صوت في باترول عوعوعوعوعو

[BMAKG]

السسلام عليكم
عندي باترول 2008 فيه صوت عوعوعوعو مع رجه خفيفه يبدأ من سرعه 100 وطالع
فكيت عمود الدبل ولازال الصوت موجود واذا شلت رجلي عن الدعسه يروح الصوت نسبيا واذا فضيت الموتر مافيه صوت
مع ملاحظه ونا مهدي السرعه على الثاني بدون دعسه بنزين على سرعه 10( كاني بوقف) اسمع صوت قدام ون ون ون واذا دعست كلتش يختفي الصوت
كذلك اذا جيت اريوس احس الموتر يناتع فيني ( احسه يروح ويجي مع طقه) كذلك نفس الوصف اذا حطيت القير في الثاني( احس الموتر يروح ويجي ويناتع مع طقه) مع ملاحظه اني اذا دعست كلتش تروح النتعه والطقه

[الا سير]

الموتر ربع

[وطن العزة]

عليكم السلام

نفس الصوت ونفس وصفك للمشكله عدا الرجه والصوت مع المشي , عندي بسفاري 98

طلع هالصوت بسبب ان بنشري قام يزن براس الوالد ان زيت القير تعبان ويبيله تغيير

المهم غيره وبدت الأصوات اللي ذكرت وله سنين على هالحاله


إذا أنت مغير من زيوت البناشر بدله بزيت من الوكاله مع شوية شحم


و شيك على الصليب تراه يسبب رجه أو رِعده خفيفه مع المشي

[BMAKG]

يعطيكم العافيه جميعا
رحت اليوم للصناعيه وشلت عمود الكردان وركبت عمود الدبل ومشيت بالدبل لاحظت ان الصوت عوعوعوعو اختفى كذلك الرجه اختفت ,, الميكانيكي قال الكارونه هي اللي تسبب صوت عوعوعوعو وكذلك تسبب رجه مع ملاحظه انه يقول الصلبان حقت عمود الكردان فيها ثقل بسيط
وش رايكم في كلام الميكانيكي
شكرا

[عاشق الشعبيات]

المشكلة عندك والله العالم في عمود الكردان في الصليبات غير الصليبات وراح تضبط معك

[سحب ممطرة]

هذا يا كرونه أو صليب

بسيطة أن شاء الله

[BMAKG]

جزاكم الله خير
الصوت يااخوان غريب ححححححححح
شيكت على زيت الكرونه مافيه مشكله والصوت يبدأ من 90 وطالع ويخف شوي على 140 بس يبقى الصوت موجود
الميكانيكي يقول كرونه لكن وش اللي يخربها الموتر ماشي 60 الف
وكم قيمة كرونه جديده وكم قيمتها مستعمله
وهل لو ركبت كرونه جديده او مستعمله تضبط لاني سمعت بعظهم يقول ماتضبط يبغالها وزن ومافيه احد يضبط وزنها حتى الوكاله او اشوف لي دفرنس كامل

[أبو الوليد 14]

إذا الصوت مقبول وغير مزعج ....نصيحة خله على حالته
يمكن يروح الصوت بعد فترة من استخدامك خاصة الموتر شبه جديد مامشى الا 60 الف
انت بس شيك على الزيوت وشحم الاماكن اللي تحتاج تشحيم
وبعدين تغير زيت قير والموتر ماشي 60 الف ليييش ؟!!
حتى لو يحتاج تغير رح عند بترومين آمن تحط موترك وانت مرتاح

[BMAKG]

يعطيك العافيه ابو الوليد
برضه يااخوان فيه صوت ونه خفيفه على سرعه 80 الى 120 تروح اذا فكيت الدعسه

[الوسم]

يعطيكم العافيه جميعا
رحت اليوم للصناعيه وشلت عمود الكردان وركبت عمود الدبل ومشيت بالدبل لاحظت ان الصوت عوعوعوعو اختفى كذلك الرجه اختفت ,, الميكانيكي قال الكارونه هي اللي تسبب صوت عوعوعوعو وكذلك تسبب رجه مع ملاحظه انه يقول الصلبان حقت عمود الكردان فيها ثقل بسيط
وش رايكم في كلام الميكانيكي
شكرا
الله العالم انها الصليبات

