مين قال لك هالمعلوومه؟؟؟؟

[درايفر ربع]

بسم الله الرحمن الرحيم
السلام عليكم ورحمه الله وبركاته
تحيه طيبه للجميع..واسأل الله ان يمن عليكم بالصحه والعافيه
في البدايه احب ان اشكر كل القائمين على المنتدى من اداره ومشرفين.واعضاء على ماقدموه ويقدمونه من دروس وخدمات للجميع يتابعها ويستفيد منها القريب والبعيد من الخليج الى المحيط .وبدون مقابل مادي .مايطلبونه دائما هو الدعاء لهم
فنسأل الله ان يوفقهم ويرزقهم بغير حساب وان ييسر امرهم ويفرج كربتهم ويرزقنا واياهم جنات النعيم
صراحه متندم اني ماكنت اعرف ان في هالمنتدى خيمه لاعطال ومشاكل السيارات بهذا الفن والخبره واالا كان انحلت اغلب مشاكلي القديمه بدون عناء وباقل الخسائر
بصراحه......... نكبتو ناس كثير ياخبراء ومهندسين المنتدى ومتذمرين منكم ناس كثير
وسوف اشرح لكم كلامي هذا بالتفصيل وبكل امانه هذا المساء

[ريثان القصيم]

بسم الله الرحمن الرحيم
السلام عليكم ورحمه الله وبركاته
تحيه طيبه للجميع..واسأل الله ان يمن عليكم بالصحه والعافيه
في البدايه احب ان اشكر كل القائمين على المنتدى من اداره ومشرفين.واعضاء على ماقدموه ويقدمونه من دروس وخدمات للجميع يتابعها ويستفيد منها القريب والبعيد من الخليج الى المحيط .وبدون مقابل مادي .مايطلبونه دائما هو الدعاء لهم
فنسأل الله ان يوفقهم ويرزقهم بغير حساب وان ييسر امرهم ويفرج كربتهم ويرزقنا واياهم جنات النعيم
صراحه متندم اني ماكنت اعرف ان في هالمنتدى خيمه لاعطال ومشاكل السيارات بهذا الفن والخبره واالا كان انحلت اغلب مشاكلي القديمه بدون عناء وباقل الخسائر


شكر الله لك على كلامك وجعله في ميزان حسناتك



بصراحه......... نكبتو ناس كثير ياخبراء ومهندسين المنتدى ومتذمرين منكم ناس كثير
وسوف اشرح لكم كلامي هذا بالتفصيل وبكل امانه هذا المساء
وعن ام المؤمنين عائشة رضي الله عنها قالت قال رسول الله صلى الله عليه وسلم (الذي يقرأ القرآن وهو ماهر به مع السفرة الكرام البررة والذي يقرأ القرآن ويتتعتع فيه وهو عليه شاق له أجران)
متفق عليه

الاعضاء اجتهدو والمجتهد له اجران
اجر الكتابه
اجر الاجتهاد

وصاحب الموضوع ما عليه الا ينتظر ويحدث موضوعه ليتاكد


اخوك
ريثان القصيم

[درايفر ربع]

