المساعد الشخصي الرقمي

مشاهدة النسخة كاملة : مشكلة في الحرارة بالباترول عند المشي مشوار طويل تنزل


aljonaidy
17/02/2014, 09:20 PM
اعزائي اعضاء مكشات ....
السلام عليكم ورحمة الله وبركاته ....
عندي باترول 92 حرارته في المشاوير القريبه طبيعية ربع وفوق الربع بشوي ﻻكن في وقت الشتاء هذا لمن اروح مشوار طويل شوي مثل 20 كيلو او اكثر تنزل حرارته للاخر . يعني لمن اهدي بعد المشوار للتوقف او النزول من الطريق يبدا يقطع زي مايكون توك شغلته وهو بارد وتمشي عليه ... طبعا مركب له بلف حرارة اصلي 76 قبل شهرين وقبل يومين فحصت بلف الحرارة شغال يفتح وهو حار ويسكر لمن يبرد .. وفحصت تماتيك المروحة عند اكثر من واحد ويقول ميه ميه طبعا مروحة الوكالة وﻻ فيه اضافات ..
تكفون ﻻتبخلون علينا بالمعلومات المفيده وخصوصا من واجه نفس المشكله ولقا حالها .
ريثان القصيم
17/02/2014, 09:50 PM
اعزائي اعضاء مكشات ....
السلام عليكم ورحمة الله وبركاته ....
عندي باترول 92 حرارته في وقت الشتاء هذا1435هـ لمن اروح مشوار طويل شوي مثل 20 كيلو او اكثر تنزل حرارته للاخر . ولمن اهدي بعد المشوار للتوقف او النزول من الطريق يبدا يقطع زي مايكون توك شغلته وهو بارد وتمشي عليه ... طبعا مركب له بلف حرارة اصلي 76 قبل شهرين وقبل يومين فحصت بلفالحرارة شغال يفتح وهو حار ويسكر لمن يبرد .. وفحصت تماتيك المروحة عند اكثر من واحد ويقول ميه ميه طبعا مروحة الوكالة وﻻ فيه اضافات ..
تكفون ﻻتبخلون علينا بالمعلومات المفيده وخصوصا من واجه نفس المشكله ولقا حالها .

اذا مشكلتك نزول الحراره والتقطيع
باختصار التقطيع بسبب نزول الحراره باشتا وحلها بسيط
ركب بلف اعلى درجة حراره وخله للشتاء وخل ماء الاديتر 50%مركز و50%ماء مقطر
واذا جاء الصيف رجع بلف76وخل ما الاديتر علبه اديتر واحده اصلي والباقي ما مقطر
وننتظر وش يصير معك
الله يعينك

اخوك
ريثان القصيم
aljonaidy
17/02/2014, 09:53 PM
مشكور اخوي ريثان القصيم . رحت محلات القطع وقالو مافي بلف اعلى من هذا ... اذا تعرف بلف اعلى درجه حراره قلنا وش نوعه
حمزةعبدالمطلب
17/02/2014, 11:06 PM
يالغالي
تاكد من المروحة
قبل تشغيل المحرك امسك المروحة بيدك اذا تقدر تمسكها بسهوله قم بتغييرها
تاكد من رديتر المكيف لايكون وسخان مايدخل الهواء على اللديتر
تاكد من السير لايكون طويل او قصير فيقوم بالتوقيت الخاطئ للمحرك
تقبل اخوك
حمزةعبدالمطلب
17/02/2014, 11:10 PM
اسف جدا
تاكد من الديلكو موزون
تاكد من وزن البلوف جيدا
حطاب الشمال
17/02/2014, 11:29 PM
على حسب كلامك موترك لا تسويبه ولا شي لاتفك بلف

ولامويه ولا ديلكو ولامروحه ولاتماتيك ولا اديتر ولا اي شي

يتعلق باالمكنيكا اسمع وانا خوك

في الكلبيتر قطعه صغيره راكبه في الكلبيتر
من جنب يعني خارجيه وضيفتها تسخين الموتر
يعني اذا شغلت الصباح هي ترفع صوت الموتر
لين يسخن ولها اسم بس ناسيه
المهم رح الى اقرب مكنيكي وقله افصلي التعليقه
اوغير القطعه وبإذن الله راح يضبط
((يمكن اخطي بس لاتنساني من دعواتك))
الفيصلْ
17/02/2014, 11:36 PM
اخوي الله يبارك لك في موترك
سيارتك مافيها شي الحمد لله نزول الحرارة لان البلف رقم 76 يفتح على درجه حرارة اقل من غيرة من السيارت ومع زيادة البروده السيارة تبرد مع الممشى
ووقت اعتدال الجو سوف تكون درجه حرارته طبيعيه في الوقوف والطريق
واذا تبي حرارته ترتفع في اوقات البرد غير بلف حرارة حق لاند كروزر اعتقد انها تركب ويفتح على درجه حرارة اعلى
وتاكد من الاخوان يمكن يفيدونك اكثر
sgl2002
18/02/2014, 12:27 AM
هذا النيسان بارد خلقه بالصيف وشلون عاد بالشتاء


