أحد يفيدني الزيت اللي هنا وش سبب ظهوره ؟ (يوجد صوره)

[سقم المعادي 1]

السلام عليكم








يا اخوان سيارتي لاندكروزر 99 و دائماً اشيك عليها كل يومين ثلاثه بالكثير اعاير الزيت و ماء الرديتر و اطبق الكبوت و قبل أمس كنت بالدهناء كاشت و فتحت الكبوت شفت فيه زيت خفيف جداً حول غطاء الزيت طبعاً الزيت ماهو من البنشري لأني مغير الزيت من زمان و الزيت كان شكله جديد و اضف الى هذا اني دائماً اشيك على الموتر بس مالقيته الا وانا بالدهناء قلت يمكن بسبب المطامر بالنفود ,, رجعت للرياض فتحت الكبوت بالبيت لقيت الزيت اكثر مدري هل هو بسبب الخط وانا راجع طلع زياده ولا وش علمه ..


http://www.mekshat.com/pix/upload05/images253/mk285337_oilleak.jpg




http://www.mekshat.com/pix/upload05/images253/mk285337_oilleak2.jpg




- وش سبب خروج الزيت مع الغطاء ؟ هل بلف التبخير له علاقه او فيه شيء ثاني ..؟

- انا دايم اعاير الزيت لكن عجزت لا اعرف له والموتر طافي يجي الزيت فوق الـMAX و لا شغلته دقيقتين وطفيته يطلع اكثر يوصل إلى اكثر من ربع العيار مطشم زيت وشلون طريقه معايره زيته بالضبط لأني اعاير مواتري اول بعضها وانت مطفي تعاير وبعضها تشغل شوي و تطفي و تعايره هذا لا كذا ولا كذا

[هاوي]

جلدة الغطاء غير لينه قاسية او انتثر عند التعبئة قليل من الزيت

[سقم المعادي 1]

جلدة الغطاء غير لينه قاسية او انتثر عند التعبئة قليل من الزيت

مافيه شيء من التعبئه الله يسلمك انا مغير الزيت قبل شهر و البنشري يستعمل محقان و من يومها مافيه زيت مالاحظتها الا قبل امس بس و كان زيت جديد بلمعته

و الغطاء مافيه جلده مجرد سنه على سنه تفره

[ajaa2009]

بدايه ضعف في الشنابريبداء تسرب ضغط الانفجارداخل المحرك ويسبب تطايرلزيت تبداء بعدفتره التهريبات

[الحربي 591]

امسح الزيت وشد الغطا وشوف مره ثانيه

[الحربي 591]

اذا سرب غير الغطا كلها الشغله من الغطا

[ابوراكان تبوك]

ممكن الغطاء خربان او ماهو مشدود زين

بالنسبه لعيار الزيت وقفه 24 ساعه على ارض مستويه وقيسه

ترا اغلب البناشر يعبي لك زيت مع السيفون 7.4 بينما الصحيح انه مع السيفون 7 علب فقط يطلع على خط العيار بالضبط وعلى مسئوليتي لاني عانيت من مشكله عيار الزيت يطلع زايد والبنشري بيحاول يقنعك انه 7.4 علب لان مكينته نفس الشاص والربع لكن الفرق انه الجكسار اصغر كرتير

موووووووووفق

[ريثان القصيم]

السلام عليكم
يا اخوان سيارتي لاندكروزر 99 - انا دايم اعاير الزيت لكن عجزت لا اعرف له والموتر طافي يجي الزيت فوق الـMAX و لا شغلته دقيقتين وطفيته يطلع اكثر يوصل إلى اكثر من ربع


وعليكم السلام
شرحك اللي فوق هو سبب خروج الزيت من غطاء الزيت يعني الزيت فوق الMAX بربع
ومع الدوس وسط النفود نزول وطلوع يصير فيه هالتبخير
والمفروض ان الزيت تحت الMAX بالضبط ولا حتى داخل الMAX
جرب خله تحت الMAXعن طريقة الشفط وبحول الله يروح هالتبخير ورد بمشاركه

اخوك
ريثان القصيم

[محمد 2002]

أخوي مشكلتك بسيطة أو ما عندك ان شاء الله مشكلة من الأساس
اول شيء غير الجلدة الي تجي حول غطاء المكينة وإذا ما حصلت غير الغطاء نفسه بواحد ( أصلي )
وثاني شيء طريقة معايرة الزيت
شغل السيارة الين تحتمي أو بعد مشوار قصير اتركها ربع ساعة تقريبا ثم عاير الزيت مرتين للتأكد وإن شاء الله تحصله مضبوط

