استفسار عن غسيل فراش البر

[الذيب سرحاني]

السلام عليكم ورحمة الله وبركاته

مسيتوا بالخير جميعاً

سؤالي : عندي فراش بر شاريه من أم رقيبه قبل 3 سنين نوعيته وسط قيمته 120 ريال حتى تكونون في الصوره وودي أغسله هل مافي مشاكل لو غسلته ؟ وإذا كان عادي يغسل هل أغسله في البيت ولا في مغسله ؟ وهل يشمر ولا يتغير بعد الغسل ؟

وطولة عماركم


..

[اسدهم]

انا عن نفسي مااغسل الفرش عندي فراش لة 8 سنوات مايغسل.

[Ra3e]

انا كل نهايه شتاء اجدع فراشي عند مغاسل الرهدن يطلعونه لي جديد

[JAPAN]

مثل ما قال اخوي مر مغاسل الرهدن ويخلونه زي الحلاوه ..وان كانه يبي يخرب من الغسيل فلا كرامه هههههه الله يعينك ..
وبعدين الفراش لازم يغسل كل فتره 6شهور بالكثير وحسب الاستخدام ..
أما 8 سنوات فخطير تتكون جراثيم صغيره تضر مع مرور الزمن
والنظافه والريحه الزينه عافيه
تقبل تحيتي

[الذيب سرحاني]

يعني اللي اعرفه أن غسل الفراش مافيه مشاكل عليه من تغير او يشمر

الله يعيننا ندور مغسله تغسله ولا اغسله في البيت انظف

،،

[كاش مكشات]

اذا جاء شهر اغسطس اغسله بس لازم وانت بالبر اذا قمت من النوم وطلعت الشمس لازم تعرضه للشمس،،، شمس الشتاء خفيفه ويروح الرطوبه والندا اللى تكون بالليل من الجو

[المزعلاوي]

الرهدن .. ولا الجبر .. يغسلونه لك ويطلعونه نظيف خالي من الأتربه والبقع و ريحته طيييييبة ,, لكن المشكلة قد تكون في القيمة لأنهم يستخدمون غسيل البخار ومدري إيش

[تساهيل1]

اما 8 سنين ماغسلته
وييين ي الحبيب
وش لون ريحته طيب..؟

[تخاريف]

احد المغاسل المشهورة هو افضل حل .. او انك تقوم بغسلها في حوش المنزل او السطح وهذا حل مناسب للبعض

[الذيب سرحاني]

شكراً لكم جميعاً على التجاوب


،،

[شعلونكا]

غسيل بالبخار عند اقرب مغسلة والسلام

[المتلولس]

افادوك الذيابه...

[فيصل التميمي]

وده احد المغاسل او اغسله في البيت افضل

[الضرغامي]

عني انا وانا اخوك ما اغلسله بعد كل طلعه انفضه واعرضه لشمس من الصبح لحد المغرب. والفراش له معي حدود ٥ سنين والحمد لله ما نقدت عليه بشي

[اصيل نجد]

ا
لسلام عليكم وصباحكم كله سعاده ورزق ياخوي شف حطه بالحوش وربصه بالماء زين وحط اي نوع شانبو انتبه من التايد تراه يشهب بالفرشه وافركه بفرشه او مكنسه بعدين اشطفه بالماء زين واخر شطفه عبي كوب قاز وحطه بصطل ماء واشطف الفرشه فيه يعطيها لمعه وانا مجرب ويفضل دائما بالصيف الغسيل بالصيف تكون الشمس حاره ولا تطويها الين تنشف مرررره . ربي يحفظك تحياتي للجميع

[ahmedok]

السلام عليكم ورحمة الله وبركاتة اخواني الغسيل من برى وداخل واذا كان الي داخل فروا او قطن مايخيس او يخرب اذا جاه مويه حتى لو حطيناه في الشمس احسه بتطلع ريحته او انا غلطان

[الذيب سرحاني]

الله يعطيكم العافيه جميع على التجاوب



تحياتي لكم


،،

[دايم الخير]

الرهدن او أي مغسلة عنده بخار

المهم يكونون جربوا غسيلة قبل وعارفين زبدته

وبين فترة وفترة عرض فراشك للشمس ، فله على حبل غسيل

وقدامك العافية

[س.س.التميمي]

له ٤ سنوات ما انغسل بعد كل طلعه انفضه واخذ ملي يدي اما شيح او قيصوم والغلب زعتر واعبيثران احطهن بكيس النوم لكثرتها في البر بتبوك والحمد لله ما نقدت عليه بشي واذا جيت بتفكه انفضه وتلقئ الريحه اللي تدوخك وتنام