[راعي المجهم]

احد امرين يا انك مرفع الموتر وهذا يسبب هذه المشكلة

او مغير زيت الدفرنس وخربت الكرونه

[صباح القايله]

اذا الصوت يخف عند ١٤٠ ماعتقد انه الكرونه
وإذا الكرونه ليش تخسر مبلغ وقده ركب فرار ب٥٠٠ريال وانتهينا
القير تماتيك ولا عادي
ولا تستعجل
وين موقعك
على شان الشباب يفيدونك بالوحش الممتازة

[ابو معاذ777]

حصلت معي في يوكن وكان الصوت في الامام يسار كانه

صوت رمان الفلنجه بعد الفحص طلع رمان العكس الخلفي يسار وغيرته ولله لحمد وراح الصوت

ارفع السياره على رافعه عند احد الورش وراح يبين معك الصوت...... بالتوفيق

[ابوسند9]

جزاكم الله خير
الصوت يااخوان غريب ححححححححح
شيكت على زيت الكرونه مافيه مشكله والصوت يبدأ من 90 وطالع ويخف شوي على 140 بس يبقى الصوت موجود
الميكانيكي يقول كرونه لكن وش اللي يخربها الموتر ماشي 60 الف
وكم قيمة كرونه جديده وكم قيمتها مستعمله
وهل لو ركبت كرونه جديده او مستعمله تضبط لاني سمعت بعظهم يقول ماتضبط يبغالها وزن ومافيه احد يضبط وزنها حتى الوكاله او اشوف لي دفرنس كامل
وعليكم السلام
ممكن عندك كارونه او رمان يمين او يسار,لكن اللي اعرفه ان صوت الكارونه صوت ونه مستمر وليس كما وصفت انت
لكن على العموم ممكن الكارونه سليمه عندك لكن تحتاج طاره وبنيون للكارونه ب 2500 ريال
ولكن لعلمك ما راح يحدد لك المشكله اللى مهندس شاطر لذا لا تستعجل وتخسر
واذا سيارتك خليجيه الله يبارك لك فيها 99 % من السيارات الخليجيه مرجع عددها

[ابوصالح3]

أقرب مالها الدفرنش ,,, دخله فحص كمبيوتر وريح راسك

[السومر]

اخوي دام اذا دعست كلتش و اختفى الصوت فهذا يعني ان المشكله من فحمة الكلتش

[BMAKG]

يعطيكم العافيه جميعا
الموتر سعودي حمراني قيرعايدي
طيب ليش اذا شلت عمود الكردان ومشيت على الدبل يختفي الصوت
ليش اذا الكرونه خربانه اختفى صوتها يوم شلت عمود الكردان

[SGL]

أخوي نفس المشكلة في باترول ربع 97 رجه بس بدون صوت وطلع من عمود الكردان بس أبيك ماتتسرع وتغيره ﻷن العمود
كان عندنا منتهي ومطعوج وحالته حاله الأشياء الي أبيك تسويها:
1-تشحم العمود مع الصلبان وتجرب هل في تحسن.
2-إذا ماتغير شي أبيك تغير الصلبان فقط وتجرب.
3-إذا كان الموتر مرفوع من الخلف بياي أسترالي أو كعكات راح يكون هذا السبب.
طبعآ كل اللي ذكرته لك قالوه الأعضاء قبلي وننتظر ردك بعد ماتجرب اللي قلته وقالوه لك الأعضاء وشيل من راسك سالفة الكارونة:good2:
نسيت أقولك العمود إذا فكيته رده مثل أول مثل ماجاء من بلاده إنتبه بعضهم يوم يرده يقلبه

[BMAKG]

بارك الله فيك ماقصرت
الموتر غير مرفوع
بجرب نفدى خشمك وبشوف

[وطن العزة]

يعطيكم العافيه جميعا
الموتر سعودي حمراني قيرعايدي
طيب ليش اذا شلت عمود الكردان ومشيت على الدبل يختفي الصوت
ليش اذا الكرونه خربانه اختفى صوتها يوم شلت عمود الكردان


دامها كذا , أجل الكرونه الخلفية عندك سليمه

والمشكله عندك ما بين عمود الكردان والصليب والقير لأنك اذا فضيت الموتر يروح الصوت

زودن على كذا يوم مشيت على الدبل فقط راح الصوت


ومثل ما أفادوك الإخوان إبدأ بالأسهل شحم الصليب وشف الوضع

[sgl2002]

