نصيحتكم لي ولغيري بخصوص تغيير القزاز الأمامي

[ع ــقــاب]

السلام عليكم ورحمة الله وبركاته , يالربع سيارتي انكسرت فيها القزازة الأمامية وأنا ناوي أغيرها لأنها ماتتلحم , المهم ابي نصيحتكم اغيرها بالوكالة ولا في المحلات اللي بالصناعية وكيف تركيبهم لأني سمعت ان شغلهم يمكن ينسم هوى وموية , ولا اودييها للوكالة , واذا فيه قزاز نفس جودة الوكالة ياليت تعلموني بأفضل النوعيات لأن بعض القزاز يطلع عليها بخار وقت البرد والأمطار مايروح إلا بطلعة الروح ,,

السيارة ربع تويوتا,,,,

[سيف وقلم]

جميع المحلات ضمان سنة.

يوجد نوعين في السوق صيني ونوع سعودي.

الأسعار،فيه عندك محلات كبيرة مثل السالم عنده نوع صيني وكذلك محل جنبه أظنه الزاهر عنده نوع سعودي سعرهم 350 ريال.
بينما المحلات الأخرى 220-250 ريال
طبعا تختلف الأسعار على حسب مقاس القزازة لكن هذي تسعيرتي لقزازتي يوم أغيرها.

وسبب الإختلاف فيما أتوقع إن المحلات الكبيرة عمالتهم فلبينية والمحلات الأخرى من اليمن الشقيق. خبري بهم من زمان، يمكن الحين تغيروا وصاروا من اليمن.

ولا أحد يفهمني غلط، ولاهو قصور في أهل اليمن، لكن في الشغل والحرف في الغالب ما عندك أحد.

بالنسبة للغراء يزعم أصحاب المحلات الكبيرة إن اللي عندهم ألماني.


بالنسبة للأمان السيكورتي بالنسبة للزجاج جميع الأنواع مطابقة للمواصفات.

الهواء فيك فيك، لن يرجع مثل المصنع مهما كانت كفاءة التركيب.

الضباب لاحظت فيه ضباب مع المطر، حتى حق الوكالة نفس الشئ.

[ع ــقــاب]

سيف وقلم , بيض الله وجهك وعسى الله يكتب اللي فيه الخير والصلاح

[bad boy]

اخوي وش موديل موترك ؟؟
اذا كان موديله من 2009 وتحت مايحتاج سيلكون لان القزاز يركب على جلده
ويركبونها بحبل يلف على الجلده ويسحب حتى يركب القزاز والجلده
اما الموديلات من 2010 وفوق يحتاج سلكون
وبالنسبة للقزاز ترى مايفرق السعودي عن الوكاله كلها تنكسر وكلها ترمل
يعني لو ركبت سعودي او صيني او ياباني نفس الشي الفرق بالسعر فقط
وبالنسبة للهواء اذا كان التركيب صحيح والسلكون مافيه فراغات انسى الهواء

[ابوراكان تبوك]

افضل نوع من المحلات الماليزي قيمته اخبرها 220 وعليها نفس ختم الوكاله
لكن دام معك ربع من 97 وفوق ترا قزازه يجي عشبي وليس ابيض صافي انتبه لهذه النقطه لان اختلاف الوان الزجاج يشوه السياره

[ملك السيييف]

عن تجربة ركبت مرتين من المحلات ولا عانيت من اي مشكلة ولله الحمد

[سقم المعادي 1]

السالم نظيفين كـ شغل اما قزازهم فهو نفس الموجود بالسوق لذلك انت اذا تبي شغل نظيف عليك بالسالم لو زاد خمسين مهب مشكله المهم شغل نظيف

بس فيه نقطه ابيك تنتبه لها انا غيرت قزازة قبل ومن العجله ماركزت فيها قلت له يالله ركب و يوم ركب وخلص شفت العاكس حق الشمس اللي يجي فوق ببدايه القزازه عند التنده حق الوكاله يجي اخضر غامق اما اللي ركبتها انا جاي بنفسجي و جاي اطول من قزازه البلد كأنه قزاز المرسدسات القدام ولا عاد اقدر اقول له فكها لأنه ورانياها قبل وقلت له ركب مادققت

[ع ــقــاب]

بيض الله وجيهكم جميعاً , ويعلم الله اني استفدت من ردودكم , الله لايحرمكم الأجر

[ابوسند9]

وعليكم السلام
نصيحه اخوي ركب وكاله لو تكون ب 1000 ريال
بسبب موقف صار لي عرفت قيمة الاصلي

[سيف وقلم]

وعليكم السلام
نصيحه اخوي ركب وكاله لو تكون ب 1000 ريال
بسبب موقف صار لي عرفت قيمة الاصلي

أبو سند علمنا الموقف عشان نستفيد..

