لخبراء الجمس الجديد بيك اب 1500 او 2500

[شويح]

السلام عليكم ورحمة الله وبركاته



ابي منكم الفزعه لاني ما لقيت احد بالوكاله يفيدني لاني قررت اشري جمس حوض غماره ونص ووقفت يوم قالو لي فيه نوعين من

المكاين اللي هي 2500 و1500

ويوم شفتهم على الطبيعه كان فيه فرق بالشكل بسيط اللي هو ارتفاع الل 2500 عن الل1500

والصراحه شكل الل2500 احلى ومكينته اقوى ويوم سالت اصحاب المعارض قالو الل 1500 ازين للبيع وما ادري وش بعد

المهم اهل المعارض يهمهم كيف يبيع السياره قبل ما يشتريها ونا شاري ابي استخدم موب ابيع واكيد فيه منكم اللي جربهم وعارف وش زبدتها فلا تبخلون علي بالنصيحه



وشكراً

[شبح الصحراء]

نصيحتي ابعد عن الأمريكي وخلك على الياباني غيرك جربوا ومالقوا مثل وارد اليابان .

[سلكي نت]

نعم لليابان فقط

[شويح]

شكراً على النصح يا اخوان بس انا كان سؤالي عن الجمس

والناس اذواق ورغبات فانا رغبتي بالامريكي وسؤالي عن

الافضل بلمكاين



وشكراً

[خبراوي]

اخوي شويح


انصحك بحجم 1500 لانه محركه يستحمل اكثر واقل صرف للبنزين وقوه فيه 327 قوي بمعنى الكلمه وانا جربت اكثر من واحد يستحمل الكرف والجور والتحميل

وانت مخير

تحياتي لك والله يكتب لك الي فيه الخير

[system]

شويح:::سألت عن نوع المكاين بس فيه شي اهم الاوهو :-



الغمارة ونص كله وارد امريكا وقيورها تماتيك والدبل زر ماهو قير يعني الكتروني واغلب اللي استعملوه مايمدحونه ابد لأن الدبل يعيي لا يشبك احيانا..........

هذي النصيحه اللي طلبتها وانت بكيفك.....

[شبح الصحراء]

على الأقل أبعد عن الأمريكي من أجل أخوانك في العراق وأفغانستان وفلسطين ، قاطع الصناعات الأمريكية خصوصاً السيارات الأمريكية الجديدة وإذا مصمم خذ مستعمل .

[خبراوي]

احب اضيف ملاحظه:

انه في التوكيلات عندهم غماره ونص ودبل عصى ومب زر كهرب وويكون كل شي اكتروني ومافيه شي عادي يعني مثل القير الدرايش ويكون المسجل حقه سي دي وسعره موديل 2007,,,, 87ريال وفي دفعه واصله عندهم توها اذا حاب تلحق ع اللون توكيلات فرع الدمام

ولك مني خالص تحياتي

[SAUDI2005]

انا عندي بدوون دبل 2006 مقااس 1500 والصرراحه موتر مايصرف بنزين ابد

ومريح لاكن العيب والوحيد خشمه يجي نازل على الارض من الوكاله رفعه مو زي ابو دبل

يبيلك ترفعه من قداام وخلاص

اتمنى اني افدك

[muslem]

تبى ونيت مستعمل فورد وبالمواصفات اللى تبيها فى حاله ممتازه موديل 2004 ولكنه غالى! جديد فى الوكاله فوق 100 الف بعد العرض الكبير اللى يقدمونه هذه الايام . هذا ليس عرض عام لان السياره ما يشريها الا صاحب مزاج ولانها مميزه! وانا احب اغيّر ولست مجبر ابيع! او مستعجل هذا للمعلوميه..

الجى ام سى سعره عند البيع احسن من الفورد ولكن اللى يبى يستخدم فالفورد سياره تحفه من الخارج والداخل وافضل سياره فى العالم تجد لها ى اضافه او اكسسوار يخطر على بالك وقويه ومريحه وبعد رزّه. لم اجرب ولكن قرأت فى منتدى انها الفورد اقوى من الجمس ..اذهب للوكاله وستجد كل المواصفات التى تحلم فيها!

بخصوص طلبك يعتمد اذا كنت مستخدم والا تبى تبيع...1500 اعتقد مرغوب لانه متوفر بكثره والسبب مخلفات ارامكو ولكنه ليس heavy duty الا اذا طلبته من المصنع...اعتقد ابو رفارف ازين وحق بر ولكنه غير متوفر حسب علمى!

الله يوفق الجميع للخير والله يعطيك خيرها ويكفيك شرها!

[.أبوعبدالرحمن]

الله يوفقك في شراء هذه السيارة


ولكن افضل 1500 لا نه مايشرب بنزين بزيادة واكثر تحمل

[المحمادي1]

1500 خفيف لا يصرف بنزين ولا يسخن. الا اذا انك ناوي تسحب سيارات المغرزين او تحمل اوزان ثقيله 2500. بس اطلب ال Z71 لانه مخصص للبر. الله يوفك ويكتبلك الي فيه الخير ان شالله. انا مثلك والله محتار بين جمس حوض والا فتك 4800. الا الحين ما قررت.......

