من جرب هذا الرواق؟؟؟

[كاشت بالجيب]

السلام عليكم ورحمة الله وبركاته
فيه نوع من الرواقات يكون بدال القماش
يحطون الشراع المشخل حق المشاتل
بحيث يمرر نسبه من الهوا عشان ما يكور الدخان

من جرب هذا النوع وهل هو عملي ؟؟؟؟؟

[الرهدن]

أعرف واحد جربه يمدحه وجابه لنا مرة00

إذا تبي جواله( على الخاص)00


.

[اصغراكبرخان]

هلابك والله اخوي



(كاشت بالجيب)

الصراحه من ناحيتي ما اعتقد إن فكرته جيده

إذا كان يمرر الهوا وشي الفايده منه

وثاني شي إنه لوكنت جالس بالليل

ومشغل لمبه اومقبل عليك موتر مشغل انواره

يمكن يشوفك ولا يشوف الرواق

لاكن ممكن اتصلح مظله عن الشمس

( متنقله)

وهذا اللي عندي

ودمتم سالمين

[ahmedsoso]

اهلا بالشباب





واللة شكل الرواق دمار اذاكان مشخل اما إذا كان فيه اجزاء مشخلة يطلع تمام




:j :j :j :j :j :j :j :j :j :j :j :j :j

[ارتست]

والله الفكرة حلوه لاكن ماتضنون ان من فوائد الرواق واللي تعودنا عليها إنه ساتر جيد فإذا كان مشخل فبيكون حلو للعزاب ولازم تحط معك رواقين عوائل وعزاب....خخخ وإلاوش رايكم خاصة بالليل

[كاشت بالجيب]

الرهدن شكرا يا اخوي وليتك تسئل خويك كيف الدخان مع الراوق يروح ولا يدور مكانه


اصغر خان ارتست احمد
قماش المشاتل تراه مهب خفيف ولا يشف الي وراه بالحيل
فيه فتحات صغيره عشان يمر نسبه قليله من الهوا يعني يكسر التيار ولا يمر الهوا بنفس سرعته
وفكرته كانك قاعد بذرا شجره
يجيك الهوا خفيف ويدف الدخان عنك

اما الرواق العادي يمنع الهوا فيصير الدخان يرقى على فوق بعدين يجي الهوا من اطراف الرواق ويدفه ويبدا يكور ( يدور على الجلسه )

[همّام]

سلام عليكم

أعتقد اللي فصل رواق زي كذا يبغاه ستر ما يبغاه ذرا عن الهواء ..

ولا لا ؟؟

[هاوي كشته]

والله عندي رواق مفصلة تفصيل حاط فيه شباك ( دريشة) صغيره كل مترين اللي عندي 8 أمتار ممكن ما تتعدى الدريشة شبر في شبرين تقريبا ولها غطا تسكر الدريشة اذا مابغيتها

[منتعش]

ما شفت شي الله يحفظك

والله والعالم إن المنتدى ما أدري وش قصته هذه الأيام

[imksa]

مشكلة الرواق الاساسية انه يجمع الدخان .

طريقة الشبك هذي على قول اخوانا الجيازنه ( اراك ما تراني ) طبعا الرجال يوصف التضليله .


يعني اللي قريب من الشبك هذا ما ينشاف اما اللي قريب من الرواق فيشوف البعيد .


والرجال صريح يقول اللي جربه يعطينا رايه .


ننتظر الراي


فمان الله