سالفة:بـــي جـــنـــي..قوافي

[قوافي ( أم نهار )]

بسم الله الرحمن الرحيم

أخواني أخواتي

https://encrypted-tbn0.gstatic.com/images?q=tbn:ANd9GcTe7wf5uc8PKjYDN_i56bpzQeX83VqZN a8ZQ-LjWHj_qsBgutrR

حياكم الله ومرحباً بكم

تدرون اول مافيه أسرع منا ،، قولو ليه ؟؟ عشان المطامر ورى سيارة الفليت:D ماعلينا ..

فيه واحد سمعه خفيف وعصبي وعليه شوي قل صح والحمد لله انه كان ساكن الديره ويجي كل فتره للزياره..

بمره جا ومدري وش جاي لعيونه وماعاد يشوف وكملت الرصه ..

لا يسمع ولا يرى وصار يهوش ذباب وجهه ويقول الجني ماخذ نظر عيوني ،،انا بي جني ،،مابي أمراض مير الدكتور مايعرف وش بي:D:D..

و هاك اليوم حر مووووت وحنا العصر ،،قال بقعد عند عتبة الباب لعلي اتبرد شوي..

الرجال نام وهوقاعد وسد الباب مانقدر نمر منُه..

شوي وتجي سيارة الفليت ومستحيل تمر قبل نتنفه ونسفهل ونطارد وراه ،،والبيت ماله إلا باب واحد ونبي نطلع مثل كل يوم ونركض ورى السياره ..

وبسرعه ونطمر الرجال من غير صوت لا يعرفنا و يشكينا والرجلين تصبخ بدميجته ومن غير فكره يسمي حسبي الله عليكم حتى بالرياض لاحقينن بسم الله بسم الله وحنا نكمل ركض وذايسمي على نفسه،، ويوم رجعنا والين الضعيف قاعد بالحوش يسولف عن الجني اللي عماه ولحقه للرياض ومادرى ان جنه حوله وحواليه ..

يوم كبرنا عاد نبي نستسمحه فمره قلت له :

بقولك شي ولازم تسامحن انا واللي معي تذكر سنه من السنين صار وصار قال :

لا أبد ماصار هالحتسي !! يابن الحلال ؟؟ يقول لا مب انتي ولا اللي معتس !!

طيب مسامحنا ؟؟قال :

مسامح ومحلل وما أذكر انه صار شي اصلن..

فقلت والجن ؟؟

قال:الله لا يسامحهم عمو عيوني ،،عاد مابغيت اسال واللي طمروك منهم مسامح أو لا مافي داعي ادامهم جن..

تحياتي وتقديري واحترامي

..قوافي..

[محمد الظاهري]

حياك الله قوافي
سالفه ولا اجمل وسوالفك كلها مميزه بالخيمه
تحياتي

[حمد69]

وعليكم السلام ورحمة الله وبركاته
هلا وغلا بمشرفتنا الغالية قوافي
ههههههه جن، الله يكون فعونه..
ما شاء الله كل سالفة أحلى من أختها
لك كل التقدير والإحترام
أخوك حمــد

[ذيب الفقارة]

وعليكم السلام ورحمة الله وبركاته

سالفة جميلة وسرد ممتع

جمعت فيها بين شقاوة الأطفال وحالة من الحالات التي كانت

تسيطر على المجتمع في ذلك الزمن

تحياتي مشرفتنا وقاصتنا قوافي

[قوافي ( أم نهار )]

حياك الله قوافي
سالفه ولا اجمل وسوالفك كلها مميزه بالخيمه
تحياتي


الله يحييك ويبقيك مشرفنا الفاضل

الجميل مرورك الكريم

اشكرك رفع الله قدرك

تحياتي وتقديري واحترامي

..قوافي..

