الى المهندس / عبدالله

[عاشق الفروسيه]

السلام عليكم ورحمة الله وبركاته
اسعد الله اوقاتكم بكل خير
عندي القارب وقفته في فترة الشتاء من حوالي 4 او 3 اشهر وكنت رافع الماكينه وهي ياماها 150 حصان وعند التشييك حاولت انزل الماكينه طبعا هيدروليك ولكن لم تنزل علما بان اسمع صوت زن
ايش الحل
ولكم جزيل الشكر

[sanad81]

أخوي أول شي تأكد أن كراسي المكينه منزله من الجهتين
http://im37.gulfup.com/SYhj3.bmp

أذا كان مرتفه ومافيه مشاكل ومهي راضيه تنزل لازم تفتح برغي زيت الهيدروليك عشان تنزل المكينه, بعد ما تنزل وتأكد أن الزيت مليان وجرب مره ثانيه أن ما راحت المشكله لله يعينك على واحد يفك الهيدروليك ويوظبه
http://im37.gulfup.com/tiiqN.jpg


للمعلومه :
أكبر غلط ترفع المكينه وتخليها مرفوعه فتره طويله لأنه أول شي الهيدروليك يتعب وثاني شي الماي والاوصاخ راح تبقى بالمكينه والمكينه مرفوعه
أن كان ولا بد من رفعها لسبب ما تأكد مع عمليه الشطف بالطريقه الصحيحه قبل الرفع وبعدين أفتح الكراسي الجانبيه وركي المكينه على الكراسي عشان ما يخرب الهيدروليك

[م/عبدالله]

وعليكم السلام ورحمة الله وبركاته


اذا كنت تسمع صوت زن ويتضح لك ان الهيدروليك شغال
لكن مافيه حركة للنزول ... اول شيء تعمله .

خلي المحرك مرفوع وابعد جلاسات المحرك
فك مسمار التنسيم اللي في جانب الفخذ الايمن للهيدروليك بمفك عادي
باتجاه عقارب الساعه على الاخر وليس الموضح بمربع احمر في الصورة المرفقه اعلاه
لانها صرة علبة الزيت وليست مسمار التنسيم ..
هنا المفروض ينزل المحرك اذا ما نزل المحرك
هذا معناه ان المحور مجييم مع طول الوقفه ... كيف تعرف..؟

قفل مسمار التنسيم وتفك خابور البستم الكبير المربوط بالمحرك
تخليه حر وتقوم بتشغيل الهيدروليك اذا نزل
بكل سهوله ... هذا يعني ان عندك تجييم في المحور
وعلاجه يحتاج تسخين وتشحيم .. وان شاء يضبط
اذا استمريت في تشغيله وهناك تجييم في المحور
ربما يتلف عليك الهيدروليك لذك قم بهذه العملية وتأكد

الحالة الاخرى

اذا فكيت مسمار التنسيم ونزل المحرك معك .
1- افحص قوة البطارية
2- افحص الزيت

ورد لي خبر

[عاشق الفروسيه]

يعطيكم الف عافيه وانشاء الله راح اسوى الخطوات واردلك خبر