حادث سير بسبب قطعه من عروق الشمال

[وسيع الصدرر]

http://i247.photobucket.com/albums/gg130/dehraan/aa11/shborah/besmallah3.png

هلا بالجميع كما بالعنوان حادث بسبب هوك شريته من عروق الشمال ببريده كنت توي مركب الهوك على الكرفان وشابكه بالموتر وطلعت فيه اثنا سيري فيه وبسرعه تقريبآ 60 كيلو متر انفك الكرفان من السياره بدون اي سبب لامطب ولا اي شي والاغرب اني مركب مسمار الامان وصدم برصيف الحمدلله الصدمه خفيفه ولا تاثر بالكرفان الا المحور الامامي غيرته والباقي سليم لاكن كيف انفك من هوك السياره ؟؟ كيف طلع ؟؟ مانقول الا حسبنا الله ونعم الوكيل

اليكم الصور



http://www.mekshat.com/pix/upload01/prof024/mk17809_hook1.jpg
بالصوره الي فوق يشبه الي شريت من عروق الشمال وليس هو




http://www.mekshat.com/pix/upload01/prof024/mk17809_hook2.jpg
تضرر المحور الامامي




http://www.mekshat.com/pix/upload01/prof024/mk17809_hook3.jpg
الحمد لله الي جت برصيف لو صادم سيارات ولا اوادم من المسؤول مانقول الا حسبنا الله ونعم الوكيل

[وسيع الصدرر]

ياليت الاداره او المشرفين يصغرون الصور ماعرفت اصغرها

[اخوالنشاما111]

الحمدلله على السلامه

[ابو فارس66]

الحمد لله على سلامتك . عساك بس اخذت تقرير من المرور ان السبب هو الكرفان ورح لصقه بجبهة مسؤلي عروق الشمال

[درباس فرناس]

الحمدلله على السلامة والله يخلف عليك بخير

[ابو شكاع]

الحمد لله على السلامة ياخوك
وزين بعد ماكان خلفك أحد وتضرر

[مريقب العيفار]

سؤال : الهوك هل هو مستورد او شغل محلي؟

اذا مستورد فما يلحقهم ملام

اذا شغلهم فيلحقهم الملام

[اخوك يالذيب]

الف الف الحمد لله على سلامتك

الحق عليك

في مثل هالامور احرص على شراء الموثوق والاصلي

ومعروف ان السوق اصبح مليء بالتجاري

[المتلولس]

الحمدلله على السلامة

[bbaass]

الحمد لله على سلامتكم لان الكرفان خطير جدا

[وسيع الصدرر]

الله يسلمكم ماقصرتو
نصيحه للاخوان الي يسحبون قلوص او كرفانات حتى تعم الفايده كما ترون هوك البيضه خطر جدآ وسلمنا بتوفيق الله
البديل هوك الباترول الاسود ابو قفل مستحيل يطلع منه مع اضافه سلسله من السياره الى المقلوص حتى لو انفك وهذا مستحيل مع هوك الباترول مايبعد عن السياره اكثر من 10 سانتي بعد توفيق الله

[وسيع الصدرر]

اخوي bbaass بالعكس امن جدآ لاكن تجارنا هم الخطرين انا شفت كرفان مستورد مشبوك على سكويا بهوك البيضه فشريت مثله الفرق ان المستورد جاي معه هوكه كل شي اصلي وانا شريته من هنا احسبه مثله حسبي عليهم حتى اني مااضفت سلسله لوثوقي فيه لاكن فيه بديل

[وسيع الصدرر]

ابوفارس توي اشوف ردك لا والله اخذته ومشيت

[شهاب الظلام]

الحمدلله على السلآمة . ومعوض خير .
ومشكور للتنبيه بارك الله فيك .

