أرجو المساعد

[قاعس]

مساكم الله بلخير ياخوان أبشركم شريت قدر ضغط بس ماعرف استخدم لو بطبخ فيه وش الطريقة وإذا فيه إمكانية تعطوني خطوات كبسة لحم او دجاج ويعطيكم العافية

[امير المشاعر]

هلابك اخوي بحاول افيدك باللي عندي لاكن انت سجل كل معلومه
اول شي تقطع بصلك وطماطك وتقطع الثوم على حسب رغبتك وتخليه على جنب جاهز
نجي للمهم تجيب قدر الضغط وتحطه على النار وتحط الزيت وتضيف البصل وتبدا بحمسه لين يحمر لونه وتضيف له الثوم والطماط وتقلبه على خفيف وتضيف بعد ذالك الدجاج او اللحم حسب رغبتك وتضيف عليه البهارات والليمون الاسود على حسب جوك اهم شي البهارات عشان النكهه وتقلبها لمدة 5 الى 7 دقايق مع اظافة الملح لاتنساه والصلصه تخليها حمرا افضلها كثير وبعد ذالك تضيف الماء الساخن تكون مجهزة قبل وتقفل قدرك عدل وتخليه لمدة 5 دقايق بحرارة عاليه شوي واذا سمعت صوت تشتش ههههه وصف قصر شوي وخلها لمدة 15 الى 20 حسب قوة النار وبعدها تطفيه وتنزع الكاتم اللي ينسم وتخليه لين يختفي الهواء اللي بالقدر وبعد هذا تذوق وتشوف الملح اذا هو مضبوط او تزوده على حسب مزاجك ورغبتك وتحط الرز بعد تنقيعه بالماء الحار قبل الطبخه تضيف الرز وتخلي الماء فوق الرز بمقدار اصبعين الى ثلاثه وتغلق القدر وتخليه لمدة 15 دقيقه على حسب النار وبعد هذا تفتحه وتجهز صحونك وعليك بالعافيه

نفس عميييييييق الحمدالله خلصت

[الوافي f]

وفيت وكفيت امير المشاعر

[أبوسليمان السهر]

جزاك الله خير أمير المشاعر
بالنسبة للدجاج أو الحمام
لا يتعدى عشر دقايق
بسرعة يستوي
أما اللحم لو تكون النار على مستوى واحد أفضل ,
من بداية دوران البلف عشان يستوي صح
بالتوفيق لك أخي الكريم

[قاعس]

مشكور يا امير المشاعر على الشرح المفصل وجزاك الله خير و اشكر أيضاً على الإضافة أخوي ابو سليمان