المساعد الشخصي الرقمي

مشاهدة النسخة كاملة : دبة الدافور الازرق تهرب وين اصلحها بالقصيم


برق الحيا900
10/02/2014, 07:34 PM
دبة الدافور الازرق تهرب وين اصلحها بالقصيم بعنيزة
الطنب
10/02/2014, 07:58 PM
فيه واحد وانت نازل للسوق من عند فندق الواحه ثانى ملف يسار تحصله ع يسار
جيب ربع
10/02/2014, 10:44 PM
الميمان نفس وصف ( الطنب) من عند مكتبة خدمة الطالب
اصيل نجد
11/02/2014, 08:47 AM
هلا باخوي برق الحيا900 ماوضحت التهريب من وين من البلف حق التنسيم او من نفس اللي يركبه الراس ونوع الدبه فيه اللي سويدي بلف والايطالي سكر اذا اللي تصميمها سويدي يعني بلف فرغها من الغاز وفك البلف ونظفه بزيت انتبه لاتنظفه بالقاز او ديزل او بانزين لانها مواد حاره تاكل الجلد نظفها بزيت عادي زيت سيارات ونشفها بخرقه واربطها زين وارح تضبط معك بحول الله وشيك على الجلد لاتصير متاكله ربي يحفظك وييسر امرك .
برق الحيا900
11/02/2014, 11:13 AM
ماقصرتوا يالربع
سيف وقلم
11/02/2014, 09:25 PM
هلا باخوي برق الحيا900 ماوضحت التهريب من وين من البلف حق التنسيم او من نفس اللي يركبه الراس ونوع الدبه فيه اللي سويدي بلف والايطالي سكر اذا اللي تصميمها سويدي يعني بلف فرغها من الغاز وفك البلف ونظفه بزيت انتبه لاتنظفه بالقاز او ديزل او بانزين لانها مواد حاره تاكل الجلد نظفها بزيت عادي زيت سيارات ونشفها بخرقه واربطها زين وارح تضبط معك بحول الله وشيك على الجلد لاتصير متاكله ربي يحفظك وييسر امرك .



بعد إذن صاحب الموضوع...


الدبة هندية وتنسم من عند اللي يركب على الرأس

شلون أفكه, أغيره وإلا تنظيف يكفي.
أبوصالح9
11/02/2014, 10:53 PM
مساك الله بالخير

انا اتوقع الخراب من الوجه حق الراس لو تغيره احتمال يظبط الشغل- واذا ماتبي الخسارة فك احد الروس الموجودة عند ربعك وركبه على الدبه اللي عندك وجرب اذا ماطلع تهريب اعرف ان البلا من الراس اللي معك- ولا مثل ماقالوا الاخوان رح لم ابو صالح الميمان ويزبط لك الشغلة
الفرزدقي
11/02/2014, 10:55 PM
بعد إذن صاحب الموضوع...


الدبة هندية وتنسم من عند اللي يركب على الرأس

شلون أفكه, أغيره وإلا تنظيف يكفي.

جرب اظغط السسته شف يمكن كانت مدقره
بدران الدوسري
12/02/2014, 01:07 AM
الدوافير مهيب غاليه

لو تشتري لك وحده جديده أبرك لك

والله يحمينا وياكم من كل مكروه
اصيل نجد
12/02/2014, 08:21 AM
بعد إذن صاحب الموضوع...


الدبة هندية وتنسم من عند اللي يركب على الرأس

شلون أفكه, أغيره وإلا تنظيف يكفي.

هلا باخوي سيف وقلم طريقه فك البلف اللي يركب فيه راس الدافور طال عمرك اول لابد من تفريغ الدبه من الغاز تفريغ كامل ويكون ذلك في مكان مفتوح وبعيد عن مصادر اللهب او الشرار تجيب سكروب عادي كبير وتسويله برد بالمبرد او منشار حديد وتسوي شرمه بنص راس السكروب وبكذا تقدر تفكه بس انتبه بعد ماتفكه فيه سسته صغيره مره لاتضيع وعند التركيب انتبه الصاموله لاتميله وانتبه لاتشده مره ... اتمني لك السلامه ربي يحفظك
تساهيل1
12/02/2014, 12:06 PM
رأيي
انك تدفع 70 ريال احسن لك واضمن لسلامتك
اشتر دبه جديده هندي بريموس او.ايطالي

وبالتوفيق