استفسار عن طقطقه في المكينه [الأرشيف]

مشاهدة النسخة كاملة : استفسار عن طقطقه في المكينه

الودعاني711

20/02/2014, 01:57 PM

شباب عندي جمس 2006 مكينه 8100 حوض فيه صوت طقطقه وظغط الزيت منخفض على الربع واذا دعست يروح الصوت وضغط الزيت اذا وصل النص راح الصوت مع اني اغير كاسترول سوبر جيتكس cosrol10-30
مع العلم انه مكتوب على غطاء المكينه a5-30

وش رايكم اغير الزيت ولا الطرمبه الزيت ياهل الخبره وش احسن زيت تنصحون

ريثان القصيم

20/02/2014, 02:27 PM

كهرووب

20/02/2014, 04:29 PM

غير جلدة طرمبة الزيت وان شاء الله راح تنحل المشكله

1824

21/02/2014, 01:52 AM

الحل بأذن الله زيت بترومين A1 5w30 غيره مع السيفون سيفون اصلي اهم شيء من الوكالة ولمن تجي تغير الزيت غيره والزيت حار يعني لمن تروح عند البنشري خلي السيارة شغاله وعطها كم دعسه كذا دبلها وخله ينزل الزيت على طول يفك الصرة عشان يسحب كل الوسخ معه الزيت الحار يسحب وسخ اكثر من المكينة ويفكلك مجاري الزيت وبعدها غير الزيت مع السيفون بزيت بترومين A1 وامورك محلولة اشترلك كرتون من محلات الجملة تطلع عليك العلبة بحول 21 ريال ويمشك 10 الاف بالراحة ممتاز جداً الزيت ويتحمل الضغط بالتوفيق اخي الكريم

عبقري91

21/02/2014, 04:15 AM

السلام عليكم. اذا احتمت المكينه بعد كم مشوار يصير ضغط الزيت بين النص والربع. اما المكينه زي سيارتك يصير اقرب شي له النص
اتكلم عن. يوكن ١٥٠٠. وجمس ٢٥٠٠
نفس الموديل. واشوف ضغطهن كلهن

والطقطقه. مالك حل الا. تغير. ربلة الطرمبه حقت الزيت. او الطرمبه اذا كانت خربانه.
ثانين. قد يكون الكارتيت متسخ. لان اذا طول الزيت ماغيرته. يحترق ويسدد عليك مجاري الزيت داخل المكينه
ويصير في قعر الكارتير شحم. من الزيت. ويسد عليك. الشخال. الي يشفط الزيت
والمشكله العظيمه الي هي السيفون التجاري. الكرتون الي داخله. مع الحراره يتغطع ويسد عليك. الشخال حق الزيت. ويضعف الزيت عشان يوصل لراس المكينه. وتبدا اطقطق. المكينه.
انا طقطقت معي. مره. والضغط كان نازل ومع الوقت. طلعت لمبه. اطفي المحرك. المهم فكيت الطرمبه والربله وغيرتها وخليتهن يفركون الكرتير فرك. وبعدها الحمدلله. زان

وانوعيت الزيت الي ذكرو. الاخوان فوق. 5w30
جيد جدا. وانا انصح بزيت. هافولين 5w30. عن تجربه. وزيت موتروكرافت. نفسه جيده. سعرها جمله موترو ١٩ريال
هفولين21 ريال
سعر الربله مايتعدا١٥ حتى٣٠ ريال
سعر الطرمبه الزيت ٢٦٠ ريال وكاله
وجه كرتير ٥٠ ريال
زيت. ٦علب. مع سيفون حسب الزيت
مارديتر اصلي حسب النوع من٣٥ حتى٥٠ ريال تقريبن
شغل يد. اذا موترك دبل بيكون اغلا شوي من ٣٠٠ حتى ١٠٠٠ حسب الورشه
واذا بدون دبل ١٥٠ حتى ٥٠٠ ريال يختلف من ورشه لورشه
نصيحه. خلك عندهم. ولو ان الشغل يطول شوي
يفكون المروحه. والسيور. وطرمبة الماء وطرمبة الزيت والكوتير.
فخلك عندهم احسن
وبالمره دامك فاك فاك. عير طرمبة المويه اذا لك فتره ماغيرتها. والسيور.
هذا اجتهاد. مني قد يكون هو السبب وقد يكون غيره

وبالله التوفيق

الودعاني711

25/02/2014, 02:28 PM

شباب تم تغير الزيت اسي ديلكو c5-30 حق الوكاله وفلتر من شركة الجميح بخصوص الصوت وللأسف مازال موجود والملاحظه الى الان وضغط الزيت على الربع واذا مشيت يوصل النصف

ومع السرعه يروح الصوت يعني اذا وصل ضغت الزيت الى النصف راح الصوت

يالربع وش الحل

مطر وسم

25/02/2014, 02:37 PM

عندك مشكله في طرنبة الزيت ماتسحب الزيت بالشكل المطلوب ضعيفه احسن شي تغيرها كامله ترى كذا تخبط عليك الماكينه انتبه

تحياتي للجميع

الودعاني711

27/02/2014, 10:54 AM

راح اغير الطرمبه واجرب ياشباب تنصحوني بورشه للجمس تخصص السيارات الامريكي