تفتفه بالفتك 2002

[سفاري 95]

الله يمسيكم بالخير جميع

عندي السياره تتفتف بالقومه وتناتع شي خفيف وطفشتني هالعله وكمان وهو واقف تحس به ينتع وكل من ركب معي يقول وشفيها السياره تتف .. مع العلم انه لمن احط النمره على وضعيه ( N) تروح المشكله حتا لو ادوس ابنص مافي اي مشاكل .. فقط لمن اعشق نمره

هل هو منظم الهواء ؟؟؟؟ واذا كان هو ممكن حد يعلمني كم سعره وكاله

مع العلم ان البواجي +فلتر البنزين جديده مالها شهر
افيدوني الله يجزاكم خير

[nasser28]

حياك الله ياغالي
انا معي باترول 2000 مكينة 4500 صار مع موتري نفس موترك
عند التعشيق من N اى D في بداية القومة والدعسة السيارة تنتفض وفيها زي الكتمة والرجة الخفيفة واكثر شي تجيب اذا انت بوسط زحمة توقف وتدعس تحس فيها
شيكت على الاتي :
تم تغيير البواجي
تم تغيير اسلاك البواجي
تم تغيير فلتر البنزين
تم تغيير فلتر الهواء
تم تغيير الخرطوش الكبير ( يجي ربل ) الواصل من بوابة الثروتل
والاهم تنظيف بوابة الثروتل والمنتدى مليان دروس حول موضوع التظيف .
اتمنى اني افدتكم اخي الكريم .. اعمل الي قلتلك علية وعلمنا وش يصير معك .

[sgl2002]

الثروتل نظفه

[الحربي 591]

غير البواجي
و اسلك البواجي
واذا ما صار شي غير الكويلات

[ابوسند9]

هلا فيك
المنظم عندك كويس لو هو عطلان كان السياره ما توصل 100
ومشاكل التفتفه صعب حصرها لكن انا راح اقولك ايش تفحص
خرطوش القربه فكه وشيك عليه
فلتر الهواء اذا متسخ او قديم
صفاية بنزين
ضعف طرمبة البنزين
فحص الكويلات

[مهند 2009]

هلا وسهلا فيك

مشكلتك والله أعلم بالقير لأانك تقول بالفاضي صافي ولا فيه خلاف

1- قد يكون زيت القير قديم ويلزمك تغييرة .

2- كتاوتات القير .

3- حساسات القير .

مجرد أحتمالات وابدأ بالزيت أولا

[سفاري 95]

الله يجزاكم خير جميعا

انا سويت كشف كمبيوتر على السياره وماطلع شي ابد .. يقول كل شي تمام

بس انا من فتره غيرت تانكي بنزين كامل مع الطرمبه اللي فيه اخذتها تشليح لاكن حق باترول موديل 2001 - 4500
وانا سيارتي 4800 ممكن تكون العله من الطرمبه تختلف عن الفتك ؟؟؟؟

لاعدمناكم

[مستعد للتضحية]

السلام عليكم
سبب المشكله يا اخوي تكون من 3 امور

1 فيشت دعست البانزين تكون مرتخيه يعني مو راكبه عدل حاول انك تكبسها عدل ومكانها يكون تحت لهات المحرك حق الشوته (فلتر الهواء) يعني فوق المنيفولت تقريبا وهي عباره عن فيشتين وحده لون ازرق والثانية اظن ادعم


2 ربل الشوته اللي يركب ع لهات المحرك اللي يكون بنهاية الشوته (فلتر الهواء) يكون منشق والحل اما انك اتيبه بتيب عريظ يعني لزاق قوي يتحمل الحراره او تبدل

3 والاحتمال الثالث وهذا اعتقد هو السبب وهو اقوى الاحتمالات اسلاك فيشة المترجم اللي يكون بالمنتصف بين ربلة اللهات وفلتر الهواء تكون فيها اللتماس او مرتخيه او مو راكبه عدل روح حق كهربائي شاطر يسويها لك ويضبطها
وشيك ع بطارية السياره احتمال فيها ضعف وافصل اصبع البطاريه الاحمر مدة 15 دقيقه لاعادة برمجة السياره
وشكرا يا الغالي

[سفاري 95]

اخوي ( مستعد للتضحيه ) لاعدمناك ي غالي

توي جاي من الورشه وكشفت ع السياره بالكمبيوتر للمره الثانيه ولا طلع اي مشاكل ويقول ماعندك مشكله كهربائيه ابد

بس قال لي شغله ولاادري عن صحتها يقول عندك البلوف يبيلها صنفره على كلام المهندس

اما افياش دعسه البنزين فأن شاء الله اشيك عليها اليوم .. والبطاريه جديده مالها ثلاث شهور

الله يوفقنا واياكم

[أبو الوليد 14]

اقرب مخرج لهم يقولون لك بلوف
الاخوة ماقصرو معك لكن بعيد كلامهم مرة ثانية للفائدة
ركب طرمبة بنزين فتك وغير الصفاية بطريقك
فلتر هواء
خرطوش الفلتر
نظف الدعسة او الثروتل
نظف حساس الهواء بمنظف الكتروينات من ساكو
شيك على فيش الحساس لايكون فيه سلك مرتخي يكربن لك الموتر ويلعب في الضغط احيانا
افياش الدعسة كذلك
غير كتاوت الدعسة
بواجي كوايل هذي استبعدها لكن مايضر انك تشيك عليها
حط منظف ميتسوبيشي في تانكي البنزين وامسك خط ينظف لك البخاخات
طبعا الشغلات هذي في الفتك خاصة لها اثر كبير في تفتة الموتر والتقطيع
الله يعينك وتحصل مكان الخلل ان شاء الله
بالتوفيق

[سفاري 95]

لاهنت يابو الوليد14 بيض الله وجهك

[ابوسند9]

ما دام الطرمبه بتاع 4500 المشكله منها 100%
وللعلم ملاك 4500 يركبون طرمبة فتك

[سفاري 95]

لاهنت يابو سند 9

ان شاء الله اني راح اغيرها وبأذن الله تروح التفتفه

الف شكر للجميع