[احمدالصالح]

يعطيك العافيه اخت قوافي .. سلمت يمناكي

[قوافي ( أم نهار )]

وعليكم السلام ورحمة الله وبركاته
هلا وغلا بمشرفتنا الغالية قوافي
ههههههه جن، الله يكون فعونه..
ما شاء الله كل سالفة أحلى من أختها
لك كل التقدير والإحترام
أخوك حمــد




حياك الله وابقاك

الضعيف جنه غير هالمره:D..

اشكرك على الثناء الله يرفع قدرك على التقدير..

اسعدني حضورك ومرورك الكريم

تحياتي وتقديري واحترامي

..قوافي..

[أبوسليمان السهر]

وعليكم السلام ورحمة الله وبركاته

لا حول ولا قوة إلا بالله
قل سمع وضعف بصر وقصرٍ بالصحة
الله يعين كيف عدت الأيام عليكم بهالحالة
أما صمخ دميجه هذي سالفة لحالها
زينٍ منه ما انفضخ من طول السيقان الي برجولنا
تسلمين أختنا على الذكريات
تسلينا معك
وننتظر جديدك

[لورن]

وعليكم السلام ورحمة الله وبركاته

سالفة جميلة وسرد ممتع

جمعت فيها بين شقاوة الأطفال وحالة من الحالات التي كانت

تسيطر على المجتمع في ذلك الزمن

تحياتي مشرفتنا وقاصتنا قوافي

[قوافي ( أم نهار )]

وعليكم السلام ورحمة الله وبركاته

سالفة جميلة وسرد ممتع

جمعت فيها بين شقاوة الأطفال وحالة من الحالات التي كانت

تسيطر على المجتمع في ذلك الزمن

تحياتي مشرفتنا وقاصتنا قوافي


حياك الله ابوعدنان

الجميل مرورك وحضورك الكريم الله يحفظك

استعجب لألعابنا الممتعه قديماً الممتعه رغم ضررها ..

اشكرك رفع الله قدرك

تحياتي وتقديري واحترامي

..قوافي..

[سحاب نجد راعي شقراء]

ههههههههههههههههههههه ظعيف
حطها بالجن وشايب بعد يعني طقت اطنابها في راسه وش يبي يشيلهم من تفكيره

الله يعطيك العافيه يالغاليه

[قوافي ( أم نهار )]

يعطيك العافيه اخت قوافي .. سلمت يمناكي


حياك الله اخي الفاضل

الله يعافيك ويحفظك ربي

تسلم من الشر

اسعدني حضور الكريم ووقوفك بمتصفحي

تحياتي وتقديري واحترامي لشخصك الكريم

..قوافي..

[قوافي ( أم نهار )]

وعليكم السلام ورحمة الله وبركاته

لا حول ولا قوة إلا بالله

قل سمع وضعف بصر وقصرٍ بالصحة

الله يعين كيف عدت الأيام عليكم بهالحالة

أما صمخ دميجه هذي سالفة لحالها

زينٍ منه ما انفضخ من طول السيقان الي برجولنا

تسلمين أختنا على الذكريات

تسلينا معك

وننتظر جديدك



حياك الله مشرفنا ابوسليمان

الله يعينه وان شاء الله على أجر

:Dليته صبخه وانتهينا وهو الله يشفيه ويعافيه ماله قعده إلا عند البيبان او بالدرجه واحيانن نصير مضطرين نطمر اما سيارة الفليت جت او بياع الهريسه والله يعينه :D..

تسلم الله يحفظك وهذي غايتنا من السوالف أسعاد من حولنا ومشاركتهم لذكريات نفتقدها ..

اسعدني حضورك ووقوفك بمتصفحي

تحياتي وتقديري واحترامي

..قوافي..

[قوافي ( أم نهار )]

وعليكم السلام ورحمة الله وبركاته

سالفة جميلة وسرد ممتع

جمعت فيها بين شقاوة الأطفال وحالة من الحالات التي كانت

تسيطر على المجتمع في ذلك الزمن

تحياتي مشرفتنا وقاصتنا قوافي

حياك الله

جمل الله حالك برضاه

الحمد لله كانت العابنا مننا وفينا لانشري ولا نبيع ومبسوطين ..

