الحمدلله ع الســلآمه
لكن ي الغالي ماذكرت وش نوع البندق
وسبب الانفجـار
لانك حكمت ع التركيــات و بسبب فعل شخص و بندق
انا اعـرف ناس واجد معاهم تركيات و ماشاء الله رمي و سوق
ولا شتكوا منها و لاشافو منها خلآف
لكن البنادق توافيك + غشــامت راعي السلاح
و الله يحمينـا و اياكم

[حطاب الشمال]

..
الحمدلله ع الســلآمه
لكن ي الغالي ماذكرت وش نوع البندق
وسبب الانفجـار
لانك حكمت ع التركيــات و بسبب فعل شخص و بندق
انا اعـرف ناس واجد معاهم تركيات و ماشاء الله رمي و سوق
ولا شتكوا منها و لاشافو منها خلآف
لكن البنادق توافيك + غشــامت راعي السلاح
و الله يحمينـا و اياكم


نفسي اعرف غشامت راع السلاح وش معناه

شوزن حط بها طلق ورما وانفجرت الماصوره

وفشق 32 يعني مافيه طريقه غير كذا

وين الغشامه

ياليت تعلمن كيف اسوي غير الطريقه المذكوره

علشان نستفيد في المستقبل

[RC4]

أنا اعرف اكثر من واحد ...
معهم تركيات .. وما شاء الله مثل اللوز ...
خفه و حرارة رمي .. ولا عمرهم شكواا من شي .

[عبيد بن خلف]

معليش اخوي الماصوره مشبه عليها ما كانها ماصورة البريتا او اكستريما وياليت تذكر لنا نوع البندق المفجوره لان وجهولك اكثر من مره عن نوع البندق ولا جاوبت

[الكعمي]

الحمدلله على السلامه والله ياخواني مع احترامي البعض يغتربالاسلحه التركيه
وعندنا بالكويت للعلم قيمتها قيمة تيس ابوشهرين والله سلاح فاشل نصيحه اخذسلاح

يسوى ولاتعرض نفسك للخطروالله عندنا بالكويت ماتسوى بيزه الحمدلله على سلامتك

[سوبربانلي]

غشامة السلاح البعض منهم مايعرف شي عن شد التشوك ولايدري

وانا اعرف واحد كذا والله ان التشوك يلعب يروح ويجي وانا اللي شاده له


ويوم سالته ليش ماتشده قال مادري انا شريته ولا تعرضته بشي و ماعرف له


اعرف احط اطلاق وارمي بس

[محمد ابن عيد]

نفسي اعرف غشامت راع السلاح وش معناه

شوزن حط بها طلق ورما وانفجرت الماصوره

وفشق 32 يعني مافيه طريقه غير كذا

وين الغشامه

ياليت تعلمن كيف اسوي غير الطريقه المذكوره

علشان نستفيد في المستقبل

..
لا ماطلبت شي افيـدك قبل المستقبل
و قبل لاتنفجر عليكم لا سمح الله
و ان حبيت تعرف وش معنــا
غشامت الاسـلاح !!
اخوي / سوبر بـانلي
مـاقصر بتعريفها
و ليتك عرفتـنا ب الشوزن وش هي
ولا تكتب شي ولا تبين فيه
عشان ماتكثر هرج ولا نكثر معــاك

[bbaass]

يالربع انا اعرف واحد معه ايطاليه وانفجرت لكن الله سلمه

نصيحه لحد يشري شوزن ايطاليه

[قناص الأشهب]

يا صاحب الموضوع وش المشكله اذا كتبت اسم الشوزن
وأعطيتنا تفاصيل اكثر
لأثراء الموضوع يعني افهم الموضوع صار عليك بأكثر من بيع السوق

[ابومعاذ z22]

ماتشوف شر انت وخويك وجميع المسلمين بس غريبة انك ماذكرت ايت نوع من التركيات واذا ماتعرفها ياليت تسأل صاحبها تكرما ..ولا تخلينا معلقين كذا الكل يسأل وما اجبتهم..؟؟

[الخديوى]

