استشاره يااهل الخبرة بالتاهو !!!؟؟؟

[المتذوق]

اشتريت تاهو 2006 دبل قبل شهر والموتر ماشالله عليه نظيف .. لكن تفاجأت يوم رحت عليه للنفود وعشقت الدبل ان حرارته تتعدى النص بخطين اذا دست عليه بالطلعات ! واذا طلعت الطلعة ومشيت شوي رجعت حرارته تحت النص بخط يعني رجع طبيعي !! مع الطريق حرارته ماتتحرك ابد بس بالنفود لاحظت هالمشكلة! المهم صيخت الاديتر وركبت له بلف حراره جديد قلت يمكن هن السبب ؟ ورحت للنفود وجربته ونفس الشي ترتفع الحرارة مع الطلعات ولا تغير شي !؟ رحت لثلاث ورش امريكي عندنا بحائل واحد قال لي: الراس ممكن يبي خرط! واثنين منهم قالوا: لاتسوي له شي هو كذا الامريكي طبيعي !؟ اهم شي مع الخط ماترتفع حرارته ... وش رايكم يااخوان هل لهالمشكلة حل ؟ لاني اطلع للبر وخايف من فصل الصيف يمكن تسبب للموتر مشاكل ؟؟؟
وجزاكم الله خير ورحم الله والديكم 😊

[المتذوق]

وين اهل الخبرة !؟������

[التمسساح]

عادت الامريكي

[المتذوق]

يعني الوضع طبيعي ؟؟

[الحربي 591]

لا ماهو طبيعي
اي سياره تزيد حرارتها عن النص لو ملي واحد روح دور الخلل

[مخ سعودي]

نوع الاستخدام ( امريكي ) او سعودي
تحتاج مبرد قير فقط وباذن الله سيارتك مافيها شي
والامريكي الى ثلاث ارباع مع الطلعات طبيعي وانا سبق واجهتها في طلوع الهداء قبل مبرد القير

[ابوعبدالله199]

شيك على ليات الاديتر يمكن يكون واحد يبي له تغيير ومتحجر

[المتذوق]

موتري استعمال امريكي ماهو سعودي

[المتذوق]

الله يجزاكم بالخير .. لكن اخوي ( مخ سعودي ) وش مواصفات مبرد القير اللي حطيته بموترك؟

[ريثان القصيم]

اشتريت تاهو 2006 دبل قبل شهر والموتر ماشالله عليه نظيف .. لكن تفاجأت يوم رحت عليه للنفود وعشقت الدبل ان حرارته تتعدى النص بخطين اذا دست عليه بالطلعات ! واذا طلعت الطلعة ومشيت شوي رجعت حرارته تحت النص بخط يعني رجع طبيعي !! مع الطريق حرارته ماتتحرك ابد بس بالنفود لاحظت هالمشكلة! المهم صيخت الاديتر وركبت له بلف حراره جديد قلت يمكن هن السبب ؟ ورحت للنفود وجربته ونفس الشي ترتفع الحرارة مع الطلعات ولا تغير شي !؟ رحت لثلاث ورش امريكي عندنا بحائل واحد قال لي: الراس ممكن يبي خرط! واثنين منهم قالوا: لاتسوي له شي هو كذا الامريكي طبيعي !؟ اهم شي مع الخط ماترتفع حرارته ... وش رايكم يااخوان هل لهالمشكلة حل ؟ لاني اطلع للبر وخايف من فصل الصيف يمكن تسبب للموتر مشاكل ؟؟؟
وجزاكم الله خير ورحم الله والديكم 😊

اخوي خطو خطوه
بعد ما تركب فاصل لمراوح التبريد عندك داخل السياره ثم
1-انفخ الاديترات بهوا البناشر من داخل وخارج
2-غسلها بالضغط العالي من داخل وخارج
3-نشفها بهوا البناشر من داخل وخارج
وامش طبيعي واذا جت زحمه او تطعيس او طلعات شغلهن
وبحول الله ترتاح

اخوك

ريثان القصيم

[راعي المجهم]

عااااااااااادي وطبيعي

في كل الجمسات لا احد يضحك عليك

صيخ الرديتر واذا الرديتر تعبان

يركبون رديتر دينالي يجي كبير وتبريده

ممتاز للمكينة

[مخ سعودي]

