استفسار بسيط عن سيارة

[هاوي كشته]

السلام عليكم ورحمة الله وبركاته :D
كم يسعدني ويشرفني الانظمام لهذا المنتدى الرائع الذي أسأل الله ان يوفق القائمين عليه وجميع أعضائه
عندي استفسار عن ( جيب اسوزو روديو ) هو دفع رباعي صح انه مايقارن بالتيوتا ولا النيسان ولكن في المثل يقول مد لحافك على قد رجليك :(
مديل 2005 وش رايكم فيه لاني توني شاريه من يومين أعجبن شكله وقوته وسعره
أهو يشبه الباتفندر:confused: .
ابغى رايكم فيه عساه ان شالله زين :j . بشروني بخير أحبتي في الله
ولكم مني جزيل الشكر والتقدير

[برق تميم]

عليكم السلام ورحمة الله وبركاته
حياك الله اخونا هاوي كشته

السياره يكفي انها جيب ودفع رباعي وموديل 2005 ما شاء الله تبارك الله والله يعطيك خيرها ويكفيك شرها واهم شي الوناسه وانا اخوك ابسط عمرك لو معك ددسن دفرنسين مثل اخوك وسع الصدر والحمد لله رب العالمين الي عطاك وررقك من واسع فضله وبعدين جهزه وانا اخوك بتجهيزات البر ويكبر في عينك واذا كان بنزين يا نعومك

[هاوي كشته]

اهو بنزين ومعجبني والحمد لله ولكن وش التجهيزات اللهي تصلحله غير عزبة البر
الله يبارك فيك ويسعدني مرورك

[القحطاني505]

اخوي هاوي كشته مالك الا هاذي الطرق: خف التواير على العشرين
ودق الدبل على الخفيف
وقبل كل هاذا توكل على الله

[ساقان]

مبروك الله يطعمك خيره ويكفيك شره
اي الفئات اخذت الجلد ولا المخمل
كيف قيادة السياره سلسه ولا خشنه
راسي الموتر ولا لك عليه
واسلم لمحبيك

[راعي الهـــدد]

ماشاء الله تبارك الله

الله يجعله مبارك عليك

الله يجعله من خير ماشريت ونخوك

ابد مادام شريت لاتحسف وترى مثل ماقالوا الأخوان يكفي انه دفع رباعي ويشيلك للبر

هاذي نعمه

واعجبتني في انك ماكلفت نفسك مالاتطيق وشريت شي يخارجك سعره ويقوم بالزوم وزياده

وانا تو شفته امس واقف في شارع ووالله اني وبكل صدق وقفت اشوف وشهو هالموتر واحس انه ممتاز من شكله ووقفته بس ما ادري كم سرندل لعلك تفيدنا ونخوك وهل يجي منه 6 سرندل

الله ييسر امرك ويغفر لك ولوالديك

اخوك ومحبك راعي الــهـــدد ابو حمد

[محسن اليامي]

مبروووووك يكفيك شره ويطعمك من خيره
مثل ماقالوا الخوان يكفي إنه دفع رباعي

[هاوي كشته]

أولا أشكر مروركم وكم أسعدني ذلك
هو 6 سرندل
نوعين الاول مخمل تماتيك
والثاني جلد وفتحه وهو الاغلى
اخذت الاول هو ماعليه على الخط حليو وقيدة سهله ومريحه

[تــــوني]

ما شاء الله تبارك الرحمن

بارك الله لك فيما اعطاك

بس اهم شي تتعود عليه في الرمل والديرة

وانتهى موضوعك \

بارك الله فيك ....

[ابوعزيزm]

الله يطعمك من خيرة ويكفيك شرة

الظاهر اللي صنعوه ما قصروا مكملين كل شي له . . .:) أمزح

الله يوفقك ويجعلها أردى سيارة تشتريها . . آمين