السلاح التركي خذ ام روحين غير كذا انحش
اما بالنسبه لام خمس فتراهم فاشلين ما هيب بنادق تنقني سلاح حق رمي فى وقته وبعدين طفره او حطه تحفه وماصورته خلها منفاخ للمشب؟

[قائد الريم]

مع احترامي لأي واحد يذم الصناعه التركي يوضح لنا اسم البندق والعيب الي حصل منه انا مجرب أم بطه والاستوقر٢٠٠٠ والارتمس ضربت فيهم واجد وتدبيل ومركب مخزن إضافي ولا شفت اي عيب إلا ام بطه اذا ما نضفتها يعلق الجهاز
ويا ليت الاخوان الي يشوف عيب في بندق يعطينا اسمه وصور له مو كلام بس
وسلامتكم

[هاوي قناصه]

الله يستر من هالتركيات

[خليل909]

الحمدلله على السلامه والله ياخواني مع احترامي البعض يغتربالاسلحه التركيه
وعندنا بالكويت للعلم قيمتها قيمة تيس ابوشهرين والله سلاح فاشل نصيحه اخذسلاح

يسوى ولاتعرض نفسك للخطروالله عندنا بالكويت ماتسوى بيزه الحمدلله على سلامتك

اختلف معك في هذا لان سبق ومريت محلات الاسلحه بالكويت ولقيت الستوقر 2000 سعرها اغلى من البيكال الروسيه حيث ان سعرها تجاوز 400دينار وفوقها والبيكال ب270دينار تقريباً واذا تبي تتأكد مرعندهم وسعرها وين قيمة تيس الله يجزاك خير. وبالنسبه صاحب الموضوع مافيه شي يدل على ان الماصوره المنفجره تركيه والي اعرفه ان كثيرمن الناس قاعد يرهم مواصيرالتركيات على الايطاليه وغيرها من الشوازن لماتمتاز به من حرارة رمي وسوق

[ابومحمد 2013]

يالربع كل واحد يشري البندق اللي يقدر عليها يعني على قد لحافك مد رجليك والحذر واجب في التعامل مع جميع الاسلحه وسلامتكم جميع

[ابن كديميس]

التركيات انواع و فيه انواع مخيسه مره حتى تحافظ عليه مايعيش معك وازين التركيات الارثيمس والستوقر اذأ ابتعدت عن رمي الظغوط تعيش معك وبتصيد وتستانس .
ومع اني محصل( في منتدى اجنبي) استوقر منفجره مكينته نصين!! بفشق ثلاث انش مقنم والسبب الابره ضربت الفشقه قبل دخولها بيت النار كاملا !!!
ولا هو شرط على السعر تقيم السلعه السلعه تحكمها الجوده فقط ..وترهيم مواصير سوا تركيه ولا بلجيكيه ولا فرنسيه ولا باكستانيه مع الرمي لازم انك تحافظ عليه اكثر من غيره والانفجأر معرض لاي بندق في بعض الحالات ومثل مقال( الاخ هولوكس 2005.)وبعد سؤ الاستخدام بس مواصير الشد بلد اقل عرضه للانفجار .

[سيل بدنة]

طيب ما عرفنا وش اسم الشوزن ولا فقط ذم التركي

[دولاار]

الحمدلله على السلاامه
ولااكن وانا اخوك هاذي ماصارت نصيحه هاذي سلمك الله تحيز وذم لسلعه معينه من غير اي دليل
ماصوره منفجره فقط وش الماصوره ماندري وش السلااح ماندري
بس قلت ابعدو عن الصناعه التركيه
واغلب الردود يملكون شوازن تركيه بجميع انواعها ولااشتكو منها بالعكس يمدحونها
فالمثل يقول (( حدث العاقل بمالايعقل فان صدق فلاعقل له ))
والله يكفينا شر السلااح سواء تركي والا غيره

[areb]

مع احترامي لكاتب الموضوع
طريقتك في كتابة العنوان دليل واضح انك متعصب
ثم ياعزيزي لايوجد دليل على انها تركية !
ثم إنه لايوجد أي أثر للبارود يدل على الانفجار