الله يجزاكم بالخير .. لكن اخوي ( مخ سعودي ) وش مواصفات مبرد القير اللي حطيته بموترك؟


نوع المبرد هايدن شرائح سعره رخيص وجبار



نصيحتي لك ياصاحب الموضوع لاتتعب نفسك وتخسر عمرك ركب مبرد قير كبير أفضل لعمر أطول للقير وكذلك يساهم في خفض حراره سيارتك

[المتذوق]

جزاكم الله خير وماقصرتوا ��

[بدوي جنوبي]

ارتفاع الحراره فى الرمل طبيعي جدااا
لا تخاف اغلب السيارات ترتفع

المروحه عندك كهرب صح
تاكد ان دورانها جيد

واظن فيه مبرد شد بلد
http://i420.photobucket.com/albums/pp282/ssgjurista/Trans%20Cooler/Cooler006.jpg

http://i420.photobucket.com/albums/pp282/ssgjurista/Trans%20Cooler/Fan2.jpg

http://i420.photobucket.com/albums/pp282/ssgjurista/Trans%20Cooler/PlateTransmissionOilCooler.jpg

http://www.etrailer.com/Merchant2/graphics/00000001/pics/q/u/qu63706_250.jpg

http://www.etrailer.com/Merchant2/graphics/00000001/pics/q/u/qu63706_2_250.jpg

[وطن العزة]

أتوقع مراوح موترك كهرب , بكذا ما راح تشتغل إلا بعد النص بشرطتين أو ثلاث بالكثيييييييير

نفس الشي عندي بموتري جمس 2006 ونفس اللي ذكرت لك

^
^
كلامي هذا مع الوقوف الطويل بدون مكيف أو الجور على الموتر بالبر أما وسط المدينه ومع الخط

تكون ثابته


و إذا تبي تتأكد خل الموتر شغال بدون مكيف , اذا الجو دافي وراقب عداد الحراره وتسمّع للمراوح

وشف متى تشتغل



عشان كذا أقول لك الوضع عندك طبيعي جدا وموترك ما فيه شي لا يلعبون عليك الورش

إلا إذا روحاتك للنفود واجد وتبي تحافظ على موترك

ركب مبرد قير النوع الكبير وبلف ماء يفتح على درجه أقل وبرمج المراوح تشتغل على الربع

[المتذوق]

بيض الله وجهك وماقصرت

[راعى لبوه]

تأكد من غطاء الرديتر . ادعس وانت تشاهد خراطيش الاديتر إذا انصفط الخرطوش غير غطاء الاديتر.
(التنسيم بغطاء الرديتر يسبب الحرار لجميع السيارات)

[tevo]

اخوي انا معاي نفس موترك ولي تجربه طويله .
المشكله عندك هي ان المراوح ما تشتغل بدري لان برمجتها غير السعودي انا كنت لا طلعت النفود شغلت المكيف عشان تشتغل المراوح .
وابشرك الحين حرارتي علي الربع وان ضغطه وصلت تحت النص بتكه .
بكتب لك الحلول الاهم فالأهم .
1- برمج المراوح تشتغل بدري شوي مثلا هي تشتغل الان علي درجة حرارة 120 خلها تشتغل علي 95 وتفصل مثلا علي 92 واهم شي لا برمجتها جربها بحيث تكون التشغيله والفصله متوافقه مع بلف الحراره يعني ممكن تبرمجها تشتغل علي 95 وتطفي المروحه علي 85 والبلف الي عندك يقفل علي درجة حرارة 90 بالحاله هذي المروحه لا اشتغلت ما راح تطفي لان الحرارة كل ما بغت تنزل البلف بيقفل عشان ما تنزل الحرارة زيادة . قيمة البرمجه من 150 الي 200 ريال تلقاه بالنت اشخاص يبرمجون .
2- ركب بلف رياضي وبتلقي الحاراه للربع . سعره تقريبا 180 ريال بس لا ركبت البلف لاتنسي تبرمج المراوح وتوزن البرمجه .
ركب مبرد قير عملاق سعره حول 700 ريال من المريكا نصيحه للمحافظه علي القير .
واترك الباقي عنك موترك سليييييييييييييييييييييييييييييييييييييييييييييييي يييييييييييييييييييييييييييييييييييييييييم

[المتذوق]

الله يوفق كل من رد على سؤالي وارشدني