كان معي ربع جات فيه نفس المشكلة


صوت ععررره مع هزه بالموتر اذا وصل 80 كذا

والسبب وقت المطر دخلت مويه وغراز وجلس لين تعبأ الدفرنس ماء


غيرت الكارونه وضبط


الكارونه غيرها لحالها فقط خذها من التشليح مقفله جاهزه

لاتغير الدفرنس كامل غير الكارونه فقط


اللي يقصدونه ان الكارونه اذا انفكت ماترجع نفس أول
لكن ان خذيتها مقفله وتروسها مابعد فكت مافيه مشكلة


رح دور وحده على موتر مانفكت ومديل جديد وخذه

[sgl2002]

وبالنسبه يوم تقول اذا فكيت عمود الكردان يختفي الصوت انا نفسك سويتها واختفى الصوت ورحت شريت عمود ويوم ركبته رجع نفس المشكلة

وخسرت عالفاضي


رح للي قالك الكارونه قل ترى ان ماطلعت منها انت المسؤول

[سقم المعادي 1]

لاتغير الدفرنس كامل غير الكارونه فقط

المعذره على السؤال لكن كيف تنفك الكارونه لحالها لأني اشوف الدفرنس يجي متصل مع جرم الكارونه ---O--- زي كذا تقريباً انت قصدك حرف الـO ينفك لحاله و كيف ينفك ؟

[صروووف]

اقرب الظن انه عمود الكردان نزل العمود وافحصه عند المخرطه
الكرونيا مااتوقع لانها قليل تخرب
انتبه لاتستعجل وتأكد من المشكلة قبل تصلح وتخسر

[مجالس الرجال]

بالنسبة لصوت الونه تراه طبيعية بالباترول
شريت كذا باترول ولا حظت ونه
بالذات شاص باترول ٢٠١٣ توماتيك صوت ونه واضح جداااا والجيب ماشي ٤٠٠٠ الاف
والحين معي شاص باترول ٢٠٠٩ اذا ارخيت على الدعسه تسمع صوت
بشكل اوضح جميع موديلات الباترول وايضا الصالون والربع والشاص سواءا ٤٥٠٠ او ٤٨٠٠
بهن خشونه بين ١٠٠ الى ١٤٠ تحس بصوت تقول ونه او عمود
وافضل حل وينعم ممشى الموتر تركيب فرارات

[sgl2002]

المعذره على السؤال لكن كيف تنفك الكارونه لحالها لأني اشوف الدفرنس يجي متصل مع جرم الكارونه ---O--- زي كذا تقريباً انت قصدك حرف الـO ينفك لحاله و كيف ينفك ؟

تنفك وانا اخوك بمسامير من جهة العمود

اصلن الدفرنس كله كارونه والكفرات مركبه فيه
والباقي مجرد جرم حديد فاضي

الكارونه اذا فكيتها ينفك الجرم الدائري وتلاحظ التروس داخله

لكن لو انفكت التروس اللي داخل الكارونه هنا المشكله ماتنوزن صح

[BMAKG]

يعطيكم العافيه
انا شيكت على زيت الدفرنس حق وكالته ونظيف وماغرزت في طين
مدري وش السالفه ؟؟؟؟؟

[فهد فرحان]

اخوي مر على ميكانيكي شاطر
وشيك
اذا ثبت انه كرونه

شف التشاليح وخذ
كرونه نفس المقاس
وسعرها بحدود ٤ الاف
وان شاء الله تطلع مشكلتك بسيطه

[GMC89]

اسمع ي الاجودي … انا صار لي مثل ما وصفت وغيرت عمود الكردان ب ٥٠٠ ريال والحين الموتر مافيه احلى منه لا تخسر نفسك كارونه وغيرها ورح لورش عمود الكردان فالصناعيه القديمه ويفحصونه لك ان كان فيه طعج او ميلان لو شي بسيط

[BMAKG]

بيض الله وجيهكم جميعا
اليوم رحت لورشه البعد الشامل وتم فحص الدفرنس ولله الحمد سليم
اغلب الاراء الان تقول عمود كردان وبكره ان شاء الله بركب واحد من التشليح ونشوف