السلام عليكم
عذرا على التاخير....الله يجزاك خير ياخوي .لاتستعجل يجيك الخير
مقصدي طال عمرك ان اخواننا الاعضاء والمهندسين وايضا الي لهم تجارب وخبره طويله مع السيارات ومشاكلها وحلولها (وهقوا اللي جايين يتعلمون الحلاقه في روسنا) وانا من الناس اللي كنت جاهل بامور كثيره وبالعربي ماكانت اعرف الا كلمه وش اجيب لك قطعه يامدير!؟
اول مره ادخل فيها لقوقل وابحث عن حل لمشكله رجه قويه في السياره؟؟
لان معي جيب ربع وفجاه صار يرج من بدايه قومته على سرعه40وبعدها تجي نفضه للجيب ماهي طبيعيه بمعنى الكلمه حتى راسي يرج مع الجيب ويادوب مثبت الطاره .
المهم كان كل شي سليم عندي مالقيت عله .رحت رصصت الكفر ووزنت اذرعه ونفس الكلام ماتغير شي. بعد البحث في العم قوقل لفت انتباهي احد العنوانين فتحت الرابط وجابني هنا لهالخيمه وكان اغلب الراي ان السبب مساعد الدركسون
هو اللي باقي ماغيرته من سنين طويله .وعلى طول رحت لمحل القطع اخذت المساعد وعلى الميكانيكي .قلت ركب المساعد.وناظر لي نظره فيها تعالي شووي (ايش عندك مشكله)قلت له رجه في السياره! ابتسم بكل ازدراء وقال لي ((من قال لك هالمعلومه)) قلت ماهو شغلك 😠 ركب المساعد وبس?
قال حاضر تبي اركبه اركبه.ومع اني فاتح ورشه وابغى فلوس ومع هذا اقولك ياابني المساعد مايسوي الرجه الي تقولها😳 بس مادام مصرً براحتك
ركبت المساعد وانا متضايق من كلام الميكانيكي .معقوله اضيع تعب وجهد وفلوس على شي صالح ماهو خربان (لان شكل المساعد ماتقول فيه مشكله لاتهريب ولا شي باين حتى الجلد تلمع
مشيت من الورشه وانا خايف لا تجي النفضه الفجائيه ترج مخي رج .والحمد لله تعديت سرعه 40ع خير 60-80-100....140 والحمد لله انحلت المشكله العويصه الي كثير من الميكانيكيه ولا واحد جاب طاري مساعد الدركسون نهائياً
هذي بدايه الخير مع منتدانا الغالي ...وباقي المزيد عندي من الامور اللي صلحتها بعد توفيق الله ثم بمساعده الاخوان بهالمنتدى

[درايفر ربع]

المشاركة الأصلية كتبت بواسطة MSAN
خذ العلم ولا تخسر كثير وتتعب نفسك..

تأكد من تربيط مسامير أذرعة الدركسون.. اذا كلها سليمة غير مساعد الدركسون واذا ماراحت المشكلة أقابلك وأعطيك قيمة المساعد الي خسرتها

...................
هذا الكلام اللي فعلا يجمد على الشارب 👍
في هذا الموضوع تنبهت لمساعد الدركسون.الله يجزاهم خير الاخوان ماقصرو

[بدوي جنوبي]

الله يجزاك خير اخوى درايفر
يعلم الله هذا اللى نطلبه الدعاء فقط

والحمد لله ناس كثير سئلو عن طريقة اصلاح مشاكل في سياراتهم وتم حلها
هنا بمساعدة الاعضاء ،، وبأقل تكاليف

والله في هذا القسم اعضاء ما شاء الله عليهم خبرة في الميكانيكا
واعترف انهم احسن منى .

لى عودة ف المناقشه

بالتوفيق

[بدر ابو علي]

المثل يقول اسئل مجرب ولا تسئل طبيب

[ابوراكان تبوك]

حياك الله اخوي درايفر ربع

المنتدى هذا لايزع متصفحي لذكر ما استفدت منه من غير اعطال السيارات واصلاحها فالجميع هنا اخوان حب المساعده هو من ربط اعضائه ليستفيدوا من خبراتهم
حياك الله بين اخوانك

[درايفر ربع]