[ع ــقــاب]

وعليكم السلام
نصيحه اخوي ركب وكاله لو تكون ب 1000 ريال
بسبب موقف صار لي عرفت قيمة الاصلي



الله لايهينك لو تعلمنا بالموقف علشان الجميع يتلافونه . منكم نستفيد والموضوع لتبادل الخبرات

[SHUGE]

اضيف لكلام اخواني الكرام

الفرق بين القزاز الاصلي والتجاري الاصلي عمره ما يتطاير في الوجه في حالة الحوادث او الضربات (الاجسام الصلبة المتطايرة )الله يكافينا شرها اما التجاري يشلخ وجهك تشليخ الله يكافينا الشر .

تحياتي للجميع .

[caddboy]

والله وانا اخوك مالك الا الاصلي في هذي الامور...
انا عن تجربة خديت قزاز صيني ب 280 ريال مع ان سعر الاصلي 980 بعد الخصم . المهم ركبت الصيني
ومن هنا بدا الاختلاف...
1 المكيف ماصار يبرد والسبب الحرارة الي تجيك من اشعة الشمس .
2 بعد فترة يمكن شهرين بدات القزاز تنعج بصورة مو طبيعيه وفي الليل لما يجيك نور سيارة في الوجه الله يعينك انواع الالوان
تشوف قوز قزح ....
فبعد 4 شهور بدلتها بالاصلي من الوكالة...
ورجع المكيف ثلوج ولا عج ولا قوز قزح.


وسلامتكم

[سيف وقلم]

اضيف لكلام اخواني الكرام

الفرق بين القزاز الاصلي والتجاري الاصلي عمره ما يتطاير في الوجه في حالة الحوادث او الضربات (الاجسام الصلبة المتطايرة )الله يكافينا شرها اما التجاري يشلخ وجهك تشليخ الله يكافينا الشر .

تحياتي للجميع .



هل أنت متأكد من هذه المعلومة أخوي وإلا تتوقع؟

[عبقري91]

جبتها على الجرح. كان معي باثفندر. ورمله القزاره. مرين عند محل بنسيم. لقيتهم. يمنيين. المهم انا وياهم مكاسر. لين١٨٠ ريال. طبعن بعضها. اذا جتها الحراره نجيك فيها الوان. معناته مهي بصليه او جودتها زفت
اخذت شيً طيب. الي يجي لون اخظر فوق. وهم قاعدين يفكون القزازه انواع. تجريح الاصابع. وكسروها علي. ونزل بعض القزاز بسياره. قلت ليتني ماركبت عندهم. ويوم جو يحطون السلكن. شغل ابو كلب. سلكن واحد وباقي ربعه. موجود حق سسباكه. بعد يومين. اذا عديت ٨٠ طلع صوت. هواى. وادفها بيدي تسمع صفير. قلت اقول. رح السالم. والله. مشاء الله. شغل عدل سلكن جوده عاليه. وخلصو. ٢ سلكن عليه. ونظف المكان ولزق صح. وانا جالس اتقهوا شاهي. كلفتني ٢٢٠ ريال. والله فرق السماء عن الارض. شغل نظيف.
ولا كد سمعت احد سبهم.

[ابوسند9]

اضيف لكلام اخواني الكرام

الفرق بين القزاز الاصلي والتجاري الاصلي عمره ما يتطاير في الوجه في حالة الحوادث او الضربات (الاجسام الصلبة المتطايرة )الله يكافينا شرها اما التجاري يشلخ وجهك تشليخ الله يكافينا الشر .

تحياتي للجميع .
هذا الكلام اللي يجمد على الشارب
واحب اضيف حاجه ليته على شلخ الوجه بس
احد الاصدقاء توفي اخوه قبل اربع سنوات بسبب حجره من سياره اخرى ,واقسم بالله وكان المتوفي الله يرحمه راكب في المرتبه الخلفيه وجاء الحجر في راسه ,,لكن نقول يومه وقضاء وقدر
ونا يا جماعه كان راكب معي احد الزملاء وفيه طريق مسارين فقط ووجهتنا تريله ووطى حجر بحجم كف اليد وجاء الحجر بالقزاز الامامي ومقابل الراكب تماما , تهشم الزجاج الامامي فقط ,,,وانا متاكد مليون با الميه لو الزجاج عندي تجاري ان تحصل مخه في سقف السياره
والله يكفينا وياكم الشر

[SHUGE]

هل أنت متأكد من هذه المعلومة أخوي وإلا تتوقع؟

مع التحية

علي سبيل المثال سعر التجاري 200 ريال والاصلي 1000 ريال ؟

هل ستكون الجودة والسلامة والرئيا متماثلة ؟

[صياد الخبر]

السلام عليكم

موضوع مهم جدا وجاء في وقته

سؤال يطرح نفسة

لماذا ترمل الزجاج رغم الموديل الحديث وقلة الاخطوط وايضا قلة تعرضها للشمس
حاصل معي لكن ماهي الغباشة الى ما تشوف وطاقتن الحسوفة ابدلها او لا

الموتر 2011 فورتشنر

انصحونا

بارك اله فيكم

[SHUGE]