[ابرق الكبريت]

انتبه:: الجمس الونيت sierra 1500
Z71
يجي نوعين كلها 8 سلندر لكن يختلف حجم المحرك :
1- 4.8 لتر
2- 5.3 لنر

[ابرق الكبريت]

انتبه:: الجمس الونيت sierra 1500
Z71
يجي نوعين كلها 8 سلندر لكن يختلف حجم المحرك :
1- 4.8 لتر
2- 5.3 لنر

[حجلان]

انا عندي ونيت غماره ونصف شفر موديل 2001 حجم 1500 وانا صار لي وانا استعمله حوالي سنتين وبصراحه عاجبني جدا :D ولاكن كنت اتمنى ان الماكينه حجمها كبير, اعني بمقاس 6.00 لتر او 5.7 لتر :good: لان الحجم هذا بصراحه يرضي سائق السياره وسلامتكم. ;)

اما عن ابنزين: الامريكي معروف يسحب بنزين.

[راعي ال 8100]

اخوي شويح اول شي لااحد يهمك ويقولك ابعد عن الامريكي ويتفلسف عليك والثاني يجيك ويقول قاطع المنتجات الامريكي يعني بالعقل ياناس

افرض الرجال ماشرى امريكي هذا 1 من 23 مليون لان كل بيت ولازم يكون فيه جمس وهذا الشي معروف

عالعموم موب ذا موضوعنا بس صراحة كلام يرفع الضغط

اخوي شويح الجمس ال 1500 احسن مافيه انه مايصرف زي ال 2500 لكن عيبه انه ماينجز روحه بالنفود

لكن ال 2500 مجربينها غمارة وغمارة ونص تمشي مشاء الله ولا يعوقها شي

واحسن مافيه ان الدبل يجيك عصا وهذا افضل من الزرار

وختاما انصحك بالاستعمال السعودي الاستعال الامريكي من الصالات هج عنه

[saudi_saudi]

أخي العزيز
أنا جربت الاثنين بالنسبه 2500 ماكينه أقوى ووزن أكبر للاستخدام في المدينه ثقيل شوي وممل في البر جيد ولكن احسب حساب الوزن
1500 أصغر ماكينه يقابل أخف وزن وجيد في استخدام اليومي في المدينه وفي الزحمه وخفيف في البر والتحكم فيه أحسن وانصحك لاتتعدى 1500
وشكرا

[هاوي الصمان]

السلام عليكم

اخوي انا باتكلم بالنسبه لتجربتي

معي 2002 حجم 1500 غماره قير عادي ودب عادي (( الله يعطيني من خيره ويكفيني شره)) (;

مميزات الموتر:
خفيف ومكينته قويه بسم الله مشالله عليه ما يحتاج بالنفود وحجمه وذف داخل الديره
صرفيته جدا ممتازه اعبيه فل بـ 55 ريال ويمشيني داخل الديره 500 كلم
وعلى الخطوط ممشاي 120-140 يمشي 620-650
عندك

عيب ال2500
ثقل في النفود وصرفيه بانزين حجمه كبير ما تلقا له مواقف زينته قوه مكينته بس حجمه جدا كبير
من مميزاته انه يجي Hd هافي ديوتي يكون اقوى من ناحيه الشاصي والمقصات والأذرعه يعني كل شي فيه يتحمل
اذا بتاخذ 2500 خذ Hd وبس


واي شيئ ثاني انا بالخدمه

[Mohammad]

1500 خفيف لا يصرف بنزين ولا يسخن. الا اذا انك ناوي تسحب سيارات المغرزين او تحمل اوزان ثقيله 2500. بس اطلب ال Z71 لانه مخصص للبر. الله يوفك ويكتبلك الي فيه الخير ان شالله. انا مثلك والله محتار بين جمس حوض والا فتك 4800. الا الحين ما قررت.......

اهل الخبره هل ياتى 2500 بالديتر لتبريد القير عند التحميل والسحب لان التسخين مشكله كبيره وعويصه والسياره التى تسخن والله تنكرهه حتى ولو ببلاش...ستكون فى موقف تحتاج ان تسحب او تسعف احد او تحمل؟

[هاوي قصيده]

اخي الكريم

لا تتعدى 1500 خفييف وزنا ودما


واسال مجرب

[باغي الخير]

انا كان عندي نفس استفسارك قبل معرفتي بهالمنتدى الطيب.
كنت محتار بين المكينه الكبيره والصغيره وحجم 1500و 2500
رسيت لي على 2500 مكينه 6.0 غمارتين وحوض صغير
قوي في الرمله مريح على الخط بس صرفيته للبنزين اكثر بواجد من
ال1500 . مره عبيته في الدمام وولعت لمبة البنزين وانا في طرف الرياض
من شرق. كنت ماشي حول 150 كم في الساعه

[GMC79]

اصلا ماتحس انك راكب جمس الا على 2500

وهذا انصحك به

المحركات:
2500/
محرك سعة 6 ليتر وبقوة 379حصان يعني هائل

ومحرك اخر بسعة 8,1 ليتر وبقوة 345حصان لكن مايجي ونيت سعودي على حد علمي

1500/
محرك بسعة4,8 ليتر وبقوة 300حصان

ومحرك اخر بسعة 5,3 ليتر وبقوة 340حصان

وجميع هذه المحركات 8سليندر
--------------------------------------------------------------------

واقترح عليك دوج رام 2500 اطلق من كل الجموس وارخص

اكثر هيبة واكبر حجم واكثر متانة وارفع عن الارض واقوى محركات جير ودبل والدفع الامامي والخلفي دفرنسات لو مايجيك الا وقفته متواسي مب هازع قدام

محرك هيمي 5,7 ليتر بقوة 345حصان

مافي الامريكي كله شي احسن منه حاليا ابد