بدوي جنوبي--ابو علي---ابو راكان
الله يعطيكم العافيه على ماذكرتم من اضافات على الموضوع واعتبره وسام على صدري
----
كما وعدتكم اليوم.ابشركم اني لاول مره افك عصا القير واغيرها بنفسي 😄✌️
وهذا بفضل الله ثم بمساعده الاخوان في هذه الخيمه ..كنت قبل لااغير العصا غيرت الصوفه الداخليه وايضا الرواغه الي تركب في اسفل العصى ..ولكن ماتغير في فضاوه عصا القير اي تحسن..رجعت للباشا المهندس وقال لي اصلا العصا عندك خربانه (وهي بالفعل لما امسك العصا من الوسط وافرها يمين او يسار تحرك معي بكل اتجاه)
وقال لي روح جيب عصا وتعال اغيرها لك.
المهم شريت العصا وقلت في نفسي الا متى وحنا نتكل على غيرنا في امور بسيطه نقدر نسويها😕
المهم جلست ساعه كامله في تغيير العصا...ويوم ركبت مضبوط طالعت في المرايه وانا جالس ع المرتبه واسوي هالحركه 👍 حسيت اني سويت شي كبير وخدمت نفسي بنفسي وبديت اترك الاتكاليه الا في الاشياء الي مااقدر اني اغامر فيها لصعوبتها وعدم توفر الامكانيات
----------للاسف يااخوان الكثير اعرفهم يتعايب انه يشتغل في سيارته ويفك ويربط لو مسمار..والسبب الاتكال على الغير وايضا خايف يلطخ يديه بالزيوت ويوسخ ثوبه ويستحي لا يقابل احد او يشوفونه بهالحاله ؟؟ليه .... مايدري انه شرف وعز انه يهتم بسيارته اللي شاريها بعشرات الالوف وعلى قوله المثل ماحك جلدك مثل ظفرك
وترى المفروض ان اللي مثلهم يخجلون من انفسهم لانهم حتى تغيير شمعه نور مايعرفون يغيرونها 😣
يعني ان الواحد ينثر فلوسه على امور يقدر هو بنفسه يسويها تعتبر شي عادي عندهم اهم شي انه يترزز بالورشه ويطقطق بالجوال وكاشخ !!!صار الشغل عيب وفشيله ونثر فلوسهم والضحك عليهم صارت فشخره وشيفه نفس -----
اترك التعليق لكم.......
لنا عوده ان شاء الله
تحياتي لكم

[درايفر ربع]

السلام عليكم ورحمه الله وبركاته
اوصيكم ونفسي بالاهتمام في تشحيم السياره وخصوصا رمانات العكوس الاماميه والخلفيه
قبل فتره كنت اسمع صوت طقطقه جهه الكفر الامامي الايسر عند لف الطاره لفه كامله او في الخط اللي كله حفر (ماشاء الله شوارعنا كلها مافيها ولا حفره الانادرا) 😉
شيكت عليها عند كذا ميكانك قالو بسيطه جلد عكوس ماتضر بس ماغير صوت
وصدقت هالكلام لاني ماادري العكوس في الربع لها جلد والا بدون
والحق يقال ولاهو عيب الخطأ (في حياتي مافكيت العكوس لاجل اشحم الرمانات او اشيك عليها). المهم جاء اليوم اللي صلب علي الكفر واحنا في منطقه تعتبر قريبه من البلد والكفر مايل على جنب وفزع لنا احد المارين بالصدفه وقال هذا رمان العكس فرط
وجزاه الله خير راح معه خوينا واشترو رمانين العكس وركبه لنا واحد فقط الثاني سليم وشحمناه
-----
والاخ اصيل حجازي جزاه الله خير ماقصر في احد دروسه وشدد على تشحيم الرمانات والعكوس وشرح انواع الشحم الاصليه --لو اني مريت قبلها على الموضوع كان تلافيت الخطا لكن الحمد لله اننا ماحنا في مقطعه والا كان وضعنا مزري
موضوع العم اصيل فيه الشرح الوافي عن اهميه التشحيم

[MSAN]

المشاركة الأصلية كتبت بواسطة MSAN
خذ العلم ولا تخسر كثير وتتعب نفسك..

تأكد من تربيط مسامير أذرعة الدركسون.. اذا كلها سليمة غير مساعد الدركسون واذا ماراحت المشكلة أقابلك وأعطيك قيمة المساعد الي خسرتها

...................
هذا الكلام اللي فعلا يجمد على الشارب 👍
في هذا الموضوع تنبهت لمساعد الدركسون.الله يجزاهم خير الاخوان ماقصرو

العفو يالغالي.. نحاول نجتهد لنساعد بعض.. وأهم شي ان الي مايعرف يقول ما أعرف

مهوب عيب ان الشخص يعترف انه مايعرف.. العيب انه يعطي معلومة بدون علم ويسبب ضرر بدل النفع..