[باترول5600]

خذ العلم اللي باذن الله هو الوكاد

السبب مسح البنشريه بقطعه القماش في هذا المكان
وهي ماهيب خاليه من الزيت ثم يمسك الغبار في مكان مسح البنشري

يعني ارقد وآمن وموترك مافيه الا العافيه

[سقم المعادي 1]

بدايه ضعف في الشنابريبداء تسرب ضغط الانفجارداخل المحرك ويسبب تطايرلزيت تبداء بعدفتره التهريبات

يارجل قل غيرها تراي تقل اشم بنزين بالعيار بس اتعوذ من الشيطان مافيه دخنه :( ,, طيب ماتصير من بلف التبخير مسدود والزيت صار يبخر مع الغطاء ؟


ممكن الغطاء خربان او ماهو مشدود زين

بالنسبه لعيار الزيت وقفه 24 ساعه على ارض مستويه وقيسه

ترا اغلب البناشر يعبي لك زيت مع السيفون 7.4 بينما الصحيح انه مع السيفون 7 علب فقط يطلع على خط العيار بالضبط وعلى مسئوليتي لاني عانيت من مشكله عيار الزيت يطلع زايد والبنشري بيحاول يقنعك انه 7.4 علب لان مكينته نفس الشاص والربع لكن الفرق انه الجكسار اصغر كرتير

موووووووووفق

بغير الغطاء زود احتياط و الله يعطيك العافيه معلومه جديده علي كنت امشي على كلام البنشري :D



وعليكم السلام
شرحك اللي فوق هو سبب خروج الزيت من غطاء الزيت يعني الزيت فوق الMAX بربع
ومع الدوس وسط النفود نزول وطلوع يصير فيه هالتبخير
والمفروض ان الزيت تحت الMAX بالضبط ولا حتى داخل الMAX
جرب خله تحت الMAXعن طريقة الشفط وبحول الله يروح هالتبخير ورد بمشاركه

اخوك
ريثان القصيم

الله يعطيك العافيه ,, بفك الصره وانزل بعض الزيت و اعايره ان شاء الله يضبط القياس


أخوي مشكلتك بسيطة أو ما عندك ان شاء الله مشكلة من الأساس
اول شيء غير الجلدة الي تجي حول غطاء المكينة وإذا ما حصلت غير الغطاء نفسه بواحد ( أصلي )
وثاني شيء طريقة معايرة الزيت
شغل السيارة الين تحتمي أو بعد مشوار قصير اتركها ربع ساعة تقريبا ثم عاير الزيت مرتين للتأكد وإن شاء الله تحصله مضبوط

يعطيك العافيه


خذ العلم اللي باذن الله هو الوكاد

السبب مسح البنشريه بقطعه القماش في هذا المكان
وهي ماهيب خاليه من الزيت ثم يمسك الغبار في مكان مسح البنشري

يعني ارقد وآمن وموترك مافيه الا العافيه

مالك لوا يالذيب انا يوم شفت الزيت اول مافتحت الكبوت كان زيت جديد ماهوب زي اللي بالصورة تشوفه و لأني قبل لا امشي من الرياض مشيك على الموتر ولا شفت نقطه زيت على المكينه

[الدوسري2010]

هذا بخار زيت وليس زيت اتوقع ان الغطى فيه تنسيم وشكراً وتراه عادي جداً

[حمزةعبدالمطلب]

ممكن الغطاء خربان او ماهو مشدود زين

بالنسبه لعيار الزيت وقفه 24 ساعه على ارض مستويه وقيسه

ترا اغلب البناشر يعبي لك زيت مع السيفون 7.4 بينما الصحيح انه مع السيفون 7 علب فقط يطلع على خط العيار بالضبط وعلى مسئوليتي لاني عانيت من مشكله عيار الزيت يطلع زايد والبنشري بيحاول يقنعك انه 7.4 علب لان مكينته نفس الشاص والربع لكن الفرق انه الجكسار اصغر كرتير

موووووووووفق
بيض الله وجهك ابو راكان
ازود علشان انفق بضاعتة على حسابنا
الزيت زايد او الغطاء خربان
اذا الزيت زايدالشى اذا زاد عن حده انقلب ضده
ملاحظة / اذا الزيت زايد بخرب الصوف
تقبل اخوك

[ابوراكان تبوك]