[SGL]

بيض الله وجيهكم جميعا
اليوم رحت لورشه البعد الشامل وتم فحص الدفرنس ولله الحمد سليم
اغلب الاراء الان تقول عمود كردان وبكره ان شاء الله بركب واحد من التشليح ونشوف

ووجهك أبيض
بس ياغالي ليش متسرع في تغير العمود ليش ماسويت اللي قلتلك عليه إنت بنفسك تقول الصلبان فيها ثقل لا تتسرررررررع شحم الصلبان والعمود والصلبان بعد التشحيم ﻻزم يخف الثقل اللي فيها لو يحركها بيده أو تغيرها

[BMAKG]

العصر بأذن الله اشحم الصلبان وارد لك
خبر

[BMAKG]

السلام عليكم
اليوم شحمت الا ربعه صلبان
ونفس الشي الرجه موجوده والصوت ححححححح باقي موجود
تبدأ من 80 الى اخرالطبلون
والله اني احترت
ورشة البعد الشامل في الصناعيه يقول الدفرنس سليم
وبعض الورش يقول الدفرنس تعبان
ولا عاد ادري من اصدق

[ابوسند9]

يعطيكم العافيه جميعا
الموتر سعودي حمراني قيرعايدي
طيب ليش اذا شلت عمود الكردان ومشيت على الدبل يختفي الصوت
ليش اذا الكرونه خربانه اختفى صوتها يوم شلت عمود الكردان
شي طبيعي يختفي الصوت لانه راح الضغط والحمل عن الكارونه
لكن انا اقول قبل تخسر وتشتري عمود لو تشوف حد معه نفس سيارتك وتجرب
او تشرط على صاحب التشليح انك تجرب
لكن صوت الكارونه معروف صوت ونه ,,تقريبا من 60 الى 140 واذا رفعت الدعسه اختفى الصوت واحينا اقل من الستين على حسب
واذا نفرض انه كارونه فا سببها حاجتين
اما السياره جايها مباوش
او منتول فيها سياره بطريقه غير صحيحه
على العموم لا تستعجل وهي غير مضره لو تجلس عشرين سنه

[BMAKG]

بارك الله فيك يابو سند
طيب وشهو صوت ححححححح ولا راح الا يوم شلت عمود الكردان
ووديت عمود الكردان لورشة وحيد الصفدي قال العمود سليم مع انه مانزله يفحصه بس حركه بيديه قال سليم
مع العلم انه فيه ونه من 80 الى 120 خفيفه
اسف اعلى ازعاجك

[ابوسند9]

بارك الله فيك يابو سند
طيب وشهو صوت ححححححح ولا راح الا يوم شلت عمود الكردان
ووديت عمود الكردان لورشة وحيد الصفدي قال العمود سليم مع انه مانزله يفحصه بس حركه بيديه قال سليم
مع العلم انه فيه ونه من 80 الى 120 خفيفه
اسف اعلى ازعاجك
والله يا الغالي ماعندي خلفيه عنه
لكن الونه اذا تروح بعد ما ترفع عن الدعسه فهو كارونه
ولو انت بالقصيم كان ارسلك لكذا ورشة ممتازه ,وراح يشخص لك المشكله ويمكن ما تحتاج كارونه با الكامل اذا مجموعة الرمان سليمه والدشالي سليم ,فقط تحتاج طاره وبنيون ب 2800 ريال وشغل يد من 500 ريال الى 700 ريال
وسعرالطاره والبنيون بالامارات ب 1700 ريال
لكن شراء كارونه من التشليح مغامره انت وحظك لان اغلب كواراين القير العادي مجلوده جلد
هذا ما لدي والله ييسر امرك

[BMAKG]

بارك الله فيك يابو سند
اليوم رحت لواحد متخصص في العمدان يماني شايب اسم ورشته (الوينان)
رفع الموتر من الخلف بعفريته ومشيت الكفر
طلع فيه صوت في الكفر اليمن الخلفي يقول رمان عكس خربان وهو اللي يسوي صوت ححححححح
بس ماادري هل رمان العكس يسوي رجه
لان المشكله عندي حاجتين ( صوت ححححح + هزه في الموتر من 80 الى اخر الطبلون)
الله لايهينك يالنشمي عز الله اني غلبتك معي