اسعدني حضورك الكريم

تحياتي وتقديري واحترامي

..قوافي..

[قوافي ( أم نهار )]

ههههههههههههههههههههه ظعيف
حطها بالجن وشايب بعد يعني طقت اطنابها في راسه وش يبي يشيلهم من تفكيره

الله يعطيك العافيه يالغاليه



حياك الله ابو نوره

ان شاء الله سعاده دائمه

الله يعينه ضعيف متخيل ان فيه شي وهو ماحوله الا حنا ..

الله يعافيك ويحفظك ربي

تحياتي وتقديري واحترامي

..قوافي..

[شهاب الظلام]

تسلمين اخت قوافي على هالقصة الروعه
والتي هي من اجمل الذكريات .
وذكرتيني سيارة الفليت. ههههههههه
وكلنا مرت علينا . وسبحان الله ماكان يجينا شي .
وحنا حاطين خششنا بهاالفلين وطردي .
وماعلينا منه وكان الفليت يسوي دخان ابيض
وماعاد تشووف اللي جنبك وماغير تسمع صوت ههههههه.
ووراه في كل الحارة . وهي وحده من الثنتين .
يأنه يغلق الفليت وينتهي .ولا السواق يسرع وينحاش ويخلينا .
وكنا نكتفي بالفليت الموجود لأن غيمة الفليت تطول شوي قبل ماتختفي .
ومشكورة على هالسرد الرائع . وزين الرجال اللي فيه جني ومصدق.
أنه مادرى انه انتم هههههههه
تحيااتي وتقديري.

[ع العمرو]

بارك الله فيك انتي كنز من كنوز تراثنا القديم.

[قوافي ( أم نهار )]

تسلمين اخت قوافي على هالقصة الروعه
والتي هي من اجمل الذكريات .
وذكرتيني سيارة الفليت. ههههههههه
وكلنا مرت علينا . وسبحان الله ماكان يجينا شي .
وحنا حاطين خششنا بهاالفلين وطردي .
وماعلينا منه وكان الفليت يسوي دخان ابيض
وماعاد تشووف اللي جنبك وماغير تسمع صوت ههههههه.
ووراه في كل الحارة . وهي وحده من الثنتين .
يأنه يغلق الفليت وينتهي .ولا السواق يسرع وينحاش ويخلينا .
وكنا نكتفي بالفليت الموجود لأن غيمة الفليت تطول شوي قبل ماتختفي .
ومشكورة على هالسرد الرائع . وزين الرجال اللي فيه جني ومصدق.
أنه مادرى انه انتم هههههههه
تحيااتي وتقديري.

حياك الله

سلمت ودمت

سيارة الفليت كل ماتذكرتها أقول سبحان الله على كثر ماتدخنا ماجانا شي والحمد والشكر لله وحده الحامي..

الرجال ضعيف على نياته والحمد لله لو بعقله وكل هالنشاط كان علوم..

اشكرك على وقوفك بمتصفحي وردك الجميل

تحياتي وتقديري واحترامي

..قوافي..

[قوافي ( أم نهار )]

بارك الله فيك انتي كنز من كنوز تراثنا القديم.



حياك الله

الله يحفظك ويبارك بك

تسلم والكنز حضورك ووقوفك بمتصفحي

دمت بحفظ الله

تحياتي وتقديري واحترامي

..قوافي..

[Al3rands]

كالعاده مبدعه سلمتي اخيتي

[قوافي ( أم نهار )]

كالعاده مبدعه سلمتي اخيتي

حياك الله

الابداع بمرورك وحضورك الكريم

دمت بحفظ الله

تحياتي وتقديري واحترامي

..قوافي..