حراره بالفتك ،، يمكن مرت عليك المشكله ..

[العتيبي 88]

السلام عليكم ورحمة الله وبركاته ..
أسعد الله أوقاتكم بكل خير ..

وشلونكم طيبين ..

لاهنتوا ياأخوان لدي موتر 6 فتك .. ترتفع الحراره أحيانا تاصل حول النصف .. واواقات وليس دائما ،، اذا مشيت والجو بارد 160 احيانا ترتفع واحيانا تنزل طبيعي .. واذا فتحت القربه التابعه للرديتر فاضيه ويطلع هواء والخرطوش يكون خفيف السفط يعني به هواء .. رحت لم مركز حراره بالقصيم ولااستفدت شي سيخ الرديتر وغير ماء وغطاء قربه تابع لتويتا ضغط 108 .. ونفس المشكله لازالت موجوده ... شيكت على جميع الخراطيش والطبات مافيه تهريب ..


شريت : تماتيك اصلي +بلف +حساس +غطيان اصليه .. والى الان لم اركب شي ..

احد يعطينا راي ولا شي ..

[sgl2002]

والله ياخوك اخاف انه وجه الراس

او احد الليات الصغيره مسدوده


هل كنت تعبي ماء عادي او تشوف وصخ داخل الرديتر من قبل؟

[العتيبي 88]

لا ياغالي لاني قبل مسيخ الرديتر ومغير مويه احمر اصلي وجه راس هاذي الا شاك بها بس مادري ..

[sgl2002]

ركب الشغلات اللي جبتها

لكن الغطيان اشتر حق الوكاله


واحد ٨٨ للقربه بسبرنق
وواحد عادي بدون سبرنق للرديتر

[sgl2002]

بس هو يفور للماء ؟

يعني يفرغه للخارج والا ماينقص؟


اذا مانقص فوجه الراس عندك سليم

[ريثان القصيم]

السلام عليكم ورحمة الله وبركاته ..
أسعد الله أوقاتكم بكل خير ..

وشلونكم طيبين ..

لاهنتوا ياأخوان لدي موتر 2006فتك .. ترتفع الحراره أحيانا تاصل حول النصف .. واواقات وليس دائما ،، اذا مشيت والجو بارد 160 احيانا ترتفع واحيانا تنزل طبيعي .. واذا فتحت القربه التابعه للرديتر فاضيه ويطلع هواء والخرطوش يكون خفيف السفط يعني به هواء .. رحت لم مركز حراره بالقصيم ولااستفدت شي سيخ الرديتر وغير ماء وغطاء قربه تابع لتويتا ضغط 108 .. ونفس المشكله لازالت موجوده ... شيكت على جميع الخراطيش والطبات مافيه تهريب ..
شريت : تماتيك اصلي +بلف +حساس +غطيان اصليه .. والى الان لم اركب شي ..
احد يعطينا راي ولا شي ..
لاتركب شي بالترتيب
1-انفخ الاديترات ثم غسلهن
2-افحص بلف الحراره اذا مصدي غيره ببلف بارد
3-ركب فاصل داخل السياره يشغل مراوح التبريد الكهرب اللي بين الشبك والاديتر وقت الانتظار والزحمه والتطعيس
4-اذا الدبات شد بلد ما فيها تفريغ فكهن وحطهن بالبيت وركب من التشليح دبات جمس 2500HD مفرغه
ورد وش يصير بالموتر

اخوك
ريثان القصيم

[شاق النفد]

شف وانا اخوك افتح الكبوت عقب مشوار والموتر شغال
ثم افتح قربة الرديتر وركز زين هل الماء يفور ويطلع كور هواء

ان لقيت اللي قلتك فتراه وجه الراس اوالراس مشعور

[أبو الوليد 14]

حصل معي نفس المشكلة
كانت الحرارة تقريبا عالثلث والساعة 1بالليل الجو باااااارد يعني مهب طبيعي ابدا في الصيف والمكيف شغال ماتوصل كذا
استمريت فترة على هالحال غيرت غطا بصمام ضغطه 0.9 وكنت شاك براس المكينة لانه ينقص احيان شي بسيط من قربة الرديتر
آخرشي سويته مريت محل رديترات
1. نظفنا المكينة بجهاز الضغط .
2.سيخنا الرديتر
3.غيرت البلف
4.غيرت الغطيان ركبت اصلي بصمام بضغط 88 وثاني بدون صمام للرديتر
5. ركبت موية خضراء اصلي
الحمد لله ظبطت الحين على خط الربع واحيان تحت الخط

[العتيبي 88]

ابشركم تم تركيب التماتيك والغطيان الاصليه والبلف .. ومويه جديده .. وطلع الموتر ممتاز بس الان تمشي 200 الحراره تحت الخط الثاني طبيعي واذا هديت وصلت 120-140 ترتفع وتشتغل المراوح وتبتل على كذا الين توقفه ويجلس عشر دقايق ثمن تنزل الحراره .. صراحه مستغرب .. تم التشييييك على الخراطيش والطبات ولابه اي شي طبعا والموتر جاي من مشوار ..

وبالنسبه لوجه الراس والراس ان شااء الله سليم لانه تم تجريب .. طريقة القربه ولا يوجد فقعات ولاغيره ..

ننتظر ارائكم جاهزين نجرب الين نطيح على المشكله الله يعينا عليه ..