[نوماس1]

الحمد لله على السلامة
على طول حطيتها بضهر عروق الشمال او غيرهم ليش ما تكون انت ما غرفت تركب الهوك او المقطورة بالشكل الصحيح

[ابوغريب2006]

دايم نحط اللوم على الاخرين

[فهد-بوعبدالله]

:good::good::good::good:
دايم نحط اللوم على الاخرين

[زيــآدِ]

كلامي ليس دفاعاً عن عروق الشمال ولكن المفروض انك تلحم صاموله الهوك علشان ما تنفك معك بالطريق وتتأكد من الهوك وقوة تحمله لسحب الكرفان

[دانفوس]

اخي الحبيب للمعلومه فقط

الرمانه له مقاس بالانش وكذلك القاعدة التي تركب فيها الرمانه نفس الشي لازم تكون الارقام متطابقه

[الفريح1]

لاتزعل مني انت مخالف بعدم وضعك لوحة السيارة على الكرفان بعدين الهايلكس احس انه صغير على الكرفان لسحبه بتسوي مشكلة في الطريق. واذ بغيتا تربط شي في الهوك ثقيل زي ما قالو الشباب اربطة زود بالسلسلة
والله يعوض عليك .

[ابو التوليف]

الحمدلله على السلامة

العامل اللي مسويها شكلة من قوم مشي حالك

لكن تأكد من مسامير التثبيت والامان اكيد فيه خلل

بالتوفيق

[عطارد]

الحمد لله على سلامتك
من استرخص اللحم خانه المرق
بالنسبة للكلمبز اللي يمسك الرمانة احرص على أي من النوعيات التاليه امريكي انجليزي او الماني وبتلقهاهم عند شركات لوازم المعدات البحريه المشهورين او في اوتومول بالشرقيه او السليماني بالرياض صحيح سعره ثلاث اضعاف التقليد بس انت بتشتريه مره وحده وخلاص بعدين وش قيمته مقابل قيمة الكرافان واحرص على الرمانه الامريكيه الاصليه وان حصل اللي تجي ملحمه في القطعه اضمن ولازم يكون بالكرفان سلاسل مع الجهتين بشنكار وتعلق بالسياره من جهة القلص علشان في حالة لا قدر الله وانفصلت الرمانه تبقى الكرافان مثبته بالسياره.

والله الموفق

[دهران]

الله يعيننا ويعينك
لكن كان من الأفضل أن تتواصل مع ادارة عروق الشمال أولاً فربما يكون هناك تفسير لما حدث

أرى أن سبب ما حدث هو إن الهايلكس غير مناسبة لسحب الكرفان بل تحتاج سيار ارفع شوي مثل الجمس والجيب

[بر الوالدين]

الحمد لله على السلامه و جت سلامات و لله الحمد




كلامي ليس دفاعاً عن عروق الشمال ولكن المفروض انك تلحم صاموله الهوك علشان ما تنفك معك بالطريق وتتأكد من الهوك وقوة تحمله لسحب الكرفان



هذا الكلام : طابق و قارن و بالعقل قرر


هل الهوك يتحمل سحب كرافان ؟؟


ثم قارن بين الهايلكس و الكرافان ، و الوصله اللي بينهم


سواء كانت هوك أو حتى سلسله هل تتحمل السحب وما تنفك ؟؟

[الصقار10]

اخي الحبيب للمعلومه فقط

الرمانه له مقاس بالانش وكذلك القاعدة التي تركب فيها الرمانه نفس الشي لازم تكون الارقام متطابقه
:good::good::good:
وانا حصلت معي وكان السبب مقاس الرمانه (البيضة)

[وسيع الصدرر]

الحمد لله على السلامة
على طول حطيتها بضهر عروق الشمال او غيرهم ليش ما تكون انت ما غرفت تركب الهوك او المقطورة بالشكل الصحيح

الله يسلمك الطريقه اعتقد بسيطه جدآ مع اضافه مسمار الامان

[وسيع الصدرر]

دايم نحط اللوم على الاخرين


نحط الوم اذا اخطو وفيه برهان

[وسيع الصدرر]

اخي الحبيب للمعلومه فقط

الرمانه له مقاس بالانش وكذلك القاعدة التي تركب فيها الرمانه نفس الشي لازم تكون الارقام متطابقه

القاعده الي تركب على الكرفان والرمانه (البيضه) الي تركب على السياره شاريهن مع بعض من معرض عروق الشمال ومطابقهن على بعض ومتاكد منهن مشكور يالغالي

[وسيع الصدرر]

لاتزعل مني انت مخالف بعدم وضعك لوحة السيارة على الكرفان بعدين الهايلكس احس انه صغير على الكرفان لسحبه بتسوي مشكلة في الطريق. واذ بغيتا تربط شي في الهوك ثقيل زي ما قالو الشباب اربطة زود بالسلسلة
والله يعوض عليك .