كلامك سليم وازيد عليه انها ليس تركيه لاني بكل صرحه مابعد شفت تركيه اسفل السبطانه نفس الي في الصوره غير كذا انا ارمي فام 36 جميع الارقام من 1 الي 6 علي استوقر وتشك رقم 1 من فظل الله مالحضت عليها اي شي اتحدا صاحب الموضوع يثبت انها تركيه اذا اثبت احذف عضويتي

[ابو صقر 111]

انا اذكر واحد ادخل الماسوره في جحر ضب وتفجرت الماسوره بعدما رمى والبندقيه ستيفنز من اشهر البنادق 000 لايوجد بالموضوع توثبق

[حطاب الشمال]

كلامك سليم وازيد عليه انها ليس تركيه لاني بكل صرحه مابعد شفت تركيه اسفل السبطانه نفس الي في الصوره غير كذا انا ارمي فام 36 جميع الارقام من 1 الي 6 علي استوقر وتشك رقم 1 من فظل الله مالحضت عليها اي شي اتحدا صاحب الموضوع يثبت انها تركيه اذا اثبت احذف عضويتي

ماابغا ابين نوع الشوزن لاني عممت في الموضوع جميع

التركيات صناعه فاشله 100٪ زعل اللي زعل ورضا اللي

رضا زبدة الموضوع (( هي نصيحه والله ماابغا شي بس

اخاف على الشباب صغار السن والمضحوك عليهم من تجار

التركيات اللي يبيعونها ولايستخدمونهاوهم عارفين انها فاشله))

ياليت ترسلي رقمك خاص بس لاتحذف عضويتك حنا ربع واخوان

[تميم2222]

والله.التركي فيه شي مضروب صدقت. وفيه شي. احسن من بعض الصناعات المعروفه

[المتلولس]

الحمدلله على السلامة

[areb]

ماابغا ابين نوع الشوزن لاني عممت في الموضوع جميع

التركيات صناعه فاشله 100٪ زعل اللي زعل ورضا اللي

رضا زبدة الموضوع (( هي نصيحه والله ماابغا شي بس

اخاف على الشباب صغار السن والمضحوك عليهم من تجار

التركيات اللي يبيعونها ولايستخدمونهاوهم عارفين انها فاشله))

ياليت ترسلي رقمك خاص بس لاتحذف عضويتك حنا ربع واخوان
لا تخاف علي احد الموضوع للمشاركه اطرح الاثبات او للاسف ماعندك مصداقيه

[areb]

ماابغا ابين نوع الشوزن لاني عممت في الموضوع جميع

التركيات صناعه فاشله 100٪ زعل اللي زعل ورضا اللي

رضا زبدة الموضوع (( هي نصيحه والله ماابغا شي بس

اخاف على الشباب صغار السن والمضحوك عليهم من تجار

التركيات اللي يبيعونها ولايستخدمونهاوهم عارفين انها فاشله))

ياليت ترسلي رقمك خاص بس لاتحذف عضويتك حنا ربع واخوان

تقول انك ماتبي تبين نوع الشوزان وان التركيات فاشلات

جربنا تركيات ماصار معنا الي صار علي خويك رمينا ظغوط مانفجرت

لكن حط خطين تحت تجار لاني اتوقع انك وصلك شي جديد تبي تسوقله

لكن حسيت من موضوعك انك خايف من الشركه ترفع عليك قضيه ههههههه
تبي الصرحه انت اما كذاب او مكذوب عليك

[تربة الشمال]

كلامك صحيح لاكن يجب الرمي بضغط لا يتعدي 36/6 او 36/7.50 بالنسبه لجميع التركيات

[حطاب الشمال]

تقول انك ماتبي تبين نوع الشوزان وان التركيات فاشلات

جربنا تركيات ماصار معنا الي صار علي خويك رمينا ظغوط مانفجرت

لكن حط خطين تحت تجار لاني اتوقع انك وصلك شي جديد تبي تسوقله

لكن حسيت من موضوعك انك خايف من الشركه ترفع عليك قضيه ههههههه
تبي الصرحه انت اما كذاب او مكذوب عليك

هداعصابك وتعوذ من ابليس

وخذاللي يصلح والامايصلح خله

وحاول انك ترقا بااسلوبك

وتعلم اداب واسلوب النقاش الله يصلحك

[شعلونكا]

