الفزعة يالربع .. حل مشكلة تنسيم دبة الغاز ؟؟!!

[رووس النايفات]

السلام عليكم ورحمة الله وبركاته ..

عندي دبة إيطالية الصنع المقاس الكبير ولها سنة تقريباً .. ومن تالي ذبحني التنسيم من عند البلف اللي فوق ... وفكيته أبنظفه توقعته وصح ولقيته نظيف ونظفته زود واطقه بتيب وارجعه ونفس الفكرة التنسيم باقي .. واشيل الدبة وأوديها لمحل كشتات ويغير البلف ببلف أصلي ايطالي .. ونجرب في المحل ونفسل الفكرة !!

فياليت اللي عنده حل ولا قلعناها .. ويخلف الله ..

[ABO AZZAM 123]

ياخوي الغالي انت تتكلم جد ؟؟

الدبة تنسم عليك وتفكر تسويها ؟؟؟
ياخوي سلامتك وسلامة ربعك أهم

اقلعها وانا اخيك والمحلات مليانة دبات غاز


الله يحفظك من كل شر

[JAPAN]

لو وضعت صوره ومكان التنسيم بالضبط لكان أفضل..
أولا انتبه لا تكون الدبه صينيه لان فيه صيني تقليد وشبيه للايطالي وبامكانك معرفتها بالكتابه أسفل الدبه..

ثانيا قد تكون المشكله من الابره الداخليه وكي تتأكد فك المحبس (البلف)وضع قليلا من الماء وسيظهر ان كان هناك تنسيم

http://im55.gulfup.com/GBQdX.png (http://www.gulfup.com/?BoKLUJ)


وقد تكون من ربلات المحبس

http://im58.gulfup.com/IzaEY.jpg (http://www.gulfup.com/?kN4OL0)






وان شاء الله يفيدونك الاخوان أكثر

وان كانك بالرياض مر محل البريه أو الكشاته ويضبطونه لك

[ابن بلحارث]

كان عندي مثل المشكلة وحليتها بتركيب محبس الغاز عند عدم الاستخدام

[أبوسعد111]

أقرب حل
ركب الراس بها على طول

ومشكلتها الغالب
اما تحتاج تغيير بلف ب 7 ريال
او الربله الداخليه
طبعآ إذا انت متأكد ان السنه الدخليه مافيها مشكلة

[رووس النايفات]

جزاكم الله خير جميعاً ..
بالنسبة للدبة إيطالي أصلي ... وبالنسبة للصورة ابد مكان صورتك الأوله اخوي جابان مع الجوانب كلها حقت البلف وانا وديتها للبرية وغير البلف بأصلي إيطالي ونسم عليه وهو في المحل وقال ما أدري ورجع بلفي وقال خذ استطوانتك .. والتنسيم يخف مع تركيب الراس لكن لا يزال ..
وبالنسبة اخوي جابان يوم تقول صب ماء قصدك وسط الدبة ؟؟ اذا راح الماء يعني فيه تنسيم ؟؟

[حمد15]

ما يقصرون معك شباب مكشات ..

موفق

[JAPAN]

جزاكم الله خير جميعاً ..
بالنسبة للدبة إيطالي أصلي ... وبالنسبة للصورة ابد مكان صورتك الأوله اخوي جابان مع الجوانب كلها حقت البلف وانا وديتها للبرية وغير البلف بأصلي إيطالي ونسم عليه وهو في المحل وقال ما أدري ورجع بلفي وقال خذ استطوانتك .. والتنسيم يخف مع تركيب الراس لكن لا يزال ..
وبالنسبة اخوي جابان يوم تقول صب ماء قصدك وسط الدبة ؟؟ اذا راح الماء يعني فيه تنسيم ؟؟




المشكله من ابرة التنسيم ..وشكل الي شافه بالبريه ما عنده سالفه والا واضح انه من الابره
القصد من وضع قليل من الماء لمعرفة الفقع التي تخرج ان كان هناك تنسيم وليس لدخول الماء..ولو كان التنسيم مثلا في المحبس فتضع رغوة الصابون..

الشاهد ان الابره الداخليه هي الي حصل منها التنسيم والتهريب وهي استهلاكيه ولكن هناك خطا يرتكبه أغلب الناس وذلك أن الراس أو المحبس أو لي الموقد يكون دائما راكب في غير وقت الاستخدام !!وهذا بطبيعته سيؤثر على السسته الداخليه لانه تكون شاده طول الوقت فتضعف وترتخي ويبدا بعدها التنسيم ،والاولى فك الراس أو المحبس ان كان لا يستخدم

طيب .. الان تمر الكشاته أو محلات بيع الغاز وتاخذ ابره صناعه ايطاليه(انتبه تكون صينيه) وتركبه وتركيبه سهل جدا وهذي صور توضح طريقة التركيب
بعد اذن صاحبها

http://im81.gulfup.com/9IJrB.jpg (http://www.gulfup.com/?2cRjE0)


http://im81.gulfup.com/39dsL.jpg (http://www.gulfup.com/?7eBLtF)


http://im81.gulfup.com/3WXRD.jpg (http://www.gulfup.com/?8ugTDN)

طبعا قبل تفرغ الدبه من الغاز عن طريق صامولة التنسيم بمكان خارجي وبعيد عن أدوات الاشتعال
(يفضل ان كنت طالع للبر)
وبعدها تفك الابره ويتم تركيب الجديده

أو أحد محلات الغاز والا الكشاته يركبونه لك

[اصيل نجد]

اخوي اخر العلاج الكي شف طال عمرك توجيهات الاخوان سليمه لانها قنبله مؤقوته الغاز بالدبه الله يحفظك ويحفظ الجميع فك البلف واسحب السسته شوي يعني امغطها ونظف الربلات حقتها وحط نقطه زيت لاتكثر زيت عادي حق سيارات انتبه تحط زيت W40 تراه حار على الجلد ياكل الربلات حط زيت مكينه سياره وانشاء الله اخر تمام وانا مجربها واذا مانجحت هالطريقه رح للهداء بالطايف وبطول ايدك ارمها بقلعته مابه عبايه... الله يحفظك ويستر عليك

[ابو ســــاره]

كان عندي نفس المشكلة استخدمت بخاخ مزيل صدا w40 ترش الابرة مع تحريك ابرة البلف بزرادية تمساح بقوة ويضبط .

[رووس النايفات]

بالفعل أنا مخلي المحبس شابك على طول بالاسطوانة ..ممكن يكون السبب ..
وجزاكم الله خير جميعاً .. ابشتري بلف جديد وابركبه انا وبأجرب .. وسأوافيكم بالنتائج .. وإن زبط ولا شبيت فيه لا لا لا اثره غاز :eek:ههههه ...:D اقرب جفرة ..