ماهنا زعل ياحبيلك مكان الوحه موجود جنب الاسطبه الي باليسار انا الي ماركبته لان المشاور قريب وتساهلت ولا غلط . الهايلوكس ماهي صغيره لان هذا كرفان بمواصفات اوربيه يعني خفيف بامكان رجل واحد يحركه من مكانه بكل سهوله لانه خفيف جدآ

[وسيع الصدرر]

الحمدلله على السلامة

العامل اللي مسويها شكلة من قوم مشي حالك

لكن تأكد من مسامير التثبيت والامان اكيد فيه خلل

بالتوفيق


الله يسلمك الخلل ان الرمانه (البيضه) طلعت من القاعده ولا المسامير مثبته ومسمار الامان موجود شاكر لك

[وسيع الصدرر]

الحمد لله على سلامتك
من استرخص اللحم خانه المرق
بالنسبة للكلمبز اللي يمسك الرمانة احرص على أي من النوعيات التاليه امريكي انجليزي او الماني وبتلقهاهم عند شركات لوازم المعدات البحريه المشهورين او في اوتومول بالشرقيه او السليماني بالرياض صحيح سعره ثلاث اضعاف التقليد بس انت بتشتريه مره وحده وخلاص بعدين وش قيمته مقابل قيمة الكرافان واحرص على الرمانه الامريكيه الاصليه وان حصل اللي تجي ملحمه في القطعه اضمن ولازم يكون بالكرفان سلاسل مع الجهتين بشنكار وتعلق بالسياره من جهة القلص علشان في حالة لا قدر الله وانفصلت الرمانه تبقى الكرافان مثبته بالسياره.

والله الموفق

الله يسلمك شاكر اهتمامك غرتني سمعه عروق الشمال اسمع الربع يمدحونه لاكن الان غيرت الهك كله لهك باترول امن شاكر لك

[وسيع الصدرر]

الله يعيننا ويعينك
لكن كان من الأفضل أن تتواصل مع ادارة عروق الشمال أولاً فربما يكون هناك تفسير لما حدث

أرى أن سبب ما حدث هو إن الهايلكس غير مناسبة لسحب الكرفان بل تحتاج سيار ارفع شوي مثل الجمس والجيب


امين المشكله سارت بالرمانه والقاعده الساحب والمسحوب مالهن علاقه كما ذكرت الكرفان خفيف

[وسيع الصدرر]

الحمد لله على السلامه و جت سلامات و لله الحمد







هذا الكلام : طابق و قارن و بالعقل قرر


هل الهوك يتحمل سحب كرافان ؟؟


ثم قارن بين الهايلكس و الكرافان ، و الوصله اللي بينهم


سواء كانت هوك أو حتى سلسله هل تتحمل السحب وما تنفك ؟؟

شاكر لك اخوي الكرفان موجود بصناعه الرواف ببريده لمن اراد التاكد من خفته او مراسلتي على الخاص

[الوافي.]

لابد ان ترجع لعروق الشمال واطلاعهم على الهوك لكي يتلافوا حدوث حوادث مستقبلا ان شاء الله

[ابونادر1111]

الكرفان من الصوره غير متزنه الثقل اكثر من ورا ويرفع الهوك الى الاعلى وخصوص مع المطبات

[saleh9888]

الحمدلله على السلامة عساه سلامة دايمة يارب

[وسيع الصدرر]

الكرفان من الصوره غير متزنه الثقل اكثر من ورا ويرفع الهوك الى الاعلى وخصوص مع المطبات


غير صحيح اخي الفاضل المحاور جايه بنص

[أبوفاطمة]

أولاً الحمدلله على سلامتك و لو سمحت وين صنعة هالكرفان؟

[وسيع الصدرر]

أولاً الحمدلله على سلامتك و لو سمحت وين صنعة هالكرفان؟


الله يسلمك هذا انا مسويه كان تبي ازين لك واحد ههه

[العنابي 616]