هذا الكلام اللي يجمد على الشارب
واحب اضيف حاجه ليته على شلخ الوجه بس
احد الاصدقاء توفي اخوه قبل اربع سنوات بسبب حجره من سياره اخرى ,واقسم بالله وكان المتوفي الله يرحمه راكب في المرتبه الخلفيه وجاء الحجر في راسه ,,لكن نقول يومه وقضاء وقدر
ونا يا جماعه كان راكب معي احد الزملاء وفيه طريق مسارين فقط ووجهتنا تريله ووطى حجر بحجم كف اليد وجاء الحجر بالقزاز الامامي ومقابل الراكب تماما , تهشم الزجاج الامامي فقط ,,,وانا متاكد مليون با الميه لو الزجاج عندي تجاري ان تحصل مخه في سقف السياره
والله يكفينا وياكم الشر


من واقع تجربة والسلامه من الله سبحانه وتعالى .

الحمد لله على السلامة .

تحياتي للجميع .

[SHUGE]

مقترح


وان اضطرت لتركيب القزاز التجاري لظرف ما يمكن حماية القزاز الامامي من التطايرحماية جزئية بتركيب فلم شفاف او درجة 01 (تظليل) وان شاء الله يقيك شر الطريق بأذن الله ولا ننسى اخذ في الحسبان عدم حجب الرؤيا بزيادة درجة التظليل للقزاز الامامي خلال الفترة المسائية بوجه الخصوص.
تحياتي للجميع .

[سيف وقلم]

:):)
مع التحية

علي سبيل المثال سعر التجاري 200 ريال والاصلي 1000 ريال ؟

هل ستكون الجودة والسلامة والرئيا متماثلة ؟



لم تجب على سؤالي بعد :)

بإنتظار اجابتك..



السعر ليس مقياسًا للجودة، وانخفاض سعره ليس دليلاً على عدم مطابقته لمواصفات الأمان والسلامة.

[ع ــقــاب]

بيض الله وجيهكم , اثريتوا الموضوع بمشاركاتكم الجزلة

[SHUGE]

هذا الكلام اللي يجمد على الشارب
واحب اضيف حاجه ليته على شلخ الوجه بس
احد الاصدقاء توفي اخوه قبل اربع سنوات بسبب حجره من سياره اخرى ,واقسم بالله وكان المتوفي الله يرحمه راكب في المرتبه الخلفيه وجاء الحجر في راسه ,,لكن نقول يومه وقضاء وقدر
ونا يا جماعه كان راكب معي احد الزملاء وفيه طريق مسارين فقط ووجهتنا تريله ووطى حجر بحجم كف اليد وجاء الحجر بالقزاز الامامي ومقابل الراكب تماما , تهشم الزجاج الامامي فقط ,,,وانا متاكد مليون با الميه لو الزجاج عندي تجاري ان تحصل مخه في سقف السياره
والله يكفينا وياكم الشر


:):)



لم تجب على سؤالي بعد :)

بإنتظار اجابتك..



السعر ليس مقياسًا للجودة، وانخفاض سعره ليس دليلاً على عدم مطابقته لمواصفات الأمان والسلامة.

الله محييك
اجابتي نعم و متاكد .
واثبات ذلك .

القطع الاصلية ذات القيمة والجودة العالية يكون عمرها الافتراضي اطول وأكفاء في الاداء والسلامة.
وعلى سبيل المثال:

نظام التوقف (الفرامل) بالقطع الاصلية كما هو الحال في القطع الاقل جودة ومقاومه للحرارة والاحتكاك .
الرديتر الاقل جودة قيمته 250 ريال هل يتحمل الحرارة والضغط والصداء مثل الاصلي قيمته 1500 ريال وجودة معدنة ومقاومته.
المراية الجانية الاقل جودة تعكس اشعاع النور الخلفي للسيارة القادمة من الخلف وكذلك قياس المسافة .
سائل التبريد (الفريون) الاصلي ما قيمة 250-350ريال كما في سائل
التبريد الاقل جودة ما قيمة 100-150 ريال وبالاخص في منطقة الرياض وحرارة الشمس في شهر (يولية ـ اغسطس ـ سبتمبر ) اشهر الصيف الشمسية و قد يسبب سائل الفريون الاقل جودة في تلف الكمبرسر وانسداد المواسير والتأكسد.
وهذه بعض الأمثلة للإستهلاكيات المتدول بين الناس تقريباً والقيم افتراضية ومقاربة لبعض السيارات المتدولة بين الناس.
المعدن وقيمته ومعايير الجود وكفائة الايدي العامله هي الاساس في اخلاف قيمة السلعة وجودتها.

واسف على الاطالة وإن اصبت فمن الله وإن اخطأت فمن نفسي والشيطان .وارجو تصحيح معولماتي إن اخطائت .
واتمنى ان اكون ادليت ببعض المعلومات لإستفادة منها ، ومشكور على ذلك .

وتقبل مروري