بيض الله وجهك ابو راكان
ازود علشان انفق بضاعتة على حسابنا
الزيت زايد او الغطاء خربان
اذا الزيت زايدالشى اذا زاد عن حده انقلب ضده
ملاحظة / اذا الزيت زايد بخرب الصوف
تقبل اخوك
ووجهك ابيض اخوي حمزه ومن يقرأ
هي الشغله تصريف بضاعه + جهل
من شريت موتري لقيت العيار زايد وغيرته ونفس المشكله بحثت في النت لقيت اغلب الردود انه زيته 7.4 انتقلت العدوى :)
قلت مالي الا اعبيه 7 علب وفعلا بعد التجربه اتضحت عندي الصوره من ثلاث سنوات وانا على هالطريقه ولا عمره زاد
الربع والشاص كلهن 7.4 :good2:

[أصيل حجآ زي]

http://www.mekshat.com/pix/upload/images39/mk55341_zaz.gif
الحـمـد ُ لله والصـلاة و الـسـلام عـلى رسول الله
وأزوآجـه الـطآهـرآت الـمـُطـهـرآت أُمهـآت الـمـؤمنين
وآله وصحبه ومن وآلآه وجميع الأنبيـاء والـمـُرسلين .
اللهـُم بـك أهـتـدي وبـك أسـتـعـيـن وبنبيك مُحمدٌ أقتدي .




أخي :

أذا صمآم تدوير الغآزآت / المُبخّر { EGR / PCV } !!!

مسدود أو ما يشتغل صح فأنهُ يتولّد دآخل المُحرك ضغط هواء .

وحضرة هواء الضغط المتولّد

دآخل المُحرك { يجي من الأصطوآنآت } .

ويدفع بعض الزيت كبُخآر للخآرج سواء من غطاء الزيت أو مآصورة القيآس .

أو يمكن حتى من الشنآبر يروح بعض الزيت لدآخل الأصطوآنآت / بالعكس .

وأذا وجه رآس المُحرك مهرية يصل الزيت لنظآم تبريد المُحرك .

تقدر تفحص وضود هواء مضغوط بنُفيخاء / بآلونة مشروح بدرسي تحت .

.

وهكذا دوآليك .

طبعآ :

لا شك أن جلدة الغطاء ما تمسك بُخآر الزيت .

لو هي نظيفة وما هي مُسطحة قليلآ كآن ما خرّج الزيت

وأنفقعت عليك صوفة عمود المرفق الخلفية خآصة وحتى الأمآمية .

.

أسم الصوفة

{ كرآنك شآفت سيل Crankshaft seal } :

.

https://www.google.com.sa/search?hl=en&site=imghp&tbm=isch&q=Crankshaft+seal&spell=1&sa=X&ei=aQ8BU_zYOeXJ0AXzoICgCQ&ved=0CE8QvwUoAA&dpr=1.25&biw=1093&bih=498 (https://www.google.com.sa/search?hl=en&site=imghp&tbm=isch&q=Crankshaft+seal&spell=1&sa=X&ei=aQ8BU_zYOeXJ0AXzoICgCQ&ved=0CE8QvwUoAA&dpr=1.25&biw=1093&bih=498)

.

.

.

كيف تعرف وتصون وتوضب وتختبر صمآم المبـُخر {EGR / PCV} بالصور والأشرطة وشروح {DIY} ؟؟؟؟؟؟؟ (http://mekshat.com/vb/showthread.php?t=465656)




تــعــرّف على الفـحـآمة { مبخرة الوقود EVAP Systrm } وكيف تتخلص من ريحة الوقود بسيآرتك !!! (http://www.mekshat.com/vb/showthread.php?p=4853238#post4853238)





الدُخآن الأبيض وكيف تغير وجه رآس المُحرّك وتغيير الجلـّـد ؟؟؟ بالأشرطة والصور والشروح (http://mekshat.com/vb/showthread.php?t=560389)

.

.

لتغيير صوفة عمود المرفق :

.

how to fix crankshaft seal - YouTube (http://www.youtube.com/watch?v=KgFewJzkwK8)

.

.

Two Stroke Right Crank Seal Replacement Yamaha YSR50 - YouTube (http://www.youtube.com/watch?v=lkwL7MQpFKM)

.

.

.

Front Crankshaft Oil Seal Replacement - YouTube (http://www.youtube.com/watch?v=rYTDMwxw4Ds)

.

.

.

Fixing An Oil Leaking Crankshaft Seal - YouTube (http://www.youtube.com/watch?v=fkmFa9KFDoA)

.

.

.

How to replace a crankshaft timing seal. Tips and Tricks - YouTube (http://www.youtube.com/watch?v=r8dwM_CVfCo)

.

.

.

Rear Crankshaft Seal Replacement - YouTube (http://www.youtube.com/watch?v=kDgrauEOBNM)

.

.