الحمد لله على سلامة خويك

[هارون97]

كثير من الشباب مايعرف كيف يستخدم السلاح كما ذكر بعض الشباب ان فية ناس ماتعرف تشد التشويكات وصاحب ورشة اصلاح بنادق يقول يجي برتا وبنلي منفجرة الماصور وروسيات بس تحل شي بسيط التشويك وصاحب الموضوع وضح اسم البندق وش فيها والعيب المصنعي وارد حتي في البنادق العالمية

[ع العمرو]

ياشباب التركيات هبال الهبال وروعة والدليل تسمر الكثيرين عند الشاشات !! معليش حبيت انكم تهدون الوضع شوي والرجال ناصح للجميع وعقلك برأسك تعرف خلاصك والله يبعد عنا وعنكم كل مكروه.

[areb]

ياشباب التركيات هبال الهبال وروعة والدليل تسمر الكثيرين عند الشاشات !! معليش حبيت انكم تهدون الوضع شوي والرجال ناصح للجميع وعقلك برأسك تعرف خلاصك والله يبعد عنا وعنكم كل مكروه.

طفشنا من المعززين الي من بعيد تقول راعي حلال

طيب الرجال ناصح جزه الله خير وبيض الله وجهه لكن وين دليله اكثر الردود تطالبه بالدليل وماعنده سالفه

[talal s]

اتمنى من صاحب الموضوع يفيدنا وش نوع البندق التركيات انواع وفيهن انواع طيبه بالحيل
وش سبب الانفجار يمكن فيه خطأ من راعيها
وانا كانت عندي ستوقر 2000 رميت فيها الى ضغط اربعين طيبه بالحييييل وتحسفت على بيعتها

[areb]

اتمنى من صاحب الموضوع يفيدنا وش نوع البندق التركيات انواع وفيهن انواع طيبه بالحيل
وش سبب الانفجار يمكن فيه خطأ من راعيها
وانا كانت عندي ستوقر 2000 رميت فيها الى ضغط اربعين طيبه بالحييييل وتحسفت على بيعتها

كل الي قبلك يطلبون منه نوع الشوزان وهو متكتم مدري وش فيه اهم شي عنده انها تركيه
اما الاستوقر موديل 2000 جميع الي جربوها واقصد اهل الخبره الي جربو الانواع الدرجه الاول صنفوها من ظمن الدرجه الاولا وهذا موجود في المنتدى

[ابو فله]

الرجال يبي شوزن تركيه ولا امداه
ارتفع سعرها !
الله يعطيك على قد نيتك

[ابومعاذ z22]

ا
الرجاء من المشرفين حذف الموضوع لعدم الاثبات والخروج عن نقطة البحث :no2:..

[اي-مكشات]

الله يهديك ياراعي الموضوع احرجت نفسك بنفسك
ياخوي وضح نوع البندق والقصه اللي سببت الإنفجار... إن كنت سامع القصه من أحد يمديك تعتذر للإخوان والتراجع للحق خير من التمادي في الباطل.

[شري97]

الحمدلله ع السلامة
يارجال اذكر اسم الشوزن وريح نفسك

[آبوعزآم]

هههههههههه صار اسم الشوزن سر محد يطلع عليه

[ابوراكان90]

ياشباب التركيات هبال الهبال وروعة والدليل تسمر الكثيرين عند الشاشات !! معليش حبيت انكم تهدون الوضع شوي والرجال ناصح للجميع وعقلك برأسك تعرف خلاصك والله يبعد عنا وعنكم كل مكروه.

ياخي بصراحه الاعضاء معهم حق واغلبهم يملكون تركيات وقبل فتره اذكرحصلت موضوع في نفس منتدى مكشات واحد يحذر من شوزن منفجره وكاتب انها تركيه وعارض صورتها والصوره واضحه وضوح الشمس انها بيكال روسيه وليست تركيه وحاط صورة المصاب الحلبي ضاربه بظهره مدري كيف تجي شوزن انفجرت ولاصابه بالظهر والصوره الي حاطها منتشره بوسائل الاعلام انها لمصاب بمظاهرات البحرين وهذي المواظيع بعضها عاري من الصحه تزعج ملاك البنادق التركيه

[ابن كديميس]

وهل بعد السلاح التركي شي ولو اي مكشأتي يسال تركي يشتغل بورشه ولا مطعم عطاه العلم عن صناعتهم .
استوقر 2000
انفجرت بسبب تثوير الفشقه قبل تلقيمها بيت النار ... http://www.mekshat.com/pix/upload06/images/2014/02/mk281078_4063931.jpeg

[نفل الفهود]

حطاب الشمال جزاك الله خير على التنبيه ..

