التيس البكستاني

[ابونايف الفهد]

السلام عليكم اخواني انا الاسبوع الجاي ابعزم الربع على مندي وفيه واحد مدح لي التيس البكستاني وقال انه رخيص وكويس ولا يتعداك بالمندي وانا قلت اباخذ رأيكم وهل هو ينفع وبيض الوجه وبكم سعره ووين يباع مع العلم اني من بريدة وكم يقعد بالمندي وشكراً

[هاوي نفود]

من تجربتي إذا تعديت أبو 5 أو 6 كيلو تلقا به صنقه

الصغير ممتاز وأحرص ما تعدى السته كيلو لو تشري أكثر من واحد

[ابونايف الفهد]

من تجربتي إذا تعديت أبو 5 أو 6 كيلو تلقا به صنقه

الصغير ممتاز وأحرص ما تعدى السته كيلو لو تشري أكثر من واحد

بكم سعره طيب ياخوي

[رسمال]

واشتر لية خروف معة وقطعها شرائح وعلقها علية في الأماكن العالية حتى يسيح الدهن على اللحم ويعطي اللحم طراوة ونكهة ويحفظة من النشفان

[ابونايف الفهد]

واشتر لية خروف معة وقطعها شرائح وعلقها علية في الأماكن العالية حتى يسيح الدهن على اللحم ويعطي اللحم طراوة ونكهة ويحفظة من النشفان

انا لو معي دراهم الخروف مافكرت اشري هالبكستاني

[باوزير]

جرب بالاول قبل لا تعزم

[مجازف2010]

والله وانا اخوك انحش عنه والله يافيه زفره الله يديم النعمة لا تتعدى البلدي خذ لك عارضي ب 750 ولا تشتري هذا ب 300 ريال لا شحم ولا طعم ناشف الله يديم النعمة

سويته مره فرن المندي الغاز والله طلع منه ريحه والله خرب الفرن لين غسلته اكثر من مره

[محمد بن حمد]

انحش عنه زفره الله يديم النعمة

[سهل الجناب]

ياااااوك انحش ويرزقك الله والله ياواحد يشتري التيس الباكستاني ماعنده ذوق

[ابو مشعاب 555]

فيه ريحه ولحمته قاسيه وناشف

[كم كيلو باقي]

مايبيض الوجه
الدجاج اطعم منه بكثير

[فل اوبشن]

الله يرزقك يارب وجعلك تعشي ربعك حشو بيض الله وجهك

لكن ترى اللي يبخص اللحم البلدي بيحس بطعمه ماتفوت عليه هههه

ومثل ماقال الاخ اللي قبلي الدجاج اطعم منه بواجد وبالعافيه مقدماً

وانا ترى شبه اسبوعي اسوي مندي وكثير مجرب هالمستورد قسم بالله ان الدجاج اطعم منه ...

[أكسبلور]

لاتهتم وانا اخوك ... الظيف يكون ظيف الرحمن ... وماتظيق الا تنفرج ..

[ملك المندي]

انا جربت الباكستاني لونه احمر وريحته وطعمه تنحش والله يكرم النعمه غير جيد
وجربت الهندي وارد الهند بس لا يكون وارد كشمير يصير مثل الباكستاني ما يصلح أبد فلازم تتأكد منه يكون وارد الهند ويكون صغير جداً ارحم شوي من ناحية اللون والطعم والريحة
لكن والله غير البلدي ياخوي لا تدور والله يعينك على سعره بس يبيض الوجه عند ضيوفك بإذن الله مثل لونه

[اخوالنشاما111]

اللهم ان يجعل لك من كل همآ فرجا ومن كل ضيقآ مخرجا
** يوجد عند شركة العالمية

[ابورايف]

أتفق مع الأخوان أنحش وبقوه
أذا تبي لحم خذ بالكيلو من الملاحم المعروفه

وأنا عطيه الله الحاشي

وهذا مالدي ... تقبل مروري وردي

[nayef alfayez]

معلومة احب اضيفها

التيوس الجنوبية لحمها حلو وسعرها جدا مناسب افضل بكثير من التيوس اللي نشوف اسعارها مبالغ فيها

[راعي المرباع]

معلومة احب اضيفها

التيوس الجنوبية لحمها حلو وسعرها جدا مناسب افضل بكثير من التيوس اللي نشوف اسعارها مبالغ فيها

هلا اخوي نايف الله يمسيك بالف خير. ...
للمعلومية التيوس الجنوبية اغلى من العارضية بكثير واسألني لان كل حلالي عوارض والتيوس الجنوبية لاجبته عندي ابيعه اغلى من العارضيات . وترى فيه تيوس شكلها قريب جداً من التيوس الجنوبية ولكنها مستوردة من دوله اخرى. فأحرص منها لاتاخذها .
وبالنسبه لراعي الموضوع الله يبيض وجهك عند ربعك ويعوضك خير.

[KMUU]

بما ان البلدي غالي على 850 وانت طالع والمستوردة رخيصة واشوف احد المطاعم يشتري هندي بس اهونها البربري اشوف واحد في روضة نورة يبيع برابر ممتسة

[بر الوالدين]

تكفى الله يرحم والديك هج عنه ولاتقدمه لضيوفك لانه مايبيض الوجه

خاصه اذا كان بين الربع رجال بيخص يعرف الذبيحه

وترى الاغلبيه يسمونه ( المكفن )

والبديل عنه في اسوء الاحوال خذ بربري

[بر الوالدين]

هلا اخوي نايف الله يمسيك بالف خير. ...
للمعلومية التيوس الجنوبية اغلى من العارضية بكثير واسألني لان كل حلالي عوارض والتيوس الجنوبية لاجبته عندي ابيعه اغلى من العارضيات . وترى فيه تيوس شكلها قريب جداً من التيوس الجنوبية ولكنها مستوردة من دوله اخرى. فأحرص منها لاتاخذها .
وبالنسبه لراعي الموضوع الله يبيض وجهك عند ربعك ويعوضك خير.

يسعدنا نشري منك ومن كل عضو بالمنتدى

وياليت تخصنا بخصم و سعر خاص :)

ولك رساله على الخاص

[عاني4478]

مثل ماقالو الااخوان ماهوب اللى انت تبي تتجمل قدام الضيوف لاانه جاي من هناك مبرد وله فترة
وماتدرى عن الثلاجات اللى انحفظت فيه هي تشتغل صح والا عطلانه ومايسوى عليك رخص التيس
وسعره شفته فى بنده 235 ريال حوالى 5 كيلو
تحياتي

[تربة الشمال]

عليك بالتيس البلدي فقط لان المستورد مايضبط لانه مافيه شحم