.

crank seal replacement.wmv - YouTube (http://www.youtube.com/watch?v=jfqhY2RF2c4)

.

.

.

How to Replace Crankshaft Oil Seal and Crankcase Gasket on 5 HP Briggs (similar on any small engine) - YouTube (http://www.youtube.com/watch?v=B3zB03jvkwQ)

.

.

.

Timing Belt & Crankshaft Seal Replacement - YouTube (http://www.youtube.com/watch?v=bf93v-d3Kdc)

.

.

.

1995 Subaru Legacy L - camshaft and crankshaft seal replacement - YouTube (http://www.youtube.com/watch?v=PVBzT_sqNOI)

.

.

.

موفـق
وتلقى خير بأذن الله

""" و الله ُ أعـــلـم وأكــمـــل """

تـــآبــع دروســي لـلـفـآئـدة
فأنا أُلفها وأجمعها لك بلا كلل أو ملل :
كـيـف تـُـصـبـح مـُهـنـدس سـيـآرآت وكـهـربائي سيارآت ومـنـآزل ؟؟؟ 100% (http://www.mekshat.com/vb/showthread.php?t=226714)
.

.

أخي :

هـذا تحــت رآبــط دروسي

أُهـــديــــه لـكـــُـم جـمـيـعــآ خآصة :
دروس ألأصيل الحجآزي (http://www.mekshat.com/vb/search.php?do=finduser&u=127328&starteronly=1)









.

أخي :
أن تـرى أني
قـد أفـدتــُـك بــشيء ذي مـعـنى ... :)




وأستحق مـــــنــــــك دعوة صالحة
فــــــــــــــــــلا تــنــــــــــــــســآني :no2:
مـــــن صــــــآلـح دُعــــآك
فأنت كريمٌ وأنا أستآهل .
:burnout2:




تـحـيـــآتي
بــلا حـدود ولا سدود .

.
<<< أبـو عـبـد الـرحـمـن >>>
""" الأصـيـل الـحـجـآزي """

[بشير حسن]

وعليكم السلام ورحمة الله وبركاته

أخوي أنصحك قبل لاتغير شئ لابد أنك تتأكد منه بشكل جيد ولك طريقتين انصحك تعملهم وتسويهم بنفسك
خذ لك قطع من القماش وامسح مكان الزيت الظاهر لك وكذلك فك غطاء تعبئة الزيت وامسحه بشكل مضبوط وشغل السيارة وجرب اذا استمر ظهور الزيت مثل ماهو بالصورة معناته انه غطاء تعبئة زيت المكينة خربان ويحتاج للتغيير

طريقة ثانيه وهذي استخدمها كثير ومجربه اذا كان عندك بخاخ منظف الهوبات انصحك والسيارة دافية يعني بعد ماتشغل الموتر ويسخن ويصل الى درجو الحرارة الاعتيادية اطفئ الموتر ورش مكان الزيت وترى بخاخ منظف الهوبات سريع التبخر والجفاف وبعدها فك غطاء تعبئة الزيت وبخ عليه حتى ينشف ويجف وبعدها ركب الغطاء وجرب السيارة وشوف اذا استمر التهريب أو ظهور الزيت مثل ماهو موجود بالصورة معناته الغطاء يحتاج للتغيير واذا اختفى ظهور الزيت بشكل نهائي معناته أنه هذا أثر انسكاب زيت سابق ناتج من تعبئة زيت المكينة وفي هالحالة تقطع الشك باليقين أنه الغطاء مافيه شئ

[سقم المعادي 1]

اشكركم جميعاً على ردودكم

حصلنا بلف التبخير مسدود و يمكن تشوفون مكانه في الصورة الاولى فوق غطاء البلوف عليها تراب (تكرمون) متجمع حوله من الزيت اللي يطلع مع اطرافه بروح بكره الصباح اغيره ان شاء الله مع غطاء الزيت للاحتياط و عساها منه ماهي من شيء ثاني

[ريثان القصيم]

بروح بكره الصباح اغيره ان شاء الله مع غطاء الزيت للاحتياط

اخوي قبل تكلف على قيمة غطاء زيت المكينه جرب تلف عليه تيب او شطرطون السباكه الابيض
مثل اللي بالرابط
http://images.wisegeek.com/plumbers-tape.jpg

ورد وش يصير معك

اخوك
ريثان القصيم

[ع ــقــاب]

اخوي جرب تنظف بلف تبخير الزيت وان شاء الله تنحل المشكلة
وهذا موضوع لتنظيفه مطبق على مكينة لاندكروزر نفس مكينة موترك بالضبط ,
http://www.mekshat.com/vb/showthread.php?p=9833777