[درايفر ربع]

العفو يالغالي.. نحاول نجتهد لنساعد بعض.. وأهم شي ان الي مايعرف يقول ما أعرف

مهوب عيب ان الشخص يعترف انه مايعرف.. العيب انه يعطي معلومة بدون علم ويسبب ضرر بدل النفع..

شيء اكيداننا ماتواجدنا هنا الا للمساعده والفزعه ونعين ونعاون والله يكتب لنا ولكم ولمهندسينا وخبرات الخيمه اجرالسعي في قضاء حوائج الناس ...لانحقر من المعروف شي .صحيح انك من خلف الشاشه ومريح بالبيت وجنبك الدله والبراد وكلها ضغطه كم زر امرها هين لاكن نفعتها كبيره جدا ..تريح لك مسلم متغربل من ورشه لورشه وخسر الكثير وموتره مازال بخرابه وكلن يتفلسف عليه لين كره موتره.
وعن نفسي ابي اذكر كل الاعطال والمشاكل اللي جرت لي وحل العطل للفائده وهذا واجب وليس تكرم مني والعين ماتعلى على الحاجب
لنا عوده ان شاء الله

[درايفر ربع]

بسم الله الرحمن الرحيم
اخترت عنوان الموضوع (من قال لك هالمعلومه )من كثر ماسمعتها من السباكين وخبراء الغفله..
ليييه يعني الفكره اللي بروسهم اننا مانفهم ولانعرف شي...انا عن نفسي القيلون يوصل حده بعد هالكلام😡
وارجع اقول غير اللي قلت له عليه والا شفت فني غيرك ولله الحمد استفدنا من دروس اخواننا بالخيمه ومن المواقع الاخرى واحياننا حسب الوقت والفضوه عندي اقول للفني المشكله واخليه يكشف وللامانه فيه منهم اللي يطلع العطل وفيه من يحوس ويطلمس علينا بامور مالها علاقه بالمشكله لدرجه مره تفلسف علي احدهم وكان بيدي مفتاح تماتيك وقلت له (قد مر على جبهتك مفتاح يمشي 200) ههههه هو فطس ضحك وراح يمشي لاخر الورشه عرف اني كفشته انه سباك . ماادعي المعرفه الكامله .لاوالله يمكن تمشي علي امور ماقد اطلعت عليها ..لكن قبل اروح للورشه امر على هالخيمه واخذ فنجال ع الماشي واجمع معلومات عن المشكله واحصرها في نقطه او نقطتين وبكذا يسهل علي اصلاحها
.......
في احدى المرات وقفت الجيب الربع عند المحطه ونزلت للسوبر ماركت ورجعت احاول اشغل الموتر ولكن ولا نفسس حتى لمبات الطبلون ماتشتغل نتعت الجيب بمساعده العمال للكهربائي وكان قريب جدا وكشف على كل شي قال البطاريه كويسه وسلك الدينمو واصل الكهرباء وحاس اكثر من ساعه وانا معه ...اخر شي انتبهت لسلك الماس اللي من الاصبع للبودي .كان مهتري شوي ومجير وجاي بين الاصبع والبطاريه..قال الفني السلك واصل مايضر !!؟
كنت الح عليه وانا ماني متاكد انه يولف سلك من الاصبع للبودي
وبعد عناء جاب سلكين عريضه شوي مقاس بعض وشبكها بالاصبع والبودي واركب السياره وادق سلف الا والموتر يصهلل 😄والا الان السلك باقي بالسياره ووشغاله زي الحلاوه
ولكن كيييف ولييه!؟. عاد هذي نتركها لكم طال عمركم نبي من يشرح المشكله فوائد الماس للسياره وكيف نعرف الاعطال اللي يسببها فصل او اهتراء اسلاك الماص سواء اللي بالمحرك او مشبوكه بالبودي
اسف على الاطاله ..تحياتي لكم