ولكن ودي والله انك تذكر نوعها علشان نكون على بينه .

وبالتوفيق ان شاء الله .

[SZSZ]

والله الصناعه التركيه تخوف خصوصا بالسلاح وللعلم ترى الشوازن التركيه مالهن شركات واضحه يعني تجاره بدون اي مصداقيه ونشكر صاحب الموضوع وحبذ لو تذكر البندق.

[عطيه الدوسي]

ليس كل التركي سيئ
فيه الجيد وفيه غير الجيد

[حطاب الشمال]

الله يهديك ياراعي الموضوع احرجت نفسك بنفسك
ياخوي وضح نوع البندق والقصه اللي سببت الإنفجار... إن كنت سامع القصه من أحد يمديك تعتذر للإخوان والتراجع للحق خير من التمادي في الباطل.

نوع البندق/ تركيه
القصه اللي سببت الانفجار/ حط اربع طلقات والثالثه انفجرت
ان كنت سامع من احد / لا والبندق موجوده عندي مطشوشه صاحبه ماعاد يطيقها
اما تراجع للحق / هذي اللي مالها دخل في الموضوع لاني الله يجزاك باالخير ناصح
ارجو اني وضحت والدعوه نصح

[حطاب الشمال]

ليس كل التركي سيئ
فيه الجيد وفيه غير الجيد


وجهة نظر احترمها بس غير الجيد90٪

[قناص الأشهب]

حطاب عسى الله يوفقك خابرين انها تركيه ومن اول الموضوع وحنا نقراها ت ر ك ي ه
لكن انت لا تلف وتدور التركيات انواع وش نوعها
ام ذيب
ام بطه
ام وعل
استوقر
براديوس
تراي استار
يعني اي شركه منهم
ولا ترجع تقول كلها مخيسه خلاص عرفناها ان كل التركيات مخيسه
نبي بختصار نوعها اسم شركتها
يعني اختصر الموضوع لان الي بالصورة مو بتركيه فهمت ولا لا
نبغاك تقول لنا وش نوعهاااا بليز لا تلف وتدور
ولا ترجع تقول ما يهم انا جيت ناصح ومن هالحركات اهم شئ انك فهمت المغزى

[اي-مكشات]

حطاب عسى الله يوفقك خابرين انها تركيه ومن اول الموضوع وحنا نقراها ت ر ك ي ه
لكن انت لا تلف وتدور التركيات انواع وش نوعها
ام ذيب
ام بطه
ام وعل
استوقر
براديوس
تراي استار
يعني اي شركه منهم
ولا ترجع تقول كلها مخيسه خلاص عرفناها ان كل التركيات مخيسه
نبي بختصار نوعها اسم شركتها
يعني اختصر الموضوع لان الي بالصورة مو بتركيه فهمت ولا لا
نبغاك تقول لنا وش نوعهاااا بليز لا تلف وتدور
ولا ترجع تقول ما يهم انا جيت ناصح ومن هالحركات اهم شئ انك فهمت المغزى

قلت اللي في خاطري وكفيت ووفيت

[ع العمرو]

حطاب عسى الله يوفقك خابرين انها تركيه ومن اول الموضوع وحنا نقراها ت ر ك ي ه
لكن انت لا تلف وتدور التركيات انواع وش نوعها
ام ذيب
ام بطه
ام وعل
استوقر
براديوس
تراي استار
يعني اي شركه منهم
ولا ترجع تقول كلها مخيسه خلاص عرفناها ان كل التركيات مخيسه
نبي بختصار نوعها اسم شركتها
يعني اختصر الموضوع لان الي بالصورة مو بتركيه فهمت ولا لا
نبغاك تقول لنا وش نوعهاااا بليز لا تلف وتدور
ولا ترجع تقول ما يهم انا جيت ناصح ومن هالحركات اهم شئ انك فهمت المغزى
سجل معك واحد نفر.!!

[مكشاتي بريدة]

انت تقول عن التركيات صناعه تركيه فاشله بكل المقاييس
لكن مع احترامي لك اقول موضوعك فاشل بكل المقاييس

[ابوخالد2004]

كل السلاح معرض للانفجار تركي او ايطالي اووولخ
جزاك الله خير على النصيحة

[حطاب الشمال]

انت تقول عن التركيات صناعه تركيه فاشله بكل المقاييس
لكن مع احترامي لك اقول موضوعك فاشل بكل المقاييس

يكفيني احترامك بس؟!

[areb]

ياليت من الاخوان المشرفين حذف الموضوع موضوع غير مفيد

ولا فيه مصدقيه

[حطاب الشمال]

ياليت من الاخوان المشرفين حذف الموضوع موضوع غير مفيد

ولا فيه مصدقيه




من كثر ردودك على هاالموضوع
عرفت انك من ملاك التركيات
وانك متعصب بقوه بس ماالومك
(( قلت العرف مصيبه))

[areb]

من كثر ردودك على هاالموضوع
عرفت انك من ملاك التركيات
وانك متعصب بقوه بس ماالومك
(( قلت العرف مصيبه))

طيب شكر لك الزبده
اسم البندق او انت شخص كذاب

[aglanco]

طيب شكر لك الزبده
اسم البندق او انت شخص كذاب


ياحطاب الشمال


أثبت كلامك واحم كلمتك ولاتترك للناس فرصة


لاتهامك بالكذب


لا اعرفك ولاتعرفني اصعب شيء على الرجال


فقدان ثقة الناس فيه

[بدر الظفيري]

اثبت لهم يارجال شبلاك داس راسك

[v506]

اخوي حطاب الشمال ما نوع الشوزن اللي انفجرت مع خويّك اذا سمحت

ستوقر او ارتمس او ام بطه إلخ

اتمنا بس تعطينا الإسم مع علمنا بان التركيات كلها تمشية حال

لاكن عطنا اسمها لآهنت,

[ا ل ح]

معليش ليش اتهمت الصناعة التركية بـ الفشل ممكن الفشق سيئ و الشوزن التركية لم تصمم لتتحمل فشق ضغوط
طبعا انا معي ام بطه ام 8 لها تقريبا اربع سنوات معي والحمد لله لم تعاني من مشكلة مع العلم اني لم ارمي بضغوط اكثر من 1/ 36 لا عمرها لكت معي غير في فشك فام فقط

وفي الاخير انا اتمنا ابيع الشوزن التركية واشتري ايطالية لكن مهنا فلوس ولا هنا صيد يستاهل فأرجو منك مراعات شعوري ولا تشينها في نظري :good2::good2:

[حطاب الشمال]

طيب شكر لك الزبده
اسم البندق او انت شخص كذاب

ما انت مجبور تصدق
ولا الكذب وسيله لااقناع
صغار العقول

[روحي شماليه]

أشك في مصداقيتك أخ حطاب مع أني قد أكون مخطئ أو مصيب في هذا الأمر، إلا أن موضوعك لا يحمل من المنطقية مثقال ذره!

[الرامي الماهر]

حطاب الشمال اذا ان الشوزن مطشوشه عندك على قولتك صورها تصوير واضح يبين صناعتها كذا تكون نصيحتك واضحه وقطعت الشك باليقين مع اني اشك انها عندك لان اللي قبلي سالوك عن نوعها بس وماجاوبت ومالومهم في كل ماقالوه المفروض يكون ( موضوع نصيحتك يا اخوان انتبهو من الضغوط العاليه) كان سويت خير اما انك تعمم على كل التركيات فاسمحلي اقول انك انت المتعصب عندي استوقر وعندي اكستريما عشان لاتقول اني متعصب للتركيات ماعمر الاستوقر شكت من شي وارمي فيها تدبيل ونصيحتك دامها كذا ابرك لك لاعاد تنصح