عليك بالحل الاسهل والسريع


سد خشمه الامامي بقصدير لين ينتهي الشتاء
aljonaidy
18/02/2014, 11:24 AM
جزاكم الله خير على تفاعلكم
وكل ماذكر اعلاه عملته وشيكت عليه اﻻ الديلكو سألت ميكانيكي قال الديلوكو اذا وزنته مو مضبوطه يسخن المكينه مو يبردها والله اعلم ... وحتى اﻻن ما انحلت المشكله
SGL
19/02/2014, 12:29 PM
دامك مركب بلف مستحيل ينزل عداد الحرارة الى أخر شي مهما كان درجة البرودة:eek:
شيك على البلف زين ممكن يكون ماهو مركب صح أو فيه ضعف مايقفل بسرعة أو كلتش المروحة مجيم؟؟؟؟
sgl2002
19/02/2014, 01:02 PM
ياخوك حط ع الموتر من قدام قصدير وريح مخك من الخساير
almo3jl
19/02/2014, 04:28 PM
مشكلتك بالبلف محجر تلاقيه معلق على نص فتحه مليون بالميه غيره من الوكاله ببلف حق بلدها ويضبط
aljonaidy
20/02/2014, 10:38 AM
الحمد لله تم حل المشكلة ...
اوﻻ اشكركم على تفاعلكم وجزاكم الله خير جميعا .. كلام اﻻخوان ريثان القصيم واﻻخ الفيصل طلع صحيح المشكله بالبلف حق الحراره طبعا انا مركب بلف وكالة يفتح على درجة حرارة 76.5 وشغال زي الحلاوة يفتح ويقفل ﻻكن بعد مافتحته امس لقيته غيرثابت في مكانه تعرفون البلف ينزل في مكانه حفره واطرافه ﻻزم تكون مطابقة للحرف او مايسما البرواز اللي ينزل فيه البلف يعني بعد مايركب البلف يتحرك تقريبا 1 ملي فراغ في كرسي البلف اتوقع من الزمن و التأكل توسع رحت شفت البلف حق اللاندكروزر مديل 95 طلع نفس الحجم ويفتح على درجة حرارة 82 وركبته وطبق 100% وﻻيتحرك وحطيت وجه وغرا وطبقته وارتفعت الحرارة وصارت ربع واقف او ماشي مشوار قصير ومشوار طويل كله تمام وهذا بفضل الله سبحانه ثم نصايحكم جزاكم الله خير ... ر
ريثان القصيم
20/02/2014, 11:54 AM
الحمد لله تم حل المشكلة ...
اوﻻ اشكركم على تفاعلكم وجزاكم الله خير جميعا .. كلام اﻻخوان ريثان القصيم واﻻخ الفيصل طلع صحيح المشكله بالبلف حق الحراره طبعا انا مركب بلف وكالة يفتح على درجة حرارة 76.5 وشغال زي الحلاوة يفتح ويقفل ﻻكن بعد مافتحته امس لقيته غيرثابت في مكانه تعرفون البلف ينزل في مكانه حفره واطرافه ﻻزم تكون مطابقة للحرف او مايسما البرواز اللي ينزل فيه البلف يعني بعد مايركب البلف يتحرك تقريبا 1 ملي فراغ في كرسي البلف اتوقع من الزمن و التأكل توسع رحت شفت البلف حق اللاندكروزر مديل 95 طلع نفس الحجم ويفتح على درجة حرارة 82 وركبته وطبق 100% وﻻيتحرك وحطيت وجه وغرا وطبقته وارتفعت الحرارة وصارت ربع واقف او ماشي مشوار قصير ومشوار طويل كله تمام وهذا بفضل الله سبحانه ثم نصايحكم جزاكم الله خير ... ر


الله يبشرك بكل خير والحمدلله
وياليت كيف تعرفت لبلف اللاندكروزر ؟

اخوك
ريثان القصيم
محمد 2002
20/02/2014, 12:54 PM
بلف اللاند والباترول تركب على بعض الفرق ان بلف الباترول يفتح على درجة حراره 76 وبلف اللاند يفتح على 82 درجة
وأغلب الي عندهم حرارة في اللاند يركبون بلف باترول وتطيح الحرارة
بدوي جنوبي
20/02/2014, 11:40 PM
غيرثابت في مكانه تعرفون البلف ينزل في مكانه حفره واطرافه ﻻزم تكون مطابقة


هنا تقصد

http://www.mekshat.com/pix/upload04/images170/mk32037_kghj.jpg

بلف الحرارة Thermostat معلومات + استبدله بنفسك للمبتدئين خطوه بخطوه ب 54صوره (http://www.mekshat.com/vb/showthread.php?t=305944)
بدوي جنوبي
20/02/2014, 11:42 PM
pn6Y6Gqot3Y