استفسار بخصوص محلات الادوات البحرية بالكويت

[the dream]

قواكم الله اخواني المكشاتية
انشاء الله الاسبوع القادم لي زيارة الى دولة الكويت وحاب ازور محلات الصيد البحري
فلو تكرمتم يا اخوان ويش المحلات الكويسة اللي توفر ادوات تكون كوالتيي وبسعر مناسب
مع العلم اني ابحث عن ادوات حداق سيف

واكم جزيل الشكر اخوااني
بنتظار ردودكم:)

[النموذجي]

السلام عليكم اخوي the dream

اول شي تروح وترجع بالسلامة

ثاني شي سجل عندك :-

1- المنار مارين
العنوان :الشويخ خلف سيتي سنتر مقابل البوم مارين

2- الردهان للوازم البحرية
العنوان : دوار حديقة الشعب مقابل مطعم افندم ملاحظه المحل صاحبه الممثل جمال الردهان :):)

3- شركة الحداق للمعدات البحرية
العنوان : السالمية شارع قطر قطعة 5 شارع 6

4- نويتش لبيع لوازم الرحلات البحرية
العنوان : مدخل الشويخ قبل مركز سلطان مقابل مطعم صب وي

5- شركة فهد الصبيح للمعدات البحرية
العنوان : الشويخ الصناعية الدائري الرابع خلف مركز سلطان

وبالتوفيق ان شاء الله

[diver1120]

هلااا اخوي حبيت اضيف بوحسين شايب ورى جمعية السالمية وفالك الخير ان شالله

[the dream]

ماقصرتوا حبايبي
وربي يجازيكم خير

[فايز76]

وفي عندك بعد محل في السالمية ( جمعية السالمية ) اسمه ابو محمد عنده عده طيبة واسعاره ممتازه بس لا تكاسره بالسعر لانه اسعاره نهائية وبضاعته طيبة

[مخلد المحنا]

ما قصروا الشباب.. بس حبيت اضيف على ما سبق..

سوق الجمعة في الشويخ... السوق اسمه سوق الجمعة.. بس يوم الاثنين والثلاثاء بعد العصر يجون اهل عدة الصيد..

اغلب البضاعه صينيه وفي اشياء تقليد واجد.. بس لا بد تطيح لك على شغلات ممتازه.. مكاين دايوا وشيمانو وبن..
وهذا مكانه
https://www.google.co.uk/maps/place/Friday+Market/@29.3141145,47.9540965,16z/data=!4m2!3m1!1s0x3fcf9afb22259b85:0xf7b15caac25d1 26

تحياتي
مخلد المحنا

[ذوالجناح7]

ماشاء الله الشباب ماقصرو معاك


شوف يالغالي آنا أروح الكويت كثير
وكثير من الأهل هناك لاكن آنا بقولك رأي الشخصي
أن كل شي عندنا أرخص من الكويت ماااا عدى المنتجات المحليه للكويت
في سوق الصفافير وهو سوق تشكيل المعادن والتشاليح فقط لاغير


وريح روحك وبالتوفيق إن شاء الله

[وليد الغربة]

الشباب ما قصروا

ربنا الموفق ان شاء الله

[accentkool]

سوق السلاح في المباركية