الحمدلله على سلامتك
إحتمال تكون المقاسات ما هي متطابقة و هذا وارد جدا العمال أغلبهم ما يعرفون هالشي و العين ما تكفي لازم تطابق الأرقام
أو ممكن يكون اللسان اللي يقفل على الرمانة خربان أو ما تركب صح

[مرابع الربيع]

حمدا لله على السلامة ...والحذر يا اخوان من المنتجات الرخيصة الموجود بمحلات الزينة ..اهم شي هو حساب الاوزان للقطر ووضع السلاسل احترازية مع الهوك علما افضل شي لتحمل السحب هو الهوك الاصلي لتويوتا ابو قغل لانه يحمل الى خمسة طن انا اسحب عليه مقطورة محملة وزن طن وثلاث مائة منذو اثنا عشر عام بر وخط وحتى طلوع جبال وماشاء الله ورغم ذلك محاط بعدة سلاسل في حالة اي طاري تكون مجهزة وقريبة من الهوك حاملة وساحبة في ان واحد والله يحمي الجميع

[بو اليازية]

حمد لله على سلامتك

اخي الكريم

المفروض قطعة الهوك تكون مناسبه مع الرمانه
http://www.mekshat.com/pix/upload06/images/2014/02/mk88837_0004289970113_500x500.jpg
http://www.mekshat.com/pix/upload06/images/2014/02/mk88837_heavy-duty-1-7-8-x2-ball-coupler-hitch-ball-coupler-2000lbs-4x4-trailer-coupler-off.jpg_350x350.jpg


و كيبل او سلسلة الامان تكون موصولة
http://www.mekshat.com/pix/upload06/images/2014/02/mk88837_prowlertrailer006 (1).jpg
http://www.mekshat.com/pix/upload06/images/2014/02/mk88837_prowlertrailerhitchreceiver-13.jpg
http://www.mekshat.com/pix/upload06/images/2014/02/mk88837_22.jpg

[قناص2000]

الف لاباس عليك ياخوي والحمد الله على السلامه.

[عبدالرحمن305]

السلام عليكم ورحمة الله وبركاته
الحمدلله على السلامه
وهذا النوع من الهوك لا يصلح نهائيا
لا محلي ولا مستورد ولا حتى من ذهب
ويجب الا يباع هذا النوع بالذات بالأسواق
ولو كان بسلاسل
تثبت في جميع اتجاهات الهوك
هذا النوع غير امن في الطرقات

[اسدهم]

شف الرمانة اذاصارت نفس رقم الانث تسحب قلص واللة ماتدري اماالقلب المسما عند اغلب اناس او حق تايوتاا مع السحب احس افية في الوقفة يعني ينتل الموتر علا طول في الوقوف او المشي تحس انة يدفك ونا من المستخدمين القلص. ونا مرتاح علا الرمانة وتامين السلاسل. .

[أطلال نجد]

أخوي وسيع الصدر الله يوسع صدرك بالعافية

الونيت غير مناسب أبداً لقطر كرفانة بهذا الحجم مهما كانت خفيفة أنتبه

مع أن مقدمة الونيت في الصورة لا توحي بخفة الكرفانة

[رسيس نجد]

الحمد لله على سلامتك
انا مع فكره اخونا وسيع الصدر 0لانها صارت معي وستر الله علينا 0
لبد من تأمينه بسلسله 0وهو من فعل السبب والتوكل على الله 0

[عبدالله KK]

الحمدالله على اسلامه .

[كم كيلو باقي]

الحمدلله على سلامتك

[aziz2727]

اذا فعلاً انفصل الكرفان عن القلص بدون مطب او اي شيئ اخر
فأكيد ان مقاس الرمانه لا يتناسب قطعة القلص والاكيد انها اصغر
تأكد .. دائم نسحب قلوص وما واجهنا مشكلة مع العلم ان القطع تم شرائها من هنا ونوعيه عادية

[ابوخالد كشات]

الحمدالله على السلامه ومانقول الا حسبنا الله ونعم الوكيل

[crash-91]

الحمد لله على السلامة