عندي جيب لاندكروزر موديل2005 فيه مشكله اذ تعديت 120 يتمايل يمين ويسار كانك في سفينه

[مستشارالرياض]

السلام عليكم احبتي عندي مشكله

في جيب لاندكروزر موديل2005 فيه مشكله اذ تعديت 120 يتمايل يمين ويسار كانك راكب في سفينه ما ادري وش الحل
رحت للعضيب وعطوني لسته




شوفوها وعطوني رايكم علماً باني مره رحت لمهم وكشفوا على الموتر كان عندي رجه قدام وفحصو وغيروا لي جلد مقصات وحاجات كثيره علشان تروح الرجه
وما راحت طبعا تكلفت فوق ( 5000 ) الاف ريال ولا فيه فايده
وبالاخير رحت للبنشر وقالي عن ك الكفر محبل يعني فيه ورمه وغيرته وراحت الرجه طبعا ما جاء ببالي انها من الكفر والحمد لله على كل حال
http://i.imgur.com/Ry1aJE1.jpg

[ياربي الجنة]

السلام عليكم
شيك على المساعدات ..لأنها تكون منتهية ومهرب الزيت اللي بها
ويصير الموتر مايمسك نفسه

[سيد النشاما..]

المساعدات يراعي السفينة

[هايلكس مدبله]

الموتر ما يسوي كذا الا ع الاقل منفقع فيه 3 مساعدات غيرهاا و اوزن الاذرعه والمقصات والدركسون وامورك تماام

[سهم صايب]

وش نظامه

نظام هيدروليك او مساعدات

[ابوعووض]

عندك جلد مقصات خلفي ومساعدات تاكد منهم واهم شي جلد المقصات الخلفيه

[احلى مزاج]

اخوي لو تلاحظ وانت تسوق اذاا دعست يروح يمين واذا فكيت الدعسه يروح يسار والعكس صحيح
غير اربع شدادت الدفرنس الخلفي تجي حبتين صغير وحبتين كبيره شيك عليه بتلاحظ الربلات متقطعة

[albraki]

الاغلب والاقرب انها مساعدات

والميزان يبغاك تغير كل شي عشان تطلع من عنده والسياره سليمه وبيغير اشياء ما تحتاج تغيير

[شاص غمارتين]

والله حدثت معي وغيرت المساعدات وراحت كان يسوي نفس الحركة لتعديت المية غير المساعدات واذا ماطلعت منه انا اتحمل الكاليف ابو شاص

[دوواس]

والله حدثت معي وغيرت المساعدات وراحت كان يسوي نفس الحركة لتعديت المية غير المساعدات واذا ماطلعت منه انا اتحمل الكاليف ابو شاص

عز الله انك راعي علم

[راعي الرود]

اسمع العلم يابن الاجواد , موتر الوالد و موتري كلها لاندكروزر و سبق ان مرت علي هالمشكله بالموترين
اترك العضيب نصابين من تجربه ولا يهمك كلامهم موترك مافيه الا العافيه
التمايل اذا كان بالخلف مثلاً اذا مشيت 100 هز الطارة يمين يسار على خفيف جداً بتحس ان الموتر يموج من الخلف مشكلتك احتمال كبير تكون بالمقصات الخلفيه او عمدان السحب
و انت براحتك تبي تغير لها جلد يمكن تضبط معك و يمكن لا على حسب نظافه المقصات
او تغيرها كامله تجي 4 عمدان واحد تحت و واحد فوق لكل جهه المجموع 4 عمدان اثنين قصار و اثنين طوال سعرهن و الله اعلم ان ماخاب ظني حروه 1200 ريال تأكد منها , و من اعراضها اذا قيرك تماتيك بعد ماتعطيه R يرفس رفسه قويه
لكن غير المساعدات اذا منفقعه يمكن منها ولاهو شرط يصير حل مشكلتك نفس حل مشكلتي , أنت بالبدايه افحص المقصات و بتبين اذا فيها خلل

[أبوتركي V8]

حل موضوعك هنا

http://www.mekshat.com/vb/showthread.php?p=10019363#post10019363



تم الحل والحمدالله مشكلة التمايل يمين ويسار

السبب الكفرات عايرت الكفرات لقيت الكفر الأول 10 وثاني 20 والثالث 15 ورابع 10

تم تعبة الهواء 30 والحمد الله اختفة المشكله تمام

شاكرلكم ع جهودكم

[أبوتركي V8]

مشكلة التمايل يمين ويسار

السبب الكفرات عايرت الكفرات لقيت الكفر الأول 10 وثاني 20 والثالث 15 ورابع 10

تم تعبة الهواء 30 والحمد الله اختفة المشكله تمام

شاكرلكم ع جهودكم

[قايد ألريم]

مساعدات مايبي لها كلام

[لسان الحقيقة]

الحمد لله انها صارت كفرات