[أناودي ولاودي]

السلام عليكم ورحمة الله وبركاته
ياأخواني أنا عندي نفس مشكلة اﻷخ ومعقدتني
أبو سند وين الورش الي بالقصيم انا من المذنب
رقمي 0550602075 ياليت ترسلي وصف الورش بالجوال واكون لك من الشاكرين

[قشوط]

دايم ابدا بالحلول السهله والرخيصه شحم عمود الكردان وشيك عليه ممكن يكون جايته ضربه او شي

[nayf01]

لحظة ياخوا ن
خذو بنصيحتي الله يكتب اللي فيه الخير

تراني ما قراءت الا اول الموضوع وتقريباً

اسمع وانا خوك ( عو عوووو عوو) هذه حاجة غير مستقيمة لابد تبحث عنها
والتبع ما يلي :

1/فك العمود
2/وفك العكوس الخلفيه
روح بها للمخرطة عندهم ميزان يشبه حق الكفرات لو فيها شي مضروب او ملتوي يطلعونه

اما الكرونه اذا رفعت رجلك عن الابنص يختفي صوتها
وهي مكونه من ثلاث قطع مركبة على بعض ولو احدها انحرف يطلع صوت لكن شبه حنه

وقبل هذ كله شوف كراسي المكينه وكرسي القير لو لقيت احد منها معطوب غير ه

وقدامك السلامة ان شاء الله

[يالبى الهلا]

صوت الكرونة ونة باستمرار وصوت الرمان وعوعة
ابدا الاسهل بالتدربج وخذ فكرة وابعد عن ورش النصب والدجل
يغير القديم وينطله واذا رحت اخذة ونظفة وعرضها للزباين بانه نظيف وباعة علي غيرك وهذا اسلوبهم مثل المنشار طالع واكل نازل واكل ولاننسي السكراب ياخذ القديم ويضبطة ويبيعه
وهلم وجر كسبان من ذا وذاك ابعد عن بني يعرب وتفلح

[abarre3an]

صوت الكرونة ونة باستمرار وصوت الرمان وعوعة
ابدا الاسهل بالتدربج وخذ فكرة وابعد عن ورش النصب والدجل
يغير القديم وينطله واذا رحت اخذة ونظفة وعرضها للزباين بانه نظيف وباعة علي غيرك وهذا اسلوبهم مثل المنشار طالع واكل نازل واكل ولاننسي السكراب ياخذ القديم ويضبطة ويبيعه
وهلم وجر كسبان من ذا وذاك ابعد عن بني يعرب وتفلح

مااخلي شيئ للورشة ابدا".
حتى البواجي والاسلاك مع الحديد والقطع والبلاستك اخذه معي...:D

[ابووهب]

السلام عليكم
صارت معي في جيب لاند صليبات العمود

[ابووهب]

صليبات العمود عندك خربانه

[داموك 1]

بارك الله فيك يابو سند
اليوم رحت لواحد متخصص في العمدان يماني شايب اسم ورشته (الوينان)
رفع الموتر من الخلف بعفريته ومشيت الكفر
طلع فيه صوت في الكفر اليمن الخلفي يقول رمان عكس خربان وهو اللي يسوي صوت ححححححح
بس ماادري هل رمان العكس يسوي رجه
لان المشكله عندي حاجتين ( صوت ححححح + هزه في الموتر من 80 الى اخر الطبلون)
الله لايهينك يالنشمي عز الله اني غلبتك معي

اخوي كلام الشايب تقدر تتاكد منه وذلك بعد ان تمشي مسافه
توقف السياره وتلمس نهاية الدفرنس المتصله بالهوب الجهه اليمنى
وتلمس الجهه اليسرى من الدفرنس فاذا حصلت ان الجهه اليمنى حاره اكثر من اليسرى
فهذا دليل على صحة كلامه

[القاموس]

اسمع كلامي طال عمرك مشكلتك من الصليبات غيرها وكاله
خذها من واحد صارت عليه سياري نفس سيارتك لا تعبث في كارونه او عكوس غير الصليبات وما جاك عندي بتلقاها مصديه مايدخلها الشحم والبناشر مايهتمون بتشحيمها
تحياتي