[MSAN]

بسم الله الرحمن الرحيم
اخترت عنوان الموضوع (من قال لك هالمعلومه )من كثر ماسمعتها من السباكين وخبراء الغفله..
ليييه يعني الفكره اللي بروسهم اننا مانفهم ولانعرف شي...انا عن نفسي القيلون يوصل حده بعد هالكلام😡
وارجع اقول غير اللي قلت له عليه والا شفت فني غيرك ولله الحمد استفدنا من دروس اخواننا بالخيمه ومن المواقع الاخرى واحياننا حسب الوقت والفضوه عندي اقول للفني المشكله واخليه يكشف وللامانه فيه منهم اللي يطلع العطل وفيه من يحوس ويطلمس علينا بامور مالها علاقه بالمشكله لدرجه مره تفلسف علي احدهم وكان بيدي مفتاح تماتيك وقلت له (قد مر على جبهتك مفتاح يمشي 200) ههههه هو فطس ضحك وراح يمشي لاخر الورشه عرف اني كفشته انه سباك . ماادعي المعرفه الكامله .لاوالله يمكن تمشي علي امور ماقد اطلعت عليها ..لكن قبل اروح للورشه امر على هالخيمه واخذ فنجال ع الماشي واجمع معلومات عن المشكله واحصرها في نقطه او نقطتين وبكذا يسهل علي اصلاحها
.......
في احدى المرات وقفت الجيب الربع عند المحطه ونزلت للسوبر ماركت ورجعت احاول اشغل الموتر ولكن ولا نفسس حتى لمبات الطبلون ماتشتغل نتعت الجيب بمساعده العمال للكهربائي وكان قريب جدا وكشف على كل شي قال البطاريه كويسه وسلك الدينمو واصل الكهرباء وحاس اكثر من ساعه وانا معه ...اخر شي انتبهت لسلك الماس اللي من الاصبع للبودي .كان مهتري شوي ومجير وجاي بين الاصبع والبطاريه..قال الفني السلك واصل مايضر !!؟
كنت الح عليه وانا ماني متاكد انه يولف سلك من الاصبع للبودي
وبعد عناء جاب سلكين عريضه شوي مقاس بعض وشبكها بالاصبع والبودي واركب السياره وادق سلف الا والموتر يصهلل 😄والا الان السلك باقي بالسياره ووشغاله زي الحلاوه
ولكن كيييف ولييه!؟. عاد هذي نتركها لكم طال عمركم نبي من يشرح المشكله فوائد الماس للسياره وكيف نعرف الاعطال اللي يسببها فصل او اهتراء اسلاك الماص سواء اللي بالمحرك او مشبوكه بالبودي
اسف على الاطاله ..تحياتي لكم



بخصوص توصيل أسلاك الماص (التأريض أو السالب) يا ما ناس غيروا كمبيوترات بسبب هالمشكلة التافهة

[الصياد الزوي]

والله موضوع رائع وكلامك عالجرح

ومهما قيل وانقال في حق الاخوان هنا اللي فادونا بتجاربهم وخبراتهم وعلمهم ما يوفيهم ربع ربع ربع حقهم .. الله يجزيهم الخير ويفتحها بوجوههم وين ما يقبلو يارب ..

وشكري الخاص والمخصوص للسيد أصيل حجازي .. وقف معاي اكثر من مرة وطلعني مش مشكلتي زي الشعرة من العجين :D ولله الحمد ... ولا مشيت للورش ونصبو عليا وعلى دنانيري الله يكفينا شرهم:mad: وهو والاعضاء الكرام والشباب مانوفيهم حقهم وجميلهم اللي علي راصي ليوم الدين.

الله يبارك فيكم ويجمعنا ديما عالخير والود ...