باترول 2001 عزمه بارد حبتين ..

[سقم المعادي 1]

السلام عليكم

مع احد الشباب باترول 2001 مكينته 4500 بخاخ
لكن عزم الموتر بارد وتلاحظ بروده عزمه خصوصاً بالنفود
مغير له كلتش ودزق وفحمه جدد اصلي و الموتر مصفى كامل و مازال يبرد بالنفود ياكود تحشره بالاول بالثاني كنه بيطفى
فـ ودي اسألكم الرجال يبي يركب له هدرز راس بس بدون دبه و ازعاج , هل راح يفرق الموتر يعني فرق يسوى من يركب له هدرز ولا مايستاهل ؟!
و الفلتر مع الهدرز بيساعد الموتر على الممشى ولا مامنه فايده تذكر ؟

واذا عندكم اي اقتراحات لعزم الموتر غير الهدرز و الفلتر نستقبلها

[سقم المعادي 1]

للرفع.....

[111333]

نفس المشكلة .. بس المكينة 4500 كلبليتر .. متابع

[abo naser 1]

السلم عليكم
الصدق بيفرق بس لا تحسبة عصا سحرية هي مجرد تنفيس لان المحرك متواضع مقارنة بالوزن
انا ركبت فرار وقزوز اماراتي تعبان مستعمل وملحم وموصل مع فلتر خف الموتر بالزفلت والخط والنفود استجابة الهوائيات تختلف من محرك لمحرك

والان الموتر لدي الصفدي لا ستبدال القزوز الاماراتي التلفيق المزعج بشغل الصفدي كامل بدون صوت
اذا تبي مايلحق حط الهواء 10 ومع الثقيل 3 و 4 مايلحقة الجدد
وبالنسبة للكربريتر يستجيب أفضل من البخاخ للهوائيات

[اسدهم]

انا معي كلبليتر 4500ربع باترول مافرق معي شي ركبت فرار مراوح هدرز فرق حاجة بصيطة ونا من نوع الي ارفق علا الموتر واحد قالي مايمديك تنشطة قلت لية قل المكينة 12 صمام غير المكينة حط حق ربع تايوتا تفرق معك لو تحط هدرز فقط قلت وشلون يفرق قال تايوتاء 24صمام عندة قابلية لتنشيط يستجيب معك الباترول عكس تحط او ماتحط مايتغير من الي حطيتة حاجة ماتذكر ونا عندي مشروع في موتري جالس انشد عن مكينة الربع بكم وهل تركب علا طول او يبيلها تحويلة وش لابعاد بين المروحة والرديتر وشلون يركب المكيف وهل تسقط في الفحص الدوري او لا يعني جالس احوس ننتضر من الاعضاءيفيدونا اهل الخبرة في المكاين

[سقم المعادي 1]

السلم عليكم
الصدق بيفرق بس لا تحسبة عصا سحرية هي مجرد تنفيس لان المحرك متواضع مقارنة بالوزن
انا ركبت فرار وقزوز اماراتي تعبان مستعمل وملحم وموصل مع فلتر خف الموتر بالزفلت والخط والنفود استجابة الهوائيات تختلف من محرك لمحرك

والان الموتر لدي الصفدي لا ستبدال القزوز الاماراتي التلفيق المزعج بشغل الصفدي كامل بدون صوت
اذا تبي مايلحق حط الهواء 10 ومع الثقيل 3 و 4 مايلحقة الجدد
وبالنسبة للكربريتر يستجيب أفضل من البخاخ للهوائيات



افهم من كلامك دامك فكيت القزوز الاماراتي و وديت موترك للصفدي أن الهدرز فارق معك و ملاحظ هالشيء يعني يستاهل تحط به دراهم ؟ وهل عانيت من نقص زيت؟
الموتر مكينته صافيه بشكل عام واقول لك هالكلام لأنه ابوه فاكه وكاله على يده يعني سواقه شايب حول 12 سنه فـ الرجال ابوه شرا موتر واخذ الباترول ومشكلته العزم مامن عزم ماتسمع الا صوت حنه المروحه و ماعندك احد لذلك تهقا الهدرز مع شخف خطوط شوي يفتح الموتر شوي ؟
و هواء الكفرات لو احطه عشره تخاف يفصخ عليك لأن عليه هلل و حجريات ماسرع من فصختها




انا معي كلبليتر 4500ربع باترول مافرق معي شي ركبت فرار مراوح هدرز فرق حاجة بصيطة ونا من نوع الي ارفق علا الموتر واحد قالي مايمديك تنشطة قلت لية قل المكينة 12 صمام غير المكينة حط حق ربع تايوتا تفرق معك لو تحط هدرز فقط قلت وشلون يفرق قال تايوتاء 24صمام عندة قابلية لتنشيط يستجيب معك الباترول عكس تحط او ماتحط مايتغير من الي حطيتة حاجة ماتذكر ونا عندي مشروع في موتري جالس انشد عن مكينة الربع بكم وهل تركب علا طول او يبيلها تحويلة وش لابعاد بين المروحة والرديتر وشلون يركب المكيف وهل تسقط في الفحص الدوري او لا يعني جالس احوس ننتضر من الاعضاءيفيدونا اهل الخبرة في المكاين

والله وانا اخوك مالك و مال وجع الراس الـ4500 مشيها حليل مهيب شينه لكن حق خويي ذا بارد عزمه بالحيل لأني ركبت اكثر من باترول و سقت بعضهن في النفود ماشفت منهن خلاف لكن حق خويي اللي اتكلم عنه في الدهناء اهلكنا وانت خابر الدهناء يبي لها موتر صاحي لا صرت تبي تنحر العروق

[سقم المعادي 1]

للرفع للرفع وينكم ياهل الباترول

اسلاك البواجي الرياضيه تفيدنا بشيء يا اخوان مع الهدرز ؟

[sgl2002]

والله ياخوك عندي نفسه ٩٨ وعزمه ماعليه كويس لكن ترى النوعيه هذي مهما عدلت عليها ماتفيد

[ريثان القصيم]

السلام عليكم
مع احد الشباب باترول 2001 مكينته 4500 بخاخ
لكن عزم الموتر بارد وتلاحظ بروده عزمه خصوصاً بالنفود
واذا عندكم اي اقتراحات لعزم الموتر غير
الهدرز
و الفلتر
نستقبلها
وعليكم السلام ورحمة الله
اخوي اذا عندك استعداد تركب
دبات جمس 2500HD من التشليح وفك شوي من شخالاته
بواجي نوع اقوى بس انتبه من الراسين تعدم راس المكينه
اسلاك بواجي اعرض
جنوط المنيوم مقاس15حقت الباترول الاول
وكفرات رمليه نفس مقاس شد البلد حق 97 وتحت
تستعمل زيوت عالية الجود للمكينه والقير والدفرنسات شف هالرقم 920000486
تبع شركة يزيد الراجحي سائق الراليات وكيل مادة سوبرتك في الشرق الاوسط
يبيع هالماده بتقنية النانو وهو منتج روسي
تحط منه للمكينه والقير والدفرنسات عدة مرات الي درجة انه لو هرب زيت المكينه وانت ماتدري عادي تمشي بدون زيت مسافه حتى وهي مولعه لمبة الزيت
بس احذر الاسعار اجرام ونار لاتصدق مثل اللي اذكره قبل سنوات يمكن الاسعار تغيرت
المكينه علبه100مل 350ريال
القيرعلبه 100مل 350ريال
الدفرنس 100مل 400ريال
المكينه تحط ثلاث مرات
والقير يمك نفس العدد
والدفرنسات يمكن نس العدد
عاد احسبه انت
لكن بيفرق العزم لدرجه عجيبه ولاتشتري اسال وتاكد قبل تخسر فلوسك

اخوك
ريثان القصيم

[K 7 E L A N]

انصحك تركب هدرز كامل بدون فلتر لأن الفلتر يخرب بالمكينه ويلعب فيها ويلعب بالشنبر
ولا تنسى تغير صفاية البنزين تراها رخيصه وتفرق

[SGL]

السلام عليكم

مع احد الشباب باترول 2001 مكينته 4500 بخاخ
لكن عزم الموتر بارد وتلاحظ بروده عزمه خصوصاً بالنفود
مغير له كلتش ودزق وفحمه جدد اصلي و الموتر مصفى كامل و مازال يبرد بالنفود ياكود تحشره بالاول بالثاني كنه بيطفى
فـ ودي اسألكم الرجال يبي يركب له هدرز راس بس بدون دبه و ازعاج , هل راح يفرق الموتر يعني فرق يسوى من يركب له هدرز ولا مايستاهل ؟!
و الفلتر مع الهدرز بيساعد الموتر على الممشى ولا مامنه فايده تذكر ؟

واذا عندكم اي اقتراحات لعزم الموتر غير الهدرز و الفلتر نستقبلها

وعليكم السلام ورحمة الله وبركاته
أخوي سقم المعادي موتر صاحبك شكله كان قير أتوماتيك ومحول قير عادي أو مغير الكوارين بكوارين أتوماتيك خله يتأكد منها:good2:وتحياتي لك

[العقارب]

طرنبه البنزين اقرب مالها تعبانه
صارت معي وركبت طنبه vxr
وفرق معي
وفلتر بنزين جديد

[abo naser 1]

افهم من كلامك دامك فكيت القزوز الاماراتي و وديت موترك للصفدي أن الهدرز فارق معك و ملاحظ هالشيء يعني يستاهل تحط به دراهم ؟ وهل عانيت من نقص زيت؟
الموتر مكينته صافيه بشكل عام واقول لك هالكلام لأنه ابوه فاكه وكاله على يده يعني سواقه شايب حول 12 سنه فـ الرجال ابوه شرا موتر واخذ الباترول ومشكلته العزم مامن عزم ماتسمع الا صوت حنه المروحه و ماعندك احد لذلك تهقا الهدرز مع شخف خطوط شوي يفتح الموتر شوي ؟
و هواء الكفرات لو احطه عشره تخاف يفصخ عليك لأن عليه هلل و حجريات ماسرع من فصختها



فكيت الامارتي لصوته شوي مزعج ركبت محلي بدبة يوكن كاتمة
لاتخسر الين تشيك عا الموتر والطرمبة الي عندي وكالة

[شاق النفد]

صدقني مهمها سوى وركب النتيجة وحدة وان تحسن بيكون شي بسيط
ليش لانها 12بلف فلاتحاول نصيحة

[اليامي قطر]

بسألك الموتر هو حاشر بالخط ؟؟؟

يعني مايمشي الا وضغط المكينه مرتفع ؟؟؟

[ابو ساره العنقري]

عندي نفسه
ركبت هدرز وفلتر ومراوح كهرب وفرارات

فرق معي شي مقبول

الفلتر شلته وخليت حق الوكاله لانه نفض الزيت

كفرات موتري بالون ورافع وجهه كعكات بالحيل بالخط يجيب 170 بالراحه

عموما الافضل تبيعه وتزود حبتين وتاخذ فتك 2002

لان مهما خسرت ماراح تشوف فرق واجد

[abo naser 1]

صدقني مهمها سوى وركب النتيجة وحدة وان تحسن بيكون شي بسيط
ليش لانها 12بلف فلاتحاول نصيحة


السلام عليكم

هل سبق ان جربت